Viral Video: చిరుతతో ఆటలా !! తృటిలో తప్పించుకున్నాడు !! వీడియో

బోనులో బంధించినా క్రూర జంతువులు ఎప్పుడు అదునుకోసం ఎదురుచూస్తుంటాయి. వాటి సహజ సిద్దమైన శైలిని మార్చుకోవు. తాజాగా ఒక చిరుతపులి వ్యక్తిపై దాడికి సంబంధించిన వీడియో నెట్టింట వైరల్‌ అవుతోంది. ఈ వీడియోలో పొదల మధ్య ఉన్న ఒక ఇనుపు బోనులో చిరుతపులి బంధించి ఉంది. ఆ సమయంలో ఒక వ్యక్తి ఒక చెట్టు కొమ్మని పట్టుకొని దాంతో బోనులో ఉన్న చిరుతని ఆటపట్టించడానికి ప్రయత్నించాడు. కానీ చిరుతపులి తన పళ్ళతో ఆ చెట్టు కొమ్మని గట్టిగా పట్టుకొని ఒక్క ఉదుటున లాగేస్తుంది. దీంతో ఆ వ్యక్తి చిరుత ఉన్న బోనుకి బలంగా తాకుతాడు. దీంతో పక్కన ఉన్న వ్యక్తులు అప్రమత్తమై ఆ వ్యక్తిని వెంటనే పక్కకి లాగేసారు. దాంతో ఆ వ్యక్తి చిరుత నోటి నుంచి త్రుటిలో తప్పించుకుని, ప్రాణాలతో బయటపడ్డాడు. ఈ వీడియో ఇప్పుడు సోషల్ మీడియాలో తెగ వైరల్‌ అవుతోంది.