Andhra Pradesh: చంద్రబాబు నిర్ణయాలపై సిట్.. సుప్రీంలో ముగిసిన వాదనలు.. తీర్పుపై సర్వత్రా ఉత్కంఠ
అమరావతి భూములు, ఫైబర్‌నెట్‌ కుంభకోణాలకు సంబంధించిన సిట్ విచారణకు సంబంధించిన బంతి ఇప్పుడు సుప్రీం చేతికి చేరింది. రెండు మూడు రోజుల్లో తీర్పు వచ్చే అవకాశం ఉన్నట్లు తెలుస్తుంది. దీంతో సుప్రీంకోర్టు ఇచ్చే తీర్పు సంచలనంగా మారనుంది.
ఏపీ ప్రభుత్వం సిట్ఏర్పాటుపై సుప్రీంకోర్టులో వాదనలు ముగిసాయి. టీడీపీ హాయంలో కుంభకోణాలు జరిగాయాంటూ సిట్ ఏర్పాటు చేసింది ఏపీ ప్రభుత్వం. సిట్ ఏర్పాటుపై రాష్ట్ర హైకోర్టు స్టే విధించింది. స్టేను ఎత్తివేయాలంటూ ఏపీ ప్రభుత్వం సెప్టెంబర్ 15న సుప్రీంకోర్టును ఆశ్రయించింది. హైకోర్టు స్టేపై పిటిషన్‌ దాఖలు చేసింది. దీనిపై విచారణ చేపట్టిన సుప్రీం.. ఇరు వాదనలు విన్న తర్వాత తీర్పును రిజర్వ్ చేసింది. అమరావతి భూములు, ఫైబర్‌నెట్‌ కుంభకోణాలకు సంబంధించిన సిట్ విచారణకు సంబంధించిన బంతి ఇప్పుడు సుప్రీం చేతికి చేరింది. రెండు మూడు రోజుల్లో తీర్పు వచ్చే అవకాశం ఉన్నట్లు తెలుస్తుంది. దీంతో సుప్రీంకోర్టు ఇచ్చే తీర్పు సంచలనంగా మారనుంది. సుప్రీం కీలక తీర్పుపై ఉత్కంఠగా ఎదురు చూస్తున్నాయి ఇరుపక్షాలు. ఎవరికి అనుకూలంగా.. ఎవరికి వ్యతిరేకంగా వస్తుందా అనే ఉత్కంఠ నెలకొంది. విచారణ సమయంలో జస్టిస్‌ ఎం.ఆర్‌. షా, జస్టిస్‌ ఎం.ఎం.సుందరేశ్‌లతో కూడిన ధర్మాసనం టీడీపీ నేత వర్ల రామయ్య తరపు న్యాయవాదిపై సీరియస్ అయింది. గత ప్రభుత్వ నిర్ణయాలపై సమీక్ష జరిపే అధికారం లేదంటే ఎలా అని ప్రశ్నించింది. రాజకీయ వైరం వల్ల ఎంక్వేరీ చేయోద్దు అంటే ఎలా? క్లీన్ గా ఉంటే ఎందుకు భయపడుతున్నారు? సిట్లో అంతా పోలీస్ఉన్నతాధికారులే ఉన్నారు కదా? అంటూ ప్రశ్నించింది.
కాగా కేబినెట్‌ సబ్‌ కమిటీ సిఫార్సుల మేరకే ఓ పోలీసు స్టేషన్‌లో సిట్‌ను ఏర్పాటు చేసినట్లు సుప్రీంకు తెలిపారు రాష్ట్ర ప్రభుత్వం తరఫున సీనియర్‌ లాయర్ అభిషేక్‌ మనుసింఘ్వి. గత ప్రభుత్వంపై పక్షపాతంతోనే ఆ అంశాలపై జివో ఇచ్చారంటూ వాదనలు వినిపించారు వర్లరామయ్య తరపు లాయర్ దవే. అధికార పార్టీతో నిజనిర్దారణ ఏర్పాటు చేయడంతోనే హైకోర్టు కలుగజేసుకుందని చెప్పారు. ఇరు వాదనలు విన్న సుప్రీం.. తీర్పు రిజర్వ్ చేసింది. ఏలాంటి తీర్పు వస్తుందోనన్న ఉత్కంఠ ఇరు పక్షాల్లో నెలకొంది.
మరిన్ని ఏపీ వార్తల కోసం క్లిక్ చేయండి..
