ఈ చెట్టు పైన పక్షులు ఎందుకు ఉండవు? రహస్యం ఇదే!

ఈ మహా వృక్షం వెనుక ఒక గొప్ప త్యాగగాథ ఉంది. 15వ శతాబ్దంలో తిమ్మమాంబ అనే మహిళ తన భర్త బాలవీరయ్య మరణానంతరం సతీసహగమనం చేసింది. ఆమె చితి కోసం నాటిన నాలుగు మర్రి గుంజలలో ఒకటి చిగురించి, ఈ మహావృక్షంగా ఎదిగిందని భక్తుల నమ్మకం. ప్రస్తుతం ఈ చెట్టు 6,869 ఊడలతో ఒక పచ్చని అరణ్యాన్ని తలపిస్తుంది. అంతేకాదు, ఈ వృక్షం విషయంలో కొన్ని నమ్మశక్యం కాని విశేషాలు ప్రచారంలో ఉన్నాయి. ఈ చెట్టుపై పక్షులు మలవిసర్జన చేయవని, అలాగే సాయంత్రం ఆరు గంటల తర్వాత ఒక్క పక్షి కూడా ఈ చెట్టుపై ఉండదని స్థానికులు చెబుతుంటారు. పిల్లలు లేని దంపతులు ఇక్కడ పూజలు చేస్తే ఫలితం ఉంటుందని భక్తుల ప్రగాఢ విశ్వాసం. ప్రతి ఏటా మహాశివరాత్రి పర్వదినాన ఇక్కడ వైభవంగా జాతర జరుగుతుంది. ఆకాశం కనిపించనంత దట్టమైన హరిత పందిరిలా ఉండే ఈ వృక్షాన్ని చూసేందుకు తెలుగు రాష్ట్రాలతో పాటు కర్ణాటక, తమిళనాడు నుండి వేలాది మంది పర్యాటకులు వస్తుంటారు. రాయలసీమలో నీటి ఎద్దడి ఉన్నప్పటికీ, ఈ చెట్టు ఏడాది పొడవునా పచ్చదనంతో కళకళలాడటం విశేషం. ప్రకృతి ప్రేమికులకు, ఆధ్యాత్మిక వాదులకు ఈ ప్రాంతం ఒక అద్భుత గమ్యస్థానం అని చెప్పవచ్చు.

మరిన్ని వీడియోల కోసం :

వ్యూహం ఫలించింది..విజయం వరించింది వీడియో

చూస్తుండగానే కుప్పకూలిన మెట్రో పిల్లర్

ఈ భక్తి ఓ వింత .. ఆలయ గ్రిల్‌కు తాళాలు వేసే భక్తులు

భారీ ఆఫర్ వదిలేసిన రౌడీ బాయ్.. కారణం ఇదే..!