ఆహా అనిపిస్తున్న పోచమ్మ ట్రైలర్‌!

ఆహా ఒరిజినల్ వెబ్ సిరీస్ పోచమ్మ ట్రైలర్‌కు విశేషమైన స్పందన లభిస్తోంది. టీవీ9 విడుదల చేసిన ఈ ట్రైలర్‌ను చూసిన ప్రతి ఒక్కరు ఫ్రేమ్ బై ఫ్రేమ్ చూడాలనిపిస్తుందని ప్రశంసిస్తున్నారు. ఈ సిరీస్ ఈ నెల 17న ఆహా ఓటీటీలో విడుదల కానుంది. పోచమ్మ సిరీస్ ఒక మిస్టికల్ థ్రిల్లర్ కథాంశంతో తెరకెక్కింది. ట్రైలర్‌లో పోచమ్మ దేవత గొప్పదనం, ఆమె మహిమను అంచనా వేయలేక తప్పులు చేసే కొందరిని ఆమె ఎలా శిక్షించింది అనేది ఆసక్తికరంగా చూపించారు. “యువర్ సిన్ హ్యాస్ ఏ విట్నెస్” లేదా “మీ పాపాలకి సాక్షి ఉంటుంది” అనే ట్యాగ్‌లైన్ ఈ సిరీస్ ప్రధానాంశాన్ని సూచిస్తుంది. స్వచ్ఛమైన ప్రేమ, అమ్మవారి రూపం, పెద్దలు చేసే కుతంత్రాలు వంటి అంశాలతో ట్రైలర్ ఆద్యంతం ఉత్కంఠను రేకెత్తిస్తుంది.