ఎన్ని శక్తులొక్కటైనా…అమ్మ ప్రేమను ఓడించలేవు..ఇదే ఉదాహరణ
తన గుడ్లను మింగేందుకు వచ్చిన ఓ పాముతో వడ్రంగి పిట్ట ప్రాణాలకు తెగించి పోరాటం చేసింది. చెట్టు గూడులో చొరబడిన పాముతో ఫైటింగ్‌ చేసింది. దాదాపు నాలుగు సార్లు దానిని ముక్కుతో పొడుస్తూ.. తరిమి కొట్టింది. పాముతో పక్షి చేసిన పోరాటంలో అది చావు అంచులదాకా వెళ్లొంచ్చింది.
ఈ సృష్టిలో తల్లి ప్రేమను మించింది మరోకటి లేదు. తల్లిప్రేమకు ఇంకేదీ సాటి రాదు. తల్లి తన బిడ్డల్ని కంటికి రెప్పల్లా కాపాడుకుంటుంది. కన్న బిడ్డల జోలికొస్తే ఏ తల్లి ఊరుకోదు. వారి ప్రాణాలకు ముప్పు ఉందని తెలిస్తే.. ఎదురుగా ఉన్నది ఎవరైనా తీవ్రంగా ప్రతిఘటిస్తుందనటానికి ఈ వీడియో సరిగ్గా సరిపోతుంది. తన గుడ్లను మింగేందుకు వచ్చిన ఓ పాముతో వడ్రంగి పిట్ట ప్రాణాలకు తెగించి పోరాటం చేసింది. చెట్టు గూడులో చొరబడిన పాముతో తీవ్రంగా ఫైట్ చేసింది. దాదాపు నాలుగు సార్లు దానిని ముక్కుతో పొడుస్తూ.. తరిమి కొట్టింది. పాముతో పక్షి చేసిన పోరాటంలో అది చావు అంచులదాకా వెళ్లొంచ్చింది. ఆ వడ్రంగి పిట్ట తన గుడ్లను రక్షించుకోవడానికి చేసిన పోరాటం చూసిన నెటిజన్లు ఫిదా అయిపోతున్నారు. 2009లో అసఫ్పే అద్మానీ అనే ఇజ్రాయెల్ టూరిస్ట్ పేరూ దేశంలో ఈ వీడియోని షూట్ చేశాడు. తరువాత దానిని యూ ట్యూబ్ లో అప్‌లోడ్ చేయగా… అప్పట్లోనే ఆ వీడియోను 8 మిలియన్ల మంది చూశారు. తాజాగా నందా అనే ఫారెస్ట్ ఆఫీసర్ ఒకరు మళ్లీ ఈ వీడియోను పోస్ట్ చేశారు. ” ఈ సృష్టిలోని ఏ శక్తీ కూడా అమ్మ ప్రేమను ఓడించలేదు.” అంటూ ఆ వీడియోకు ట్యాగ్ లైన్ పెట్టారు.దీంతో మరోసారి నెట్టింట్లో వైరల్‌గా మారిన ఆ వీడియో…మీరు చూడండి…
