శంషాబాద్ వద్ద రోడ్డు ప్రమాదం.. 5కి.మీ మేర ట్రాఫిక్ జామ్
హైదరాబాద్ శివార్లలోని శంషాబాద్ వద్ద గండిగూడ సమీపంలో జరిగిన రోడ్డు ప్రమాదం తీవ్ర ట్రాఫిక్ జామ్కు కారణమైంది. ఒక ప్రైవేట్ బస్సు కెమికల్ ట్యాంకర్ను ఢీకొనడంతో పలువురు గాయపడ్డారు. ప్రమాదం కారణంగా బెంగళూరు హైవేపై 5 కిలోమీటర్ల మేర వాహనాలు నిలిచిపోయి, వాహనదారులకు తీవ్ర ఇబ్బందులు ఎదురయ్యాయి.
హైదరాబాద్ లోని శంషాబాద్ వద్ద గండిగూడ సమీపంలో శుక్రవారం ఉదయం ఘోర రోడ్డు ప్రమాదం చోటుచేసుకుంది. ఈ దుర్ఘటనలో ఒక ప్రైవేట్ బస్సు అదుపుతప్పి ముందు వెళ్తున్న కెమికల్ ట్యాంకర్ను వెనుక నుండి బలంగా ఢీకొట్టింది. ప్రమాద తీవ్రతకు బస్సు ముందు భాగం దెబ్బతింది. ఈ ఘటనలో బస్సులో ప్రయాణిస్తున్న పలువురు వ్యక్తులకు గాయాలయ్యాయి. క్షతగాత్రులను వెంటనే చికిత్స నిమిత్తం సమీపంలోని ఆసుపత్రులకు తరలించారు. ఈ ప్రమాదం కారణంగా బెంగళూరు జాతీయ రహదారిపై భారీగా ట్రాఫిక్ నిలిచిపోయింది. సుమారు 5 కిలోమీటర్ల మేర వాహనాలు ఒకదాని వెనుక ఒకటి నిలిచిపోవడంతో వాహనదారులు తీవ్ర ఇబ్బందులు ఎదుర్కొన్నారు. గంటల తరబడి ట్రాఫిక్లో చిక్కుకుపోవడంతో ప్రయాణికులు, వాహనదారులు తీవ్ర అసౌకర్యానికి గురయ్యారు. సమాచారం అందుకున్న పోలీసులు సంఘటనా స్థలానికి చేరుకుని సహాయక చర్యలు చేపట్టారు. ట్రాఫిక్ను క్రమబద్ధీకరించడానికి పోలీసులు కృషి చేస్తున్నారు. ఈ ప్రమాద ఘటనపై కేసు నమోదు చేసి దర్యాప్తు చేస్తున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
తెలంగాణ సర్కార్ చేతికి హైదరాబాద్ మెట్రో
సోషల్ మీడియా అనుచిత పోస్టుల పెట్టినవారిపై కఠిన చర్యలు
Donald Trump: భారత కంపెనీలపై పగబట్టిన ట్రంప్