OTT ట్రెండింగ్ లో.. వరల్డ్‌ బెస్ట్ హర్రర్ మూవీ!

హాలీవుడ్ పాపులర్ హారర్ థ్రిల్లర్ సిరీస్ లలో ‘ది కంజురింగ్’ ఒకటి. ఈ ఫ్రాంఛైజీలో వచ్చిన సినిమాలన్నీ ప్రేక్షకులను బాగా భయపెట్టాయి. ఇప్పుడు తొమ్మిదో సినిమాగా ‘ది కంజురింగ్ లాస్ట్ రైట్స్’ వచ్చింది. ఈ సిరీస్ లో ఇదే ఆఖరి సినిమా. గతేడాది థియేటర్లలో విడుదలైన ఈ సినిమా బాక్సాఫీస్ రికార్డులను బద్దలు కొట్టేసింది. ఇక ఫిబ్రవరి13న జియోహాట్‌స్టార్‌ లో ఈ బ్లాక్ బస్టర్ మూవీ స్ట్రీమింగ్ కు వచ్చింది. ప్రస్తుతం ఈ మూవీ జియో హాట్ స్టార్ లో టాప్ ట్రెండింగ్ లో కొనసాగుతోంది. ఇంగ్లీష్ తో పాటు తెలుగు, తమిళం, హిందీ భాషల్లో నూ ఈ మూవీ స్ట్రీమింగ్ కు అందుబాటులో ఉంది. ది కంజ్యూరింగ్ కథ విషయానికి వస్తే.. నిజ జీవిత సంఘటనల ఆధారంగా ఈ మూవీని తెరకెక్కించారు. పెన్సిల్వేనియాలోని ‘స్మర్ల్ హంటింగ్’ కేసు ఆధారంగా ఈ సినిమా కథ నడుస్తుంది. పారా నార్మల్ యాక్టివిటీస్, హారర్ ఎలిమెంట్స్, భయాన్ని దాటుకుని ఈ ప్రమాదకరమైన కేసును ఎలా సాల్వ్ చేశారన్నది ఈ సినిమా కథ. ఆద్యంతం భయపెట్టే సీన్లు, ఊహించని మలుపులతో ఓటీటీ ఆడియెన్స్ కు మంచి థ్రిల్ ఇస్తోంది..‘ది కంజురింగ్ లాస్ట్ రైట్స్’