అఖిల్‌ను టార్గెట్ చేసిన రామ్ చరణ్‌..!

రామ్ చరణ్, అఖిల్ అక్కినేని మధ్య ఆఫ్ స్క్రీన్ లో మంచి స్నేహం ఉంది. బాల్యం నుంచీ అన్నదమ్ముల్లా పెరిగారు. అయితే, బాక్సాఫీస్ బరిలోకి వచ్చేసరికి మాత్రం ఈ స్నేహబంధం విడుదల తేదీల విషయంలో సవాళ్లను ఎదుర్కొంటోంది. రామ్ చరణ్ సినిమాల కారణంగా అఖిల్ చిత్రాల విడుదల తేదీలు తరచుగా మారడం, తద్వారా అఖిల్ ఇబ్బందులు పడుతున్నారని సమాచారం.అఖిల్ హీరోగా రూపొందుతున్న “లెనిన్” సినిమా మే 1న విడుదల కావాల్సి ఉండగా, రామ్ చరణ్ సినిమా షూటింగ్ ఆలస్యం కారణంగా ఏప్రిల్ 30కి వాయిదా పడటంతో “లెనిన్” జూన్ 26కి షిఫ్ట్ అయింది. బాక్సాఫీస్ వద్ద పోటీని నివారించాలనే ఉద్దేశంతో ఈ నిర్ణయం తీసుకున్నారు. అయితే, జూన్ 26న కూడా పెద్ద చిత్రాల మేకర్స్ రిలీజ్ కు సిద్ధమవుతున్నారని వార్తలు వస్తున్నాయి. దీంతో “లెనిన్” మరోసారి వాయిదా పడే పరిస్థితి ఏర్పడింది. ఈ పరిణామాలు అక్కినేని అభిమానులను తీవ్ర నిరాశకు గురిచేస్తున్నాయి. చరణ్ కావాలని అఖిల్ కు అడ్డుకట్ట వేయకపోయినా, రిలీజ్ డేట్ల సర్దుబాట్లు అఖిల్ కు ప్రతికూలంగా మారుతున్నాయి. కోట్ల రూపాయల వ్యాపారంతో ముడిపడిన సినిమా విడుదల తేదీలు ఎవరి చేతుల్లో ఉండవని ఈ పరిస్థితి స్పష్టం చేస్తోంది. “లెనిన్” సోలో డేట్ ఎప్పుడు దొరుకుతుందో చూడాలి.