78 ఏళ్ల తర్వాత తొలిసారి ఆ గ్రామానికి తొలిబస్సు

దేశానికి స్వాతంత్ర్యం వచ్చి 78 ఏళ్లు గడిచినా, దేశం అన్ని రంగాల్లో అభివృద్ధి చెందుతున్నా.. కొన్ని గ్రామాలు మాత్రం ఇంకా కుగ్రామాలుగానే మిగిలిపోతున్నాయి. రవాణా సౌకర్యం లేక, రోడ్లు లేక ప్రజలు ఇబ్బందులు ఎదుర్కొంటూనే ఉన్నారు. అలాంటి ఓ కుగ్రామానికి స్వాతంత్ర్యం వచ్చిన 78 ఏళ్ల తర్వాత తొలిసారి రోడ్డు, రవాణా సౌకర్యం అందుబాటులోకి రావడంతో ఆ గ్రామస్తుల ఆనందానికి అవధుల్లేకుండాపోయాయి. ఈ నేపథ్యంలో నేతలు, అధికారులతో కూడిన ట్రయల్‌ రన్‌ బస్సు రావడంతో గ్రామస్తులు ఘనంగా స్వాగతం పలికారు. ఈ ఘటన హిమాచల్ ప్రదేశ్‌లోని మండి జిల్లాలో ఈ సంఘటన జరిగింది. చావాసి ప్రాంతంలోని తుమాన్ గ్రామానికి 78 ఏళ్లుగా ఎలాంటి రోడ్డు మార్గం లేదు. దీంతో దశాబ్దాలుగా ఆ గ్రామానికి ఎలాంటి రవాణా సౌకర్యం లేక గ్రామస్తులు ఇబ్బందులు ఎదుర్కొంటున్నారు. కాగా, షకెల్డ్ నుంచి తుమాన్ వరకు 2.7 కిలోమీటర్ల రహదారిని పబ్లిక్ వర్క్స్ డిపార్ట్‌మెంట్ నిర్మించింది. స్థానిక రాజకీయ నేతలు ఇటీవల ఆ రోడ్డును ప్రారంభించారు. దీంతో డిసెంబర్‌ 29న హిమాచల్ రోడ్ ట్రాన్స్‌పోర్ట్ కార్పొరేషన్ తొలిసారి ట్రయల్ రన్‌ బస్సు నడిపింది. కర్సోగ్ సబ్-డివిజనల్ మేజిస్ట్రేట్ గౌరవ్ మహాజన్ జెండా ఊపి షకెల్డ్ నుంచి తుమాన్‌కు బస్సును ప్రారంభించారు. రాజకీయ నేతలు, అధికారులు ఆ బస్సులో ప్రయాణించారు. మరోవైపు ఆ బస్సు తుమాన్‌ గ్రామానికి చేరుకోగా అక్కడ ఎదురుచూస్తున్న స్థానిక నేతలు, ప్రజలు చప్పట్లతో ఘన స్వాగతం పలికారు. ఈ సందర్భంగా స్వీట్లు పంపిణీ చేసి వేడుక జరుపుకున్నారు. రోడ్డు నిర్మించి బస్సు సౌకర్యం కల్పించిన పాలకులు, అధికారులకు ఆ గ్రామస్తులు కృతజ్ఞతలు తెలిపారు. ఈ వీడియో సోషల్‌ మీడియాలో వైరల్‌ అయ్యింది.

మరిన్ని వీడియోల కోసం ఇక్కడ క్లిక్ చేయండి

Also Watch:

గోవిందరాజ స్వామి ఆలయ గోపురం పైకెక్కిన వ్యక్తి

Bhagavanth Kesari: ఓటీటీలో టాప్ లో భగవంత్ కేసరి మూవీ

మాలీవుడ్‌కి గుడ్‌ న్యూస్‌.. రూ.100 కోట్ల క్లబ్‌లో ప్రేమమ్‌ హీరో

Yash: బర్త్ డే గిఫ్ట్.. టాక్సిక్‌ ట్రైలర్‌ రెడీ అవుతోందా

పరాశక్తికి దళపతి గ్రీన్‌ సిగ్నల్‌.. పొంగల్ రేసులో రెండు తమిళ చిత్రాలు