Tamilnadu: మానవత్వాన్ని మరిచిన కండక్టర్, ఆపై పైశాచికత్వం..(Video)



తమిళనాడులో ఓ ఆర్టీసీ బస్సు కండక్టర్‌ మానవత్వం మరిచాడు. విచక్షణారహితంగా ప్రవర్తించాడు. పూటుగా మద్యంతాగి బస్సెక్కిన ఓ వ్యక్తిపై అమానుషంగా ప్రవర్తించాడు. మద్యం తాగిన వ్యక్తిని దుర్భాషలాడుతూ బస్సు నుంచి తోసేశాడు. దీంతో ఆ వ్యక్తి కిందపడిపోయాడు. అతడికి గాయాలయ్యాయా లేదా అన్న జాలి కూడా చూపకుండా రైట్‌ రైట్‌ అంటూ వెళ్లిపోయాడు. కనీసం నడవలేని స్థితిలో ఉన్న వ్యక్తిని బస్సు నుంచి తోసేయడాన్ని కొందరు వీడియో తీశారు. ఈ వీడియో ప్రస్తుతం వైరల్‌గా మారింది. వీడియో చూసినవారంతా కండక్టర్‌ తీరుపై మండిపడుతున్నారు.