AP Weather Report: తగ్గేదే లే అంటున్న వరణుడు.. ఇవాళ కూడా భారీ వర్షాలు.. ముఖ్యంగా ఈ జిల్లాల్లో..

కొన్ని చోట్ల చెట్లు కూలిపోయి విద్యుత్‌ సరఫరా నిలిచిపోయింది. దీంతో పలు లోతట్టు ప్రాంతాలు నీట మునడంతో రోడ్లపై మోకాళ్లలోతు నీళ్లు చేరి వాహనదారులు తీవ్ర ఇబ్బంది పడ్డారు. నాలాల వెంబడి వరద నీరు ఉధృతంగా ప్రవహించింది. ఎక్కడ గుంతలు ఉన్నాయో, మ్యాన్‌ హోల్స్‌ ఉన్నాయో తెలియక జనం ఆందోళనకు లోనయ్యారు. అత్యధికంగా శేరిలింగంపల్లి ఖాజాగూడలో 6.3 సెంటీమీటర్ల వర్షపాతం నమోదైంది. ఆ తర్వాత షేక్‌పేటలో 5.2 సెంటీమీటర్లు, జూబ్లీహిల్స్‌లో 4.6 సెంటీమీటర్లు, మాదాపూర్‌లో 4.5 సెంటీమీటర్లు, సింగిరేణికాలనీలో 4.1 సెంటీమీటర్లు, అమీర్‌పేటలో 4.0 సెంటీమీటర్లు, ఎంసీఆర్‌హెచ్‌ఆర్‌డీలో 3.8 సెంటీమీటర్ల వర్షపాతం నమోదైంది.

తెలుగు రాష్ట్రాలను వరుణ దేవుడు వణికిస్తున్నాడు. సమయం కాని సమయంలో విరుచుకుపడుతూ జనాలకు ఇబ్బందులు కలిగిస్తున్నాడు. ముఖ్యంగా రైతుల కంట కన్నీరు మిగుల్చుతున్నాడు. ఇప్పటికే భారీ వర్షాలతో అతలాకుతలం అవుతున్న జనాలకు.. మరో షాకింగ్ న్యూస్ చెప్పింది వాతావరణ శాఖ. ఇవాళ కూడా వర్షాలు పడే వీలుందని ప్రకటించింది. పశ్చిమ విదర్భ నుండి మరాట్వాడా మీదుగా దక్షిణ కర్ణాటక వరకు వ్యాపించిన ఉపరితల ఆవర్తనంతో జోరుగా వర్షాలు పడుతున్నాయి. సముద్ర మట్టానికి 1.5 కిలోమీటర్ల ఎత్తులో ఆవర్తనం కొనసాగుతోంది. దీని ప్రభావంతో ఉత్తర, దక్షిణ కోస్తా, రాయలసీమ ప్రాంతాల్లో అక్కడక్కడ ఉరుములతో కూడిన మోస్తారు వర్షాలు పడే అవకాశం ఉంది. కొన్ని ప్రాంతాల్లో గంటకి 30 నుండి 40 కిలోమీటర్ల వేగంతో గాలులు వీచే అవకాశం ఉంది.

ఏపీలోని పలు ప్రాంతాల్లో వర్షాలు..

ఉపరితల ద్రోణి ప్రభావంతో ఇవాళ ఆంధ్రప్రదేశ్‌లోని పలు ప్రాంతాల్లో మోస్తరు వర్షాలు కురుస్తాయని వాతావరణ శాఖ ప్రకటించింది. ఉత్తర, దక్షిణ కోస్తాలో పలు చోట్ల వర్షాలు పడుతాయని తెలిపింది. రాయలసీమలో అక్కడక్కడా ఉరుములతో కూడిన వర్షాలు కురుస్తాయని తెలిపింది.

మరిన్ని ఆంధ్రప్రదేశ్ వార్తల కోసం ఈ లింక్ క్లిక్ చేయండి..