హీటెక్కిస్తున్న ‘మా’ అసోసియేషన్ ఎన్నికలు

మా అసోసియేషన్ ఎన్నికల్లో హారాహారీగా తప్పని పరిస్థితి కన్పిస్తోంది. ఎవరి మద్దతు ఎవరికనే అంశంపై ఇండస్ట్రీ రెండు వర్గాలుగా విడిపోతుంది. ఈ క్రమంలో తాను నరేష్ ప్యానెల్‌ను సపోర్ట్ చేస్తూన్నట్టు ప్రకటించారు మెగా బ్రదర్ నాగబాబు. మా అసోసియేషన్లో ఇప్పటి వరకు మహిళలకు సరైన హోదా దక్కలేదన్నారు నాగబాబు. ఈ సారి ఆ లోటును భర్తీ చేయాల్సిన అవసరం ఎంతైనా ఉందన్నారు. జీవిత సెక్రటరీ పదవి కోసం బరిలో ఉన్నారు కాబట్టి ఈ ప్యానెల్‌కి మద్దతు ఇస్తున్నట్లు నాగబాబు చెప్పారు.

ఐనా ఒకే వ్యక్తి మళ్లీ మళ్లీ పదవి చేపట్టడం సరైంది కాదనేది నా అభిప్రాయమన్నారు నాగబాబు. గతంలో తాను ప్రెసిడెంట్‌గా చేసినప్పుడు మళ్లీ కొనసాగాలని కోరినా తాను అంగీకరించలేదన్నారు. ఎవరైనా సరే రెండు మూడు సార్లు పదవిలో ఉండాలనే కాన్సెప్ట్ కరెక్ట్ కాదన్నారు నాగబాబు.