Giant Panda Cub: సందర్శకులను ఆకట్టుకుంటున్న చిన్నారి పాండా..సోషల్ మీడియాలో వైరల్ అయిన వీడియో..
Giant Panda Cub: కరోనా మహమ్మారి తీవ్రంగా ఉన్న సమయంలో ఒక జెయింట్ పాండా పిల్ల పుట్టింది. బుజ్జిగా ఉన్న ఆ పిల్ల పాండాను కరోనా పరిస్థితుల్లో వర్చువల్ విధానంలో మాత్రమే ప్రజలకు చూపించారు.
Giant Panda Cub: కరోనా మహమ్మారి తీవ్రంగా ఉన్న సమయంలో ఒక జెయింట్ పాండా పిల్ల పుట్టింది. బుజ్జిగా ఉన్న ఆ పిల్ల పాండాను కరోనా పరిస్థితుల్లో వర్చువల్ విధానంలో మాత్రమే ప్రజలకు చూపించారు. శుక్రవారం దీనిని మొదటిసారిగా ప్రజలకు నేరుగా చూసే అవకాశం కల్పించారు. ఈ బుజ్జి పాండా వాషింగ్టన్ జాతీయ జంతు ప్రదర్శనశాలలో ఉంది. చిన్నారి పాండాను చూడటానికి జూకి వచ్చిన వారంతా ఆసక్తి చూపించారు. ఈ బుజ్జి పాండాకి పేరు కూడా పెట్టేశారు. జియావో క్వి జి దీని పేరు. ఇది టియాన్ టియాన్, జియాంగ్ అనే పాండాలకు పుట్టింది. ఆగస్టులో 22 ఏళ్ల జియాంగ్ ఈ బుజ్జి పాండాకి జన్మనిచ్చింది. ఇంతకు ముందు ఈ పాండా కు మూడు పిల్లలు పుట్టాయి. ఇప్పుడు ఈ జియావో క్వి జి నాలుగో ఆరోగ్యకరమైన బుజ్జిది. నాలుగోసారి పాండా పిల్లను కంటుందని తెలిసిన జూ అధికారులు చాలా సంబర పడ్డారు. దానిని జాగ్రత్తగా సాకారు. కరోనా సమయం కావడంతో ప్రత్యెక శ్రద్ధ తీసుకున్నారు.
ఈ బుజ్జి పాండా వీడియో ట్విట్టర్ లో షేర్ చేశారు. అదిక్కడ చూడొచ్చు..
?? Like a playful panda cub in a crate, we hope your weekend is pawsitively delightful!
. . .
Enrichment toys like this milk crate encourage giant panda Mei Xiang and her cub Xiao Qi Ji to keep physically active and mentally sharp through play and exploration. #PandaStory pic.twitter.com/fX4tV4F22S— National Zoo (@NationalZoo) May 21, 2021
స్మిత్సోనియన్ ఇనిస్టిట్యూషన్లో భాగమైన నేషనల్ జూ శుక్రవారం 20 శాతం సామర్థ్యంతో తిరిగి తెరుచుకుంది. రోజుకు 5,000 నుండి 6,000 మంది సందర్శకులకు ప్రవేశ అవకాశం కల్పిస్తున్నారు. అంతకు ముందు ఈ జూ ప్రతిరోజూ 20 వేల మంది సందర్శకులకు అనుమతి ఉండేది. కరోనావైరస్ మహమ్మారి దెబ్బకు జూలై 2020 లో జూ మూసివేశారు. దీని వల్ల చిన్ని పాండా ప్రజలకు చూపించడానికి ఆలస్యం అయింది. అయితే, ఇప్పుడు జూకి వెళ్ళేవారు ఈ చిన్నారి పాండాను చూడగలుగుతారు.
రద్దీని తగ్గించడానికి, జూ సమయం ప్రారంభానికి ముందు ఎంట్రీ పాస్లను జారీ చేస్తున్నారు. అలాగే జూకి వచ్చే వారు వన్-వే మార్గాలను ఉపయోగించుకోవాల్సి ఉంటుందని ఆ జూ వెబ్సైట్ పేర్కొంది. రెండు లేదా అంతకంటే ఎక్కువ వయస్సు గల సందర్శకులు మాస్క్ ధరించడం తప్పనిసరి. ఒకప్పుడు పాండాలు అంతరించిపోతున్నట్లు జాబితా చేయబడ్డాయి. కానీ, ఇప్పుడు పరిస్థితిలో మార్పు వస్తోంది. అడవిలో 1,800 జెయింట్ పాండాలు ఉన్నాయని అంచనా.
Also Read: Viral Video: చపాతీలు ఇలా కూడా చేస్తారా..?? ఈ స్టైల్ చూసి ఫిదా ఆయన నెటిజన్లు.. ( వీడియో )
Viral Video: పోలీసుల నుంచి తప్పించుకుని డ్రైనేజీలో దూకిన దొంగ… వైరల్గా మారిన వీడియో…