Breaking News
  • కరోనా నుంచి బయటపడిన చైనా, ఇప్పుడు యూరప్‌ దేశాలకు కిట్లను, మాస్క్‌లను పంపిస్తోంది. అయితే వాటిలో నాణ్యత లేదని కొన్ని దేశాలు ఆరోపిస్తున్నాయి. పరికరాలను తిప్పి పంపిస్తున్నాయి. ఈ సంక్షోభాన్ని, చైనా తన ప్రభావాన్ని విస్తరించుకోవడానికి వాడుకుంటోందన్న విమర్శలూ వినిపిస్తున్నాయి.
  • ఆంధ్రప్రదేశ్‌లో కరోనా భూతం విస్తరిస్తోంది. ఏపీలో ఉన్న 13 జిల్లాలలో 11 జిల్లాలను కరోనా కమ్మేసింది. నిజాముద్దీన్‌ జమాత్‌ లింకులతో చిన్న పట్టణాలు, పల్లెలకు కూడా వ్యాపించింది కరోనా.. కొత్త కేసులన్నింటికీ ఢిల్లీ లింకులుండటం ఆందోళన కలిగిస్తోంది.
  • కరోనాపై యుద్ధం చేస్తున్న భారత్‌కు ప్రపంచబ్యాంకు భారీ సాయాన్ని అందించింది. భారత్‌తో పాటు కరోనాను ఎదుర్కొంటున్న పలు దేశాలకు ప్రపంచబ్యాంకు ఆర్ధిక సాయాన్ని ప్రకటించింది. కరోనాను తీవ్రంగా ప్రతిఘటిస్తున్న భారత్‌కు ఒక బిలియన్‌ డాలర్ల భారీ ఆర్ధిక సాయాన్ని ప్రకటించింది ప్రపంచబ్యాంక్‌..
  • ఉమ్మడి ఆదిలాబాద్‌ జిల్లాలో ఆశా వర్కర్లు ఇంటింటి సర్వే చేస్తున్నారు. ఇది గందరగోళానికి దారి తీస్తోంది. ఢిల్లీ నుంచి వచ్చిన వ్యక్తి ఇంటికి వెళ్లారు ఆశావర్కర్లు. సర్వే కోసమని వెళ్లిన ఆశా వర్కర్లను దుర్భాషలాడటమే కాకుండా వారిపై దాడికి ప్రయత్నించారు
  • అమరావతి ఏపీ ప్రభుత్వం కీలక నిర్ణయం ఎస్మా పరిధిలోకి ప్రభుత్వ, ప్రైవేట్‌ వైద్య సర్వీసులు. 6 నెలల పాటు ఎస్మా పరిధిలోకి తెస్తూ జీవో కూడా విడుదల. ఈ చట్టం కింద పనిచేయడానికి నిరాకరించిన వారిని శిక్షించే అధికారం ప్రభుత్వానికి ఉందంటూ జీవో జారీ.

Megastar Chiranjeevi: మెగాస్టార్‌కు అమరావతి సెగ

రెండు నెలల అమరావతి ఉద్యమం వేదిక హైదరాబాద్‌కు రానుంది. అమరావతి రాజధానికి మద్దతు కూడగడుతున్న రైతాంగం హైదరాబాద్‌లో ఒకరోజు మహా ధర్నాకు సిద్దమవుతున్నారు. అది కూడా మెగాస్టార్ చిరంజీవి ఇంటి ఎదురుగా..
amaravati heat upto megastar, Megastar Chiranjeevi: మెగాస్టార్‌కు అమరావతి సెగ

Amaravati farmers to stage dharna in front of Chiranjeevi house in Hyderabad: మెగాస్టార్ చిరంజీవికి అమరావతి రైతుల ఆందోళన సెగ తగలనుంది. మూడు రాజధానుల విషయంలో ఇంత వరకు ఎలాంటి వైఖరిని వెల్లడించని మెగాస్టార్ చిరంజీవిపై ఆగ్రహం వ్యక్తం చేస్తున్న అమరావతి ఏరియా రైతాంగం.. హైదరాబాద్‌లోని ఆయన ఇంటి ముందు ధర్నా చేయాలని నిర్ణయించారు. అందుకు ముహూర్తం కూడా ఖరారు చేశారు.

Read this: హైదరాబాద్‌లో శ్రీ చైతన్య, నారాయణ కాలేజీలు బంద్!

మూడు రాజధానులు వద్దు.. అమరావతి రాజధానే కావాలంటూ గత 72 రోజులుగా ఆందోళన చేస్తున్న అమరావతి ఏరియా రైతాంగం రోజుకో విధంగా తమ నిరసనను వ్యక్తం చేస్తున్నారు. బెజవాడ కృష్ణమ్మ సన్నిధిలోను, షిరిడీ సాయిబాబా సన్నిధిలోను ప్లకార్డులను ప్రదర్శించిన అమరావతి ఏరియా ప్రజలు, రైతులు, మహిళలు… తాజాగా చిరంజీవి మౌనంపై మండిపడుతున్నారు. ఆఖరుకు వివాహ వేదికల్లోను ప్లకార్డులు ప్రదర్శిస్తూ తమ అభిమతాన్ని వ్యక్తం చేస్తుంటే.. చిరంజీవి మాత్రం మూడు రాజధానులకు వ్యతిరేకమా లేక అనుకూలమా తెలియజేయకుండా.. మౌనంగా సినిమాలకు పరిమితమయ్యారని అమరావతి వాసులు భావిస్తున్నారు.

amaravati heat upto megastar, Megastar Chiranjeevi: మెగాస్టార్‌కు అమరావతి సెగ

Read this: జనసేన ఏకైక ఎమ్మెల్యే వెరైటీ కామెంట్స్

చిరంజీవికి తమ డిమాండ్ తెలిపి.. ఆయన మద్దతు పొందేందుకు అమరావతి రైతులు సిద్దమవుతున్నారు. ఫిబ్రవరి 29న హైదరాబాద్‌లోని చిరంజీవి నివాసం ముందు భారీ ధర్నాకు అమరావతి రైతాంగం పిలుపునిచ్చింది. అమరావతి పరిరక్షణ యువజన జేఏసీ ఆధ్వర్యంలో చిరంజీవి నివాసం ముందు ఉదయం 10 గంటల నుంచి సాయంత్రం 5 గంటల వరకు ధర్నా నిర్వహించనున్నారు. ఈ కార్యక్రమానికి భారీగా అమరావతి ఏరియా ప్రజలు, అమరావతికి మద్దతిస్తున్న వారు పెద్ద ఎత్తున తరలిరావాలని యువజన జేఏసీ పిలుపునిచ్చింది.

 

Read this: చంద్రబాబు దారి జైలుకే… రోజా జ్యోతిష్యం నిజమేనా?

Related Tags