AP Weather: మండే ఎండల్లో చల్లటి వార్త.. ఏపీలోని ఈ ప్రాంతాలకు వర్ష సూచన
ఉత్తర కోస్తాలోని పలు ప్రాంతాల్లో తేలికపాటి వర్షాలు కురిసే అవకాశం ఉందని అంచనా వేసింది. ఆదివారం, సోమవారం ఈ వర్షాలు ఉంటాయని తెలిపింది. ఉత్తర కోస్తాలోని పలు ప్రాంతాల్లో ఉరుములు, మెరుపులతో కూడిన వర్షాలు కూడా పడొచ్చని ఐఎండీ హెచ్చరించింది. ఈదురుగాలులు గంటకు 30- 40 కి.మీ వేగంతో వీచే అవకాశం ఉందని పేర్కొంది.
మండే ఎండల్లో చల్లటి వార్త ఇది. ఏపీలోని పలు ప్రాంతాల్లో వర్షాలు పడే అవకాశం ఉందని వాతావరణ శాఖ తెలిపింది. ఆంధ్రప్రదేశ్, యానాంలో దిగువ ట్రిపో ఆవరణంలో ఆగ్నేయ లేదా నైరుతి దిశలో గాలులు వీస్తున్నాయి. రాబోవు మూడు రోజులకు వాతావరణ సూచనలు ఎలా ఉన్నాయో తెలుసుకుందాం పదండి.
ఉత్తర కోస్తా ఆంధ్రప్రదేశ్ & యానాం :-
————————————
ఆదివారం, సోమవారం, మంగళవారం :- తేలికపాటినుండి మోస్తరు వర్షాలు లేదా ఉరుములతో కూడిన జల్లులు ఒకటి లేదా రెండు చోట్ల కురిసే అవకాశముంది. ఉరుములతో కూడిన మెరుపులతో పాటు ఈదురు గాలులు గంటకు 30 – 40 కి మీ వేగం తో వీయవచ్చు. వడగాలులు ఒకటి లేదా రెండు చోట్ల వీచే అవకాశముంది.
దక్షిణ కోస్తా ఆంధ్రప్రదేశ్ :-
——————————–
ఆదివారం;- వాతావరణం పొడి గా ఉండే అవకాశం ఉంది. వేడి, తేమతో కూడిన అసౌకర్యమైన వాతావరణం ఏర్పడే అవకాశం ఉంది.
సోమవారం, మంగళవారం :- వాతావరణం పొడి గా ఉండే అవకాశం ఉంది. వడగాలులు ఒకటి లేదా రెండు చోట్ల వీచే అవకాశముంది.
రాయలసీమ :-
——————-
ఆదివారం, సోమవారం, మంగళవారం :- వాతావరణం పొడి గా ఉండే అవకాశం ఉంది . వడగాలులు ఒకటి లేదా రెండు చోట్ల వీచే అవకాశముంది.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..
