కాల్పుల విరమణ తర్వాత తొలిసారి స్పందించిన అలీ ఖమేనీ.. అమెరికాకు స్ట్రాంగ్ వార్నింగ్..!
ఇరాన్ అణు కేంద్రాలపై దాడి చేశారన్న అమెరికా అధ్యక్షుడు డొనాల్డ్ ట్రంప్ వాదనలను ఇరాన్ సుప్రీం లీడర్ ఆయతుల్లా అలీ ఖమేనీ ఖండించారు. ఈ యుద్ధం వల్ల అమెరికాకు ఏమీ లభించలేదని, ఇరాన్ తన అణు కార్యక్రమాన్ని కొనసాగిస్తుందని ఆయన స్పష్టం చేశారు. అవసరమైతే, ఇస్లామిక్ దేశాలతో అమెరికాకు ఉన్న సంబంధాలను కత్తిరిస్తామని ఖమేనీ హెచ్చరించారు.
ఇరాన్ సుప్రీం నాయకుడు అయతుల్లా అలీ ఖమేనీ మరోసారి అమెరికాకు స్ట్రాంగ్ వార్నింగ్ ఇచ్చారు. మధ్యప్రాచ్యంలోని అమెరికన్ సైనిక స్థావరాలను ఇరాన్ ధ్వంసం చేయగలదని మరియు అవసరమైతే చర్య తీసుకోగలదని ఆయన హెచ్చరించారు. ఖతార్లోని అమెరికన్ సైనిక స్థావరాలపై దాడులను ప్రస్తావిస్తూ, శత్రువు దాడి చేస్తే, అది భారీ మూల్యం చెల్లించాల్సి ఉంటుందని ఆయన అన్నారు.
“ఇరాన్ అమెరికాను తీవ్రంగా దెబ్బతీసింది. ఈ ప్రాంతంలోని ప్రధాన అమెరికా స్థావరాలలో ఒకటైన అల్-ఉదీద్ వైమానిక స్థావరంపై మేము దాడి చేసి దెబ్బతీశాము” అని ఖమేనీ ట్విట్టర్లో పోస్ట్ చేశారు. కాల్పుల విరమణ తర్వాత తన మొదటి ప్రసంగంలో, ఆయన ఇరాన్ను అభినందిస్తూ, “అమెరికా ప్రభుత్వం నేరుగా యుద్ధంలోకి ప్రవేశించింది. ఇజ్రాయెల్ పూర్తిగా నాశనం అవుతుందని భావించి అమెరికా ఇలా చేసింది. ఇజ్రాయెల్ను రక్షించడానికి అమెరికా యుద్ధంలోకి దిగింది. కానీ అది ఏమీ సాధించలేదు” అని అన్నారు.
The US President stated, "Iran must surrender." Needless to say, this statement is too big to come out of the US president's mouth.
— Khamenei.ir (@khamenei_ir) June 26, 2025
ఈ ప్రాంతంలోని ప్రధాన అమెరికా కేంద్రాలతో ఇస్లామిక్ రిపబ్లిక్కు సంబంధాలున్నాయన్నది వాస్తవమని, అవసరమైనప్పుడల్లా చర్యలు తీసుకోవచ్చని ఖమేనీ అన్నారు. భవిష్యత్తులో ఇలాంటి చర్యలు పునరావృతం కావచ్చని చెబుతూ, ఖతార్లోని అమెరికా వైమానిక స్థావరంపై దాడి చేయాలని ఆయన పిలుపునిచ్చారు. ఏదైనా దాడి జరిగితే, శత్రువు ఖచ్చితంగా భారీ మూల్యం చెల్లించుకోవాల్సి ఉంటుందని ఆయన అన్నారు.
The fact that the Islamic Republic has access to key US centers in the region and can take action whenever it deems necessary is a significant matter. Such an action can be repeated in the future too. Should any aggression occur, the enemy will definitely pay a heavy price.
— Khamenei.ir (@khamenei_ir) June 26, 2025
జూన్ 22, 2025న, ఆపరేషన్ మిడ్నైట్ హామర్ కింద, ఇరాన్కు చెందిన మూడు అణు స్థావరాలు, ఫోర్డో, నటాంజ్, ఇస్ఫహాన్లపై అమెరికా దాడి చేసి నాశనం చేసింది. ఈ మిషన్లో 125 కి పైగా విమానాలు, 7 B-2 స్టెల్త్ బాంబర్లు, 30 కి పైగా టోమాహాక్ క్షిపణులు పాల్గొన్నాయి. ఈ దాడి తర్వాత, ఇరాన్ అన్ని అణు స్థావరాలు చాలా దెబ్బతిన్నాయని ట్రంప్ పేర్కొన్నారు.
దీనికి ప్రతిస్పందనగా, ఇరాన్ ఖతార్లోని అమెరికా సైనిక స్థావరాలపై దాడి చేసింది. ఖతార్లోని అల్ ఉదీద్ వైమానిక స్థావరంపై ఇరాన్ 6 క్షిపణులను ప్రయోగించింది. ఆ తర్వాత మధ్యప్రాచ్యంలో ఉద్రిక్తతలు గణనీయంగా పెరిగాయి. అయితే, ఖతార్ వైమానిక దళం చాలా క్షిపణులను విజయవంతంగా అడ్డగించిందని ఖతార్ రక్షణ మంత్రి అన్నారు. చివరికి రెండు దేశాలు శాంతి కోసం తన వద్దకు వచ్చాయని, మధ్య ప్రాచుర్యంతోపాటు ప్రపంచ దేశాలను దృష్టిలో పెట్టుకుని ఇరు దేశాల మధ్య కాల్పుల విరమణ ఒప్పందం కుదుర్చానని అమెరికా అధ్యక్షులు ట్రంప్ చెప్పుకున్నారు.
ఇదిలావుంటే, ఇరాన్పై అమెరికా, ఇజ్రాయెల్లు ఏకపక్షంగా పోరు సాగిచిన వేళ.. చైనా, రష్యా పేర్లు తెరమీదకు వస్తున్నాయి. సైనికపరంగా ఈ రెండు దేశాలూ బలమైనవే. ఓవైపు సంయమనం పాటించాలని కోరుతూనే.. పరోక్షంగా ఇరాన్కు మద్దతు ఇచ్చాయి. ఇప్పుడు మళ్లీ యుద్ధం స్టార్ట్ అయి… ఒకవేళ రష్యా, చైనా కూడా ఇందులో భాగస్వాములైతే పర్యవసానాలు చాలా తీవ్రంగా ఉంటాయనడంలో సందేహం లేదు.
మరిన్ని అంతర్జాతీయ వార్తల కోసం ఇక్కడ క్లిక్ చేయండి..