నటికి మామ రూ. 2,209 కోట్ల కానుకలు వీడియో

ఏషియా వారెన్ బఫెట్ గా ప్రసిద్ధి చెందిన ఆయన హెండర్సన్ ల్యాండ్ డెవలప్మెంట్ సంస్థలో ప్రధాన వాటాదారు. ఈ ఏడాది మార్చ్ 15న 97 సంవత్సరాల వయసులో లీ షౌకి కన్నుమూశారు. బ్లూమ్ బెర్గ్ నివేదిక ప్రకారం ఆయన మరణించే సమయానికి ఆయన ఆస్తి విలువ 29.2 బిలియన్ డాలర్లు. లీ షౌకికి ఇద్దరు కుమారులు, ముగ్గురు కుమార్తెలు. ఆయన చిన్న కుమారుడైన మార్టిన్ లీ భార్య కేతి చుయి. 2006లో మార్టిన్ లీ తో కేతి చుయి వివాహం జరిగింది. వీరికి నలుగురు సంతానం. వివాహానికి ముందు నటిగా రాణించిన కేతి ఆ తర్వాత సామాజిక సేవా కార్యక్రమాల్లో చురుగ్గా పాల్గొంటూ గుర్తింపు తెచ్చుకుంది. సేవా కార్యక్రమాల్లో ఆమె చూపిన చొరవకు ఎన్నో పురస్కారాలు కూడా లభించాయి. లీ షౌకి తన కోడలు కేతి చుయికి ఎన్నో విలువైన బహుమతులు అందించారని సమాచారం.