బంగారం కొనేటప్పుడు ఈ 5 విషయాలు తెలుసుకోండి
Updated on: Oct 11, 2025 | 4:02 PM
కొంతకాలంగా బంగారం ధరలు ఆకాశాన్ని అంటుతున్నాయి. దీంతో ప్రజలు బంగారాన్ని నగలుగానే గాక.. ఉత్తమ పెట్టుబడి మార్గంగా కూడా చూస్తున్నారు. అయితే ఇప్పటికే బంగారం ధర రూ.1.28 లక్షలు దాటేసింది. అందుకే బంగారం కొనేటప్పుడు చిన్న పొరపాటు చేసినా, లక్షల్లో నష్టం తప్పదు.మీరు కొనే బంగారం నిజమైనదా, కాదా అని చెప్పేది BIS హాల్మార్క్ మాత్రమే.. మీరు కొనే ప్రతి ముక్కపై BIS లోగో, స్వచ్ఛత సంఖ్య 6 అంకెల HUID కోడ్ ఉందో లేదో చెక్ చేయండి.
ఈ హాల్మార్క్ లేని బంగారాన్ని ఎప్పుడూ కొనొద్దు. క్యారెట్ను బట్టే బంగారం ధర, స్వచ్ఛత ఆధారపడి ఉంటుంది. 24K అంటే స్వచ్ఛమైన బంగారం. ఇది మెత్తగా ఉంటుంది..కనుక దీనితో నగలు చేయలేము. అందుకే దీనికి నికెల్,రాగి తదితర లోహాలను కలిపి.. 22K బంగారంగా మార్చి.. దానితో ఆభరణాలు చేస్తారు. ఇవిగాక..18K నుంచి 9 కేరట్ల బంగారం కూడా మార్కెట్లో అందుబాటులో ఉంది. కేరట్ల విలువ తగ్గే కొద్దీ.. అందులో బంగారం పాళ్లు తగ్గుతుందని అర్థం. కనుక.. మీరు నగలు కొనేటప్పుడు పై వివరాలు చూసి, నిర్ధారించుకోవాలి. నగలకు పెట్టే ధరలో తయారీ ఛార్జీలు కూడా ఉంటాయి. ఇవి 5శాతం నుంచి 20శాతం వరకు ఉంటాయి. వీటిపై వీలున్నంతగా బేరం ఆడాలి. తయారీ మీద 10శాతం కంటే ఎక్కువ చెల్లించకుండా ఉండేలా ప్రయత్నించండి. మీరు బంగారు నాణేలు లేదా బార్లు కొంటే ఈ ఛార్జీలు చాలా తక్కువగా లేదా అసలు ఉండవు. నగ కొన్న తర్వాత మీ కళ్ల ముందే డిజిటల్ స్కేల్లో తూకం వేసి చూడండి. మీరు డబ్బు కట్టిన తర్వాత ఇచ్చే బిల్లులో స్వచ్ఛత, బరువు, HUID నంబర్, తయారీ ఛార్జీలు, 3శాతం జీఎస్టీ వివరాలు కచ్చితంగా ఉన్నాయో లేదో చూసుకోండి. బిల్లు లేకపోతే ఇబ్బందుల్లో పడతారు.. BIS సర్టిఫైడ్ ఉన్న పెద్ద, పేరున్న జ్యువెలరీ షాపుల నుంచే బంగారు నగలు కొనండి. పెద్ద బ్రాండ్లు పారదర్శకత, సరైన డాక్యుమెంటేషన్ను పాటిస్తాయి. చిన్న, కొత్త షాపులలో మోసం జరిగే ప్రమాదం ఎక్కువ. అంతేకాకుండా బంగారం కొనేముందు ఆ రోజు మార్కెట్ ధర ఎంత ఉందో చెక్ చేసుకోండి. ఈ నియమాలను పాటించడం ద్వారా బంగారం కొనుగోలును సురక్షితంగా, స్మార్ట్గా చేసుకోండి.
మరిన్ని వీడియోల కోసం ఇక్కడ క్లిక్ చేయండి
Also Watch:
గోల్డ్ లోన్ తీసుకున్నారా ?? ఇది మీ కోసమే
కర్ణాటకలో మహిళా ఉద్యోగులకు నెలసరి సెలవు.. కేబినెట్ ఆమోదం
చెరువు గట్టుపై భయానక దృశ్యం.. భయంతో జనం పరుగులు
Mukesh Ambani: దేశీయ కుబేరుడిగా మళ్లీ అంబానీ.. జాబితాలో ఆరుగురు తెలుగోళ్లు
డ్రైవర్పై కోపంతో బస్సుకు నిప్పంటించిన క్లీనర్
తల్లిపై కూతురు పోటీ.. ఆసక్తిగా మారిన పంచాయతీ పోరు..
రోడ్డు పక్కన నిలిపి ఉన్న కారు.. డోర్ తెరవగానే
కోటి రూపాయల ఫ్యాన్సీ నెంబర్ వేలంలో బిగ్ ట్విస్ట్
కిడ్నీ ఇచ్చి.. ప్రాణం పోసిన తండ్రి
కొడుకు కోసం భార్యాభర్తల మధ్య పంచాయితీ.. కట్ చేస్తే..
ప్రియుడి మృతదేహాన్ని పెళ్లి చేసుకుని.. కన్నీళ్లు పెట్టిన యువతి
