Viral Video: ఆడ నెమలిని ఆకట్టుకోవడానికి మగ నెమలి ప్రయత్నం.. పురివిప్పు నాట్యం.. వీడియో వైరల్

Peacock

Viral Video:  నెమలి మన జాతీయ పక్షి.. అందమైన ఈ పక్షిని చూడడానికి అందరూ ఆసక్తి చూపిస్తారు. ముఖ్యంగా మగ నెమలి.. చిరు చినుకులు పడే సమయంలో పురి విప్ప్పి నాట్యం చేస్తే.. అది చూడడానికి కనులు చాలవంటూ కవులు నెమలి నాట్యాన్ని వర్ణిస్తుంటారు. పురాణాల్లో కూడా నెమలికి అత్యంత ప్రాధాన్యత ఉంది. శ్రీకృష్ణుడు నెమలి ఈకను నెత్తి మీద ధరిస్తే… సుబ్రహ్మణ్యేశ్వర స్వామీ నెమలిని తన వాహనంగా చేసుకున్నారు..

అంతటి విశిష్టతను సొంతం చేసుకున్న నెమలి నాట్యం చేస్తూ పురివిప్పితే ఆ సోయగం ఎంతటి వారినైనా కట్టిపడేస్తుంది. దాన్ని చూసిన వారికీ ప్రకృతిలో అంతకన్నా అందమైంది ఏదీ లేదనిపిస్తుంది. అద్భుతమైన నెమలి విన్యాసాన్ని చూసి మైమరచి పోవాల్సిందే. మగ నెమలికి మాత్రమే ఇటువంటి పొడవాటి ఈకలు ఉంటాయి. ఆడ నెమలి ఆకుపచ్చ, గోధుమ, బూడిద రంగులలో ఉండే పించం ఉంటుంది. మగ నెమల్ల వలె ఆడనెమలికి పొడావాటి తోక లాంటి ఈకలు ఉండవు, కానీ వీటికి ఒక కొప్పూంటుంది.

ప్రస్తుతం అలాంటి అందమైన దృశ్యాలతో ఒక వీడియో నెట్టింట్లో చక్కర్లు కొడుతోంది. సుధారామెన్‌ అనే ఇండియన్‌ ఫారెస్ట్‌ సర్వీస్‌ అధికారి ట్విటర్‌ ద్వారా పంచుకున్న నెమలి నాట్యం చేసే వీడియో నెటిజన్లను తెగ ఆకట్టుకుంటోంది. భారీ సంఖ్యలో ఈ వీడియో వీక్షిస్తున్నారు. పురివిప్పుతున్న మగ నెమలి వెనుక ఓ ఆడనెమలి ఉంది. దీంతో ఆడ నెమలిని ఆకట్టుకోవడానికి మగ నెమలి ప్రయత్నం అమోఘం అంటూ కామెంట్స్ చేస్తున్నారు. మరి ఇంకెందుకు ఆలస్యం నెమలి సోయగాలను మీరూ ఒకసారి తిలకించండి.

Also Read: తాబేలు రాక్స్.. దాన్ని తినేందుకు వెళ్లి న‌వ్వులు పాలైన మొస‌లి.. ఏం జ‌రిగిందో మీరే చూడండి