స్కూలు పిల్లల జీవితాలతో ఆడుకుంటున్న డ్రైవర్.. వీడియో చూస్తే..

తల్లిదండ్రులు తమ పిల్లలు సమయానికి స్కూల్‌కి, ఆ తర్వాత ఇంటికి క్షేమంగా చేరుకుంటారని ఆటోనో, వ్యానో, లేదా బస్సు లాంటివి ఏర్పాటు చేస్తారు. ఎన్నో జాగ్రత్తలు చెప్పి పిల్లలను వాహనాల్లో పంపిస్తారు. అయితే ఇక్కడ స్కూలు పిల్లలను తీసుకెళ్తున్న వాహనానికి సంబంధించిన వీడియో నెట్టింట వైరల్‌ అవుతోంది. ఆ వీడియో చూస్తుంటే అది స్కూలు పిల్లల వ్యానా లేక గొర్రెలను మార్కెట్‌కు తీసుకెళ్తున్న వాహనమా అనిపిస్తోంది. ఈ వీడియో చూసి నెటిజన్లు తీవ్రంగా మండిపడుతున్నారు. ఈ వీడియోలో ఒక వ్యానులో స్కూలుకు పిల్లలను తీసుకెళ్తున్నాడు డ్రైవర్‌. అతను ఏకంగా వ్యాను మొత్తం పిల్లలు నిండిపోగా చాలామంది వెనుక వేలాడుతూ నిలబడ్డారు. అంతేకాదు మరికొంతమంది పిల్లలు ఆ వ్యాను టాప్‌ పైన కూర్చుని ఉన్నారు. ఇంకొందరు బ్యానెట్‌పైన కూర్చుని అత్యంత ప్రమాదరకర స్థితిలో ప్రయాణిస్తున్నారు. దాదాపు 24 మంది విద్యార్ధులను ఆ వ్యానులో తీసుకెళ్తున్నాడు డ్రైవర్‌.