Breaking News
  • ఖమ్మం డీసీసీబీ చైర్మన్‌గా నాగభూషయ్య . ఖమ్మం వైస్‌ చైర్మన్‌గా దొండపాటి వెంకటేశ్వరరావు. ఖమ్మం డీసీఎంఎస్‌ చైర్మన్‌గా రాయల శేషగిరిరావు. డీసీఎంఎస్‌ వైస్‌ చైర్మన్‌గా కొత్వాల శ్రీనివాసరావు ఎన్నిక.
  • మహబూబ్‌నగర్‌ డీసీసీబీ చైర్మన్‌గా నిజాంపాషా.. వైస్‌ చైర్మన్‌గా కొర్రమొని వెంకటయ్య. మహబూబ్‌నగర్‌ డీసీఎంఎస్‌ చైర్మన్‌గా ప్రభాకర్‌రెడ్డి. వైస్‌ చైర్మన్‌గా హర్యానాయక్‌ ఎన్నిక.
  • మెదక్‌ డీసీసీబీ చైర్మన్‌గా చిట్టి దేవేందర్‌రెడ్డి ఎన్నిక. వైస్‌ చైర్మన్‌గా పట్నం మాణిక్యం. డీసీఎంఎస్‌ చైర్మన్‌గా శివకుమార్‌ .
  • నల్గొండ డీసీసీబీ చైర్మన్‌గా గొంగిడి మహేందర్‌రెడ్డి. వైస్‌ చైర్మన్‌గా ఏసిరెడ్డి దయాక్‌రెడ్డి. డీసీఎంఎస్‌ చైర్మన్‌గా వట్టె జానయ్య. వైస్‌ చైర్మన్‌ నారాయణరెడ్డి.
  • వరంగల్‌ డీసీసీబీ చైర్మన్‌గా మార్నేని రవీందర్‌రావు.. వైస్‌ చైర్మన్‌గా కుందూరు వెంకటేశ్వర్‌రెడ్డి. డీసీఎంఎస్‌ చైర్మన్‌గా రామస్వామినాయక్‌ వైస్‌ చైర్మన్‌గా దేశిని శ్రీనివాస్‌రెడ్డి.

‘ మా వాడికి నోబెల్ వచ్చిందా ? నాకు చెప్పనే లేదే ? ‘.. అభిజిత్ తల్లి

nobel economic prize winner mother nirmala banerjee, ‘ మా వాడికి నోబెల్ వచ్చిందా ? నాకు చెప్పనే లేదే ? ‘.. అభిజిత్ తల్లి

తన కుమారుడు అభిజిత్ బెనర్జీకి నోబెల్ అవార్డు లభించిన విషయం ఆయన తల్లి నిర్మలా బెనర్జీకి తెలియనేలేదట. ఈ వండర్ ఫుల్ న్యూస్ ని తన కొడుకు తనకు చెప్పనేలేదని ఆమె సుతారంగా విసుక్కుంది. ‘ నేను గత రాత్రే అతనితో మాట్లాడాను. అప్పుడు ఈ విషయం చెప్పలేదు. నాకు చెప్పి ఉండొచ్ఛుగా ! అని నిలదీస్తాను ‘ అని సంతోషంతో ఉప్పొంగిపోతున్న నిర్మల బెనర్జీ అన్నారు. అభిజిత్ కి ఈ అవార్డు రావడం తనకు గర్వ కారణమన్నారు. అన్నట్టు ఈమె కూడా ఆర్థికవేత్తే. పేదరికంపై తన కొడుకు జరుపుతున్న అధ్యయనం, పేదరిక నిర్మూలనకు ఎలాంటి పబ్లిక్ పాలసీని రూపొందించాలో అన్న అంశాలపై తాము తరచూ మాట్లాడుకునేవారమని ఆమె తెలిపారు. థియోరిటికల్ వర్క్ కి, ఎకనమిక్స్ కి సంబంధం లేదని అభిజిత్ అప్పుడప్పుడూ అంటుండేవాడని, పేదరిక నిర్మూలన పైనే ఎక్కువగా దృష్టి పెట్టేవాడని ఆమె చెప్పారు. ఈ దేశం ప్రస్తుతం ఎదుర్కొంటున్న ఆర్ధిక సంక్షోభం గురించిన ప్రస్తావన కూడా మా చర్చల్లో వచ్ఛేదన్నారు. ఆ దంపతులిద్దరూ (అభిజిత్, ఆయన భార్య ఎస్తేర్ డుఫ్లో) ఆఫ్రికా, సౌత్ అమెరికా దేశాల్లో పని చేసేవారని, ఎస్తేర్ అయితే ఇండోనేసియాలో కూడా పని చేసిందని నిర్మల బెనర్జీ తెలిపారు. ఆ దేశాల్లోని పేదరికంపై ఇద్దరూ ఎంతో అధ్యయనం చేశారన్నారు. పావర్టీ, స్థానిక ఆర్ధిక సంక్షోభాలు ఈ సమస్యను ఎలా ఎదుర్కొంటాయన్న దానిపై వారిద్దరూ యోచించేవారన్నారు. 2017 లో తన కుమారుడు అమెరికన్ పౌరసత్వాన్ని అంగీకరించినప్పటికీ, అతని హృదయం భారత దేశంలోనే ఉందని నిర్మల బెనర్జీ పేర్కొన్నారు. ఎలాగైనా అతడు భారతీయుడే అన్నారు.’ చిన్నతనంలో అభిజిత్ పుస్తకాలు ఎక్కువగా చదివేవాడు.. క్రీడలు, రచనా వ్యాసంగంలోనూ దిట్టే ‘అని ఆమె చెప్పారు.

Related Tags