Dhurandhar 02: కొండెక్కిన ధురంధర్ 2.. ప్రీమియర్ టికెట్ రేట్లు
Updated on: Mar 13, 2026 | 9:02 PM
సినిమా ప్రియులు ఆసక్తిగా ఎదురుచూస్తున్న యాక్షన్ థ్రిల్లర్ 'ధురంధర్ 2: ది రివెంజ్' అడ్వాన్స్ బుకింగ్స్లో రికార్డులు సృష్టిస్తోంది. ఢిల్లీలో ఒక టికెట్ ధర ₹3,100కి చేరగా, ముంబైలో ₹3,100కి అమ్ముడవుతోంది. ఇప్పటికే ₹20 కోట్ల వసూళ్లను రాబట్టింది. మార్చి 18న ప్రీమియర్స్ ప్రదర్శితం కానున్నాయి. హిందీతో పాటు సౌత్ ఇండియన్ భాషల్లోనూ భారీ హైప్ నెలకొంది.
సినిమా ప్రియులు ఎంతో ఆసక్తిగా ఎదురుచూస్తున్న యాక్షన్ థ్రిల్లర్ ‘ధురంధర్ 2: ది రివెంజ్’.రిలీజ్కు మరి కొన్ని రోజులు మాత్రమే ఉన్న ఈ సినిమా.. అడ్వాన్స్ బుకింగ్స్ తోనే భారీ వసూళ్లను రాబడుతోంది. ధురంధర్ 2 మూవీ మార్చి 19 కు ఒక్క రోజు ముందే అంటే మార్చి 18 సాయంత్రం నుంచే ప్రీమియర్స్ పడనున్నాయి. అయితే ఎంపిక చేసిన కొన్ని థియేటర్లలో మాత్రమే ధురంధర్ ప్రివ్యూషోస్ ఉండడంతో ఈ సినిమా టిక్కెట్ల రేట్లు ఆకాశానంటుతున్నాయి. అయినా ప్రేక్షకులు మాత్రం భారీగా టికెట్లు బుక్ చేసుకుంటున్నారు. దేశ రాజధాని ఢిల్లీలో అయితే ధురందర్ 2 సినిమా టిక్కెట్ ఒక్కొక్కటి రూ. 3,100 పలుకుతోంది. అలాగే ముంబైలోని బోరివాలిలోని ఐనాక్స్ మెగాప్లెక్స్లో రిక్లైనర్ సీట్ల ధర రూ.3,100కి చేరుకుంది. ఢిల్లీలోని పివిఆర్ సెలెక్ట్ సిటీ వాక్లో ధర రూ.2,400 వరకు ఉంది. మెట్రో నగరాల్లో సాధారణ టికెట్ల ధర రూ.600 నుంచి 900 వరకు ఉంది. ఐమాక్స్ షోల ధర రూ.1,000 కంటే ఎక్కువ అయినప్పటికీ, చాలా షోలు ఇప్పటికే హౌస్ఫుల్గా ఉన్నాయి. హిందీలోనే కాకుండా సౌత్ ఇండియన్ లాంగ్వేజెస్లో కూడా ధురందర్ 2 చిత్రానికి మంచి హైప్ క్రియేట్ అయ్యింది. ‘ధురంధర్ 2’ టిక్కెట్లు తెలుగు, కన్నడ భాషల్లో దాదాపు రూ.400కి అమ్ముడవుతున్నాయి. బెంగళూరు, హైదరాబాద్ వంటి ప్రదేశాలలో ఈ సినిమా హిందీ వెర్షన్ టిక్కెట్లు రూ.1,000కి పైగా అమ్ముడవుతున్నాయి. తమిళనాడులో ధర పరిమితి కారణంగా ధరను రూ.166గా నిర్ణయించారు. ముందస్తు బుకింగ్లు ప్రారంభమైన కొద్ది రోజుల్లోనే ‘ధురంధర్ 2’ సినిమా కోసం దాదాపు 3.50 లక్షలకు పైగా టిక్కెట్లు అమ్ముడయ్యాయి. తద్వారా విడుదలకు ముందే ఈ సినిమా భారతదేశంలో రూ. 20 కోట్లకు పైగా వసూలు చేసింది. బాలీవుడ్ సినిమా ప్రీమియర్కు ఇదే అత్యధిక కలెక్షన్. ఆదిత్య ధర్ దర్శకత్వం వహించిన ధురందర్ చిత్రంలో రణ్వీర్ సింగ్ స్పై ఏజెంట్ గా నటించాడు. అలాగే ఆర్ మాధవన్, అర్జున్ రాంపాల్, సంజయ్ దత్, సారా అర్జున్ కీలక పాత్రలు పోషించారు. దురంధర్ ఫస్ట్ పార్ట్ ఏకంగా 1300 కోట్లకు పైగా కలెక్షన్లు సాధించింది. ఇప్పుడు సీక్వెల్ కూడా అంతకు మించి దాదాపు రూ. 2000 కోట్ల టార్గెట్ గా బరిలోకి దిగుతుందని ట్రేడ్ నిపుణులు అంచనా వేస్తున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
Allu Arjun: బన్నీ సినిమా నుంచి అవాక్కయ్యే లాంటి అప్డేట్
Manoj: ఇక సాకులు చెప్పను.. మనోజ్ షాకింగ్ పోస్ట్
డ్యామేజ్ జరిగాక.. అసలు ముచ్చట చెబితే ఎట్టా
Mahesh Babu: అల్లు అర్జున్ లాగే వైజాగ్లో మహేష్ పెట్టుబడులు ??
గ్యాస్ సెగ.. మళ్లీ లాక్డౌన్ తప్పదా
విమానంలో బీడీ తాగాడు.. కట్ చేస్తే.. ఇలా అయ్యాడు
చిలుక జోస్యం చెప్పే వ్యక్తి చేతిలో.. లక్షలు పోగొట్టుకున్న అధికారి
ఈమె అవతారం చూసి పిచ్చిది అనుకుంటున్నారా ?? కాదు గొప్ప సెలబ్రిటీ
చితి పెడదాం అని తీసుకెళ్లారు.. ఈ లోపే తిరిగి లేచాడు
కోతులకు భయం.. భక్తులకు అభయం !! హనుమంతుడి రూపంలో ఆశీస్సులు
ప్రస్తుతం బంగారం కంటే విలువైన సిలిండర్ల ట్రక్కు చోరీ
