Viral Video: బుర్జ్ ఖలీఫా టార్గెట్‌గా దూసుకొచ్చిన ఇరాన్ డ్రోన్స్! వైరల్ అవుతున్న వీడియో!

Burj Khalifa Drone Attack Video Viral (1)

ఇరాన్‌పై ఇజ్రాయెల్, ఆమెరికా చేసిన సంయుక్త దాడులతో పచ్చిమాసియా మొత్తం ఉద్రిక్త పరిస్థితులు నెలకొన్నాయి. ఈ రెండు దేశాల దాడితో ఇరాన్ తీవ్రంగా నష్టపోయింది. దీనిని తీవ్రంగా పరిగణించిన ఇరాన్ ఏకంగా ఒకే సారి అమెరికా, ఇజ్రాయెల్ సమా 10 దేశాలపై బాలిస్టన్ క్షిపణులతో దాడులకు దిగింది. ఈ క్రమంలో దూబయ్‌లోని ప్రపంచంలోనే ఎత్తమైన భవనం సమీపంలో డ్రోన్లతో దాడి చేసింది. ఈ దాడిలో డ్రోన్‌లు బుర్జ్‌ ఖలీఫాన్ ఢీకొట్టాయని ప్రచారం కూడా జరుగుతోంది. అందుకు సంబంధించిన ఓ వీడియో కూడా ప్రస్తుతం సోషల్ మీడియాలో వైరల్‌గా మారింది.

వైరల్‌ వీడియోలో బుర్జ్ ఖలీఫా సమీపంలో నుంచి ఇరానియన్ డ్రోన్ వెళ్తున్న దృశ్యాలను మనం చూడవచ్చు. అలాగే వీడియో బుర్జు ఖలీఫా సమీపంలో నల్లటి పొగ ఎగసిపడుతున్నట్లు కనిపిస్తోంది. ఈ వీడియో బయటకు వచ్చిన తర్వాత చాలా మంది దుబాయ్‌లోని ఐకానిక్ టవర్‌ అయిన బుర్జు ఖలీఫా దాడికి గురైందని అనుకుంటున్నారు. కానీ అధికారికంగా మాత్రం ఇప్పటి వరకు బుర్జ్‌ ఖలీఫాపై ఎలాంటి దాడి జరినట్టు అధికారులు పేర్కొనలేదు.

వీడియో చూడండి..

అయితే ఈ వీడియో బయటకు వచ్చే ముందే అనేక ఇరానియన్ డ్రోన్‌లు దుబాయ్‌లోని పలు నగాల్లోకి దూసుకొచ్చాయి. ఈ నేపథ్యంలో అప్రమత్తమైన వైమానికి దళాలు, ప్రభుత్వాలు జనాలకు హెచ్చరికలు జారీ చేశాయి. స్థానికంగా ఉన్న కొన్ని భవనాలను ఖాళీ చేయించాయి.

ఇక దుబాయ్ నడిబొడ్డున 828 మీటర్ల ఎత్తులో ఉన్న ఈ బుర్జ్ ఖలీఫా విలువ 1.5 బిలియన్ డాలర్లు ఉంటుందని అంచనా ఉంది. ఇది దుబాయ్‌కు ప్రత్యేక ఆకర్షణగా నిలుస్తోంది. ఈ టవర్ దాని ప్రధాన నిర్మాణాన్ని కవర్ చేసే దాని డెవలపర్ ఎమ్మార్ ప్రాపర్టీస్ కోసం దాదాపు $1.5 బిలియన్లకు ఇన్‌సూరెన్స్ చేయబడింది.

మరిన్ని అంతర్జాతీయ వార్తల కోసం ఇక్కడ క్లిక్ చేయండి.