Weather Alert: ఇక్కడ చలి.. అక్కడ వర్షాలు.. బాంబ్ పేల్చిన వాతావరణ శాఖ.. ఇదిగో 3 రోజులు వెదర్ రిపోర్ట్

Andhra Pradesh Telangana weather forecast

తెలుగు రాష్ట్రాల్లో చలి తీవ్రత పెరిగింది.. చలిగాలులతో ప్రజలు గజగజ వణికిపోతున్నారు. బయటకు వచ్చేందుకు జంకుతున్నారు.. అయితే.. ఆంధ్రప్రదేశ్, తెలంగాణలోని కొన్ని ప్రాంతాల్లో ఉష్ణోగ్రతలు సింగిల్‌ డిజిట్‌కు పడిపోయాయి. చాలా ప్రాంతాల్లో కోల్డ్‌ వేవ్స్‌ వణికిస్తున్నాయి. ఈ తరుణంలో వాతావరణ శాఖ అలర్ట్ జారీ చేసింది.. కొన్ని ప్రాంతాల్లో చలి తీవ్రత పెరుగుతుందని.. మరికొన్ని ప్రాంతాల్లో వర్షాలు కురిసే అవకాశం ఉందని పేర్కొంది. మూడు రోజుల వెదర్ రిపోర్ట్ ఎలా ఉందో ఈ కథనంలో తెలుసుకుందాం..

ఆంధ్రప్రదేశ్‌‌లోని పలు ప్రాంతాల్లో వర్షాలు..

అమరావతి వాతావరణ కేంద్రం ప్రకారం.. ఆంధ్రప్రదేశ్, యానాంలో దిగువ ట్రోపో ఆవరణములో ఉత్తర – ఈశాన్య దిశగా గాలులు వీస్తున్నాయి. వీటి ఫలితంగా రాష్ట్రంలో రాగల మూడు రోజుల వరకు వాతావరణ సూచనలు ఈ కింది విధంగా ఉన్నాయి..

ఉత్తర కోస్తా ఆంధ్రప్రదేశ్ యానాం :– బుధవారం, గురువారం, శుక్రవారం పొడి వాతావరణం ఏర్పడే అవకాశము ఉంది.

దక్షిణ కోస్తా ఆంధ్ర ప్రదేశ్:- బుధవారం, గురువారం తేలికపాటినుండి మోస్తరు వర్షాలు ఒకటి లేదా రెండు చోట్ల కురిసే అవకాశముంది. శుక్రవారం పొడి వాతావరణం ఏర్పడే అవకాశము ఉంది.

రాయలసీమ:- బుధవారం, గురువారం తేలికపాటినుండి మోస్తరు వర్షాలు ఒకటి లేదా రెండు చోట్ల కురిసే అవకాశముంది. శుక్రవారం పొడి వాతావరణం ఏర్పడే అవకాశము ఉంది.

గమనిక :- రాగల 3 రోజుల్లో కోస్తా ఆంధ్రప్రదేశ్, యానము, రాయలసీమలో కనిష్ట ఉష్ణోగ్రతలు నమోదులో గణనీయమైన మార్పు ఉండదు. ఆ తర్వాత 2 రోజుల్లో ఒకటి లేదా రెండు చోట్ల సాధారణము కంటే 2-3 డిగ్రీల సెంటీగ్రేడ్ తక్కువగా నమోదయ్యే అవకాశముంది.

తెలంగాణ రాష్ట్రంలో రాగల మూడు రోజుల వరకు వాతావరణ విశ్లేషణ, వాతావరణ హెచ్చరికలు :

హైదరాబాద్ వాతావరణ కేంద్రం ప్రకారం.. తెలంగాణ రాష్ట్రంలో క్రింది స్థాయి గాలులు ప్రధానముగా తూర్పు, ఆగ్నేయ దిశల నుండి వీస్తున్నవి.. రాగల 3 రోజులు ఉష్ణోగ్రతలు మరింత తగ్గే అవకాశం ఉంది.. బుధవారం, గురువారం, శుక్రవారం రాష్ట్రంలో పొడి వాతావరణం ఏర్పడే అవకాశం ఉంది. రాబోయే రెండు రోజుల్లో రాష్ట్రంలోని కొన్ని ప్రాంతాల్లో కనిష్ట ఉష్ణోగ్రతలు సాధారణం కంటే 3°C నుండి 5°C తక్కువగా నమోదయ్యే అవకాశం ఉంది.

ఈరోజు కొన్ని ఉత్తర, పశ్చిమ తెలంగాణ జిల్లాలలో అక్కడక్కడ చలిగాలులు వీచే అవకాశం ఉంది.

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..