Animal OTT: యానిమల్‌కు బిగ్ పంచ్‌.! OTT రిలీజ్ కు అడ్డంకులు.

సందీప్ రెడ్డి వంగా దర్శకత్వంలో వచ్చిన ‘యానిమల్’ సినిమా సంచలన విజయం సాధించిన విషయం తెలిసిందే. ఈ సినిమా బాక్సాఫీస్ వద్ద భారీ వసూళ్లు రాబట్టింది. రణబీర్ కపూర్, రష్మిక మందన, అనిల్ కపూర్, బాబీ డియోల్, త్రిప్తి డిమ్రీ ప్రధాన పాత్రల్లో నటించిన ‘యానిమల్’ డిసెంబర్ 1, 2023న విడుదలైంది. ఈ సినిమా పాజిటివ్ టాక్ తో పాటు కొన్ని విమర్శలను కూడా ఎదుర్కొంది. సినిమాలో హింస ఎక్కువ చూపించారని.. అలాగే మహిళలను కించపరిచేలా కొన్ని సన్నివేశాలు ఉన్నాయంటూ కొందరు అభ్యంతరం వ్యక్తం చేశారు. అయినప్పటికీ ఈ సినిమా భారీ వసూళ్లను సాధించి సూపర్ హిట్ గా నిలిచింది. థియేటర్స్ లో సూపర్ హిట్ అయిన ఈ సినిమా ఇప్పుడు ఓటీటీలో అలరించడానికి రెడీ అవుతుంది. ఈ సినిమా ప్రముఖ ఓటీటీ ప్లాట్‌ఫారమ్ నెట్‌ఫ్లిక్స్‌లో జనవరి 26న విడుదల కానుంది. కానీ ఈ క్రమంలోనే ఈ సినిమా ఓటీటీ స్ట్రీమింగ్‌కు బిగ్ పంచ్‌ పడింది.

ఈ సినిమా ఓటీటీ విడుదలను నిలిపివేయాలని ఢిల్లీ హైకోర్టు సమన్లు ​​జారీ చేసింది. ‘యానిమల్’ OTT విడుదలపై స్టే విధించాలని కోరుతూ సినీ వన్ స్టూడియోస్ ప్రైవేట్ లిమిటెడ్ ఢిల్లీ హైకోర్టులో పిటిషన్ దాఖలు చేసింది. ఈ పిటిషన్‌ను విచారించిన కోర్టు నెట్‌ఫ్లిక్స్ అలాగే నిర్మాతలకు సమన్లు ​​జారీ చేసింది. ముగ్గురు ప్రతివాదులు సమర్పించిన పత్రాలను అంగీకరిస్తూ లేదా తిరస్కరిస్తూ అఫిడవిట్‌లు దాఖలు చేసే వరకు, వ్రాతపూర్వక స్టేట్‌మెంట్‌లు రికార్డులో అంగీకరించబడవని జస్టిస్ సంజీవ్ నరులా తెలిపారు. ఇక ఈ చిత్రానికి సంబంధించి రెండు నిర్మాణ సంస్థల మధ్య ఒప్పందం కుదిరిందని సినీ వన్ స్టూడియోస్ ప్రైవేట్ లిమిటెడ్ తెలిపింది. అయితే టి-సిరీస్‌ 2019 కొనుగోలు ఒప్పందంలోని వివిధ నిబంధనలను ఉల్లంఘించినట్లు వారు పేర్కొన్నారు. దీనితో పాటు, ‘యానిమల్’ చిత్రాన్ని నెట్‌ఫ్లిక్స్ లో విడుదల చేయకూడదని కూడా డిమాండ్ చేశారు.

మరిన్ని వీడియోస్ కోసం:
Videos