పెద్ద పులికి ఎలుగుబంటి ఝలక్‌.. వీడియోకి నెటిజన్స్‌ ఫిదా వీడియో

 సాధారణంగా అడవిలో పులులు సింహాల తర్వాత శక్తివంతమైనవిగా భావిస్తారు. అలాంటిది పులినే ఎలుగుబంటి పరుగులు పెట్టిండం చూసి నెటిజన్స్‌ ఆశ్చర్యపోతున్నారు. ఎలుగుబంటి ఒక చెరువు దగ్గర నిలబడి ఉన్నప్పుడు ఒక పులి అక్కడికి వచ్చింది. పులి దగ్గరికి రావడాన్ని ఎలుగుబంటి చూసింది. ఆ సమయంలో ఎలుగుబంటి భయపడకుండా పులి ముందు ధైర్యంగా నిలబడింది. పులి మరింత దగ్గరికి రాబోతుండగా ఎలుగుబంటి రెండు సార్లు బలంగా తన శరీరాన్ని కదిలించింది. దీంతో పులి భయపడుతున్నట్లు కనిపించింది. అప్పుడు ఎలుగుబంటి మరింత బిగ్గరగా గర్జించింది. ఇది చూసిన పులి నెమ్మదిగా వెనక్కి తగ్గి చివరికి అక్కడి నుంచి పారిపోయింది. ఈ వీడియో పట్ల నెటిజన్స్‌ ఫన్నీ కామెంట్స్‌ పెడుతున్నారు. ఎలుగుబంటి దూకుడు, దాని ఆత్మవిశ్వాసమే దానికి గొప్ప ఆయుధాలుగా మారాయని పోస్టులు పెడుతున్నారు. ఎలుగుబంటి ధైర్యం ఎంతో మందికి ప్రేరణగా నిలుస్తుందని కామెంట్స్‌ చేస్తున్నారు.