వడ్డీకాసుల వాడికి మళ్ళీ భారీ ఆదాయం.. ఏప్రిల్ లో కూడా రికార్డ్ బ్రేక్ 

తిరుమల శ్రీవారి ఆదాయం మరోసారి 100 కోట్లు దాటింది. ఏప్రిల్ నెలలో కూడా భారీ సంఖ్యలో స్వామివారికి భక్తులు కానుకల్ని సమర్పించారు.

అయితే శ్రీవారి ఆదాయం గత నెలతో పోలిస్తే కొంత మేర తగ్గింది. మార్చి నెలలో రూ.118 కోట్ల ఆదాయం రాగా ఏప్రిల్ నెలలో రూ.101 కోట్లు వచ్చింది

విద్యార్ధుల పరీక్షలు కంప్లేట్ అయి వేసవి సెలవులు వచ్చేశాయి.. దీంతో ఏప్రిల్‌ నెలలో తిరుమల శ్రీవారిని 20.17 లక్షల మంది భక్తులు దర్శించుకున్నారు. 

ఏప్రిల్‌ నెలలో తిరుమల శ్రీవారిని దర్శించుకుని భక్తులు తమ మొక్కులు చెల్లించుకున్నారు. స్వామివారికి రూ 101.63 కోట్ల కానుకలను భక్తులకు సమర్పించారు. 

తిరుమల శ్రీవారి లడ్డుకి ఎప్పుడూ డిమాండ్ ఉంటుంది. భక్తులు స్వామివారి ప్రసాదం లడ్డులను కొనుగోలు చేశారు. ఏప్రిల్‌ నెలలో 94.22 లక్షల లడ్డూలు విక్రయించారు. 

స్వామివారి దర్శనం కోసం వెళ్ళే భక్తులు అన్నప్రసాదాన్ని స్వీకరిస్తారు. ఏప్రిల్ నెలలో 39.73 లక్షల మంది భక్తులు అన్నప్రసాదం స్వీకరించారు.  

శ్రీవారికి భక్తులు మొక్కుకుని తమ తలనీలాలు సమర్పిస్తారు. ఏప్రిల్ నెలలో 8.08 లక్షల మంది భక్తులు స్వామివారికి తలనీలాలు సమర్పించారు.