G7 meeting: జీ7 సదస్సులో కరోనా కలకలం.. పాల్గొనేందుకు వెళ్లిన ఇద్దరు భారత ప్రతినిధులకు పాజిటివ్
COVID-19: ప్రపంచ వ్యాప్తంగా కరోనా మహమ్మారి విజృంభిస్తోంది. నిత్యం లక్షల్లో కేసులు, వేలాది మరణాలు సంభవిస్తున్నాయి. ఎక్కడ చూసినా సెకండ్ వేవ్
COVID-19: ప్రపంచ వ్యాప్తంగా కరోనా మహమ్మారి విజృంభిస్తోంది. నిత్యం లక్షల్లో కేసులు, వేలాది మరణాలు సంభవిస్తున్నాయి. ఎక్కడ చూసినా సెకండ్ వేవ్ అలజడి సృష్టిస్తోంది. సాధారణ ప్రజల నుంచి ప్రముఖుల వరకూ అందరూ కరోనా బారిన పడుతున్నారు. తాజాగా.. జీ 7 సదస్సులో పాల్గొనేందుకు లండ‌న్ వెళ్లిన భారత ప్ర‌తినిధుల్లో ఇద్ద‌రికి క‌రోనావైరస్ పాజిటివ్‌గా నిర్ధారణ అయింది. ఈ నేపథ్యంలో ప్ర‌తినిధుల బృందంలోని స‌భ్యులంతా సెల్ఫ్ ఐసొలేష‌న్‌లో ఉన్న‌ట్లు బ్రిట‌న్ ప్ర‌భుత్వం బుధ‌వారం వెల్లడించింది. జీ 7 గ్రూప్‌లో భార‌త్ స‌భ్య దేశం కాదు.. అయిన‌ప్ప‌టికీ లండ‌న్‌‌లో జ‌రిగే ఈ స‌ద‌స్సుకు భార‌త్‌తోపాటు ఆస్టేల్రియా, ద‌క్షిణ ఆఫ్రికా, ద‌క్షిణ కొరియా దేశాల‌ను బ్రిట‌న్ ఆహ్వానించింది. దీంతో కేంద్ర విదేశాంగ మంత్రి జైశంక‌ర్‌తో కూడిన భారత ప్ర‌తినిధుల బృందం లండ‌న్‌కు వెళ్లింది.
మ‌రోవైపు కరోనా నేపథ్యంలో ప్రతినిధులకు ప్ర‌తి రోజు కోవిడ్ ప‌రీక్ష‌లు నిర్వ‌హిస్తున్నారు. ఈ నేపథ్యంలో భారత ప్ర‌తినిధుల్లో ఇద్ద‌రికి కరోనా పాజిటివ్‌గా నిర్ధారణ అయినట్లు అధికారులు వెల్లడించారు. దీంతో వారంద‌రినీ సెల్ఫ్ ఐసొలేష‌న్‌లో ఉంచిన‌ట్లు బ్రిట‌న్ ప్ర‌భుత్వం తెలిపింది. భారత ప్ర‌తినిధులు వ‌ర్చువ‌ల్‌గా సదస్సులో పాల్గొంటార‌ని పేర్కొంది. అయితే కేంద్ర మంత్రి జైశంక‌ర్‌కు కరోనా సోక‌లేద‌ని తెలిపింది. కాగా ఆయ‌న బ్రిట‌న్ అంత‌ర్గ‌త మంత్రితో మంగ‌ళ‌వారం స‌మావేశ‌మైన‌ట్లు స్థానిక మీడియా ప్రకటించింది. కరోనా కలకలం నేపథ్యంలో విదేశాంగ మంత్రి జై శంకర్ వర్చువల్ ద్వారా జీ7 సమావేశంలో పాల్గొన్నారు.
Also Read: