మళ్లీ కలిసిన కోబ్రాలు.. ‘అల్లాద్దీన్’ మూవీ కోసం
‘ఎఫ్‌ 2’ చిత్రం కోసం మొదటిసారి కలిసి నటించారు వెంకటేశ్, వరుణ్ తేజ్. ‘కోబ్రా.. కోబ్రా’ అంటూ ఈ సినిమాలో వీరు చేసిన బ్రోమాన్స్ అందరి చేత విజిల్స్ కొట్టించింది. ఈ ఇద్దరు తాజాగా మరోసారి కలిశారు. ఏకంగా హాలీవుడ్ మూవీ కోసం ఈ ఇద్దరు చేతులు కలిపారు. అవునా.. వారిద్దరు మళ్లీ కలిశారా..? అదీ హాలీవుడ్ మూవీ కోసమా..? ఇంతకూ అది ఏ సినిమా..? అని ఆలోచిస్తున్నారా..? ఇంకెందుకు ఆలస్యం వెంటనే చదివేయండి. మీనా మసౌద్, […]
‘ఎఫ్‌ 2’ చిత్రం కోసం మొదటిసారి కలిసి నటించారు వెంకటేశ్, వరుణ్ తేజ్. ‘కోబ్రా.. కోబ్రా’ అంటూ ఈ సినిమాలో వీరు చేసిన బ్రోమాన్స్ అందరి చేత విజిల్స్ కొట్టించింది. ఈ ఇద్దరు తాజాగా మరోసారి కలిశారు. ఏకంగా హాలీవుడ్ మూవీ కోసం ఈ ఇద్దరు చేతులు కలిపారు. అవునా.. వారిద్దరు మళ్లీ కలిశారా..? అదీ హాలీవుడ్ మూవీ కోసమా..? ఇంతకూ అది ఏ సినిమా..? అని ఆలోచిస్తున్నారా..? ఇంకెందుకు ఆలస్యం వెంటనే చదివేయండి.
మీనా మసౌద్, నామి స్కాట్‌లు ప్రధానపాత్రలుగా హాలీవుడ్‌లో ‘అల్లాద్దీన్’ చిత్రం తెరకెక్కిన విషయం తెలిసిందే. గే రిచీ దర్శకత్వం వహించిన ఈ సినిమాలో హాలీవుడ్ నటుడు విల్ స్మిత్ కీలక పాత్రలో కనిపించాడు. ఈ చిత్రాన్ని ప్రపంచవ్యాప్తంగా పలు భాషలలో విడుదల చేయనున్నారు . ఇక తెలుగులో కూడా ఈ మూవీ రిలీజ్ అవ్వబోతోంది. ఈ నేపథ్యంలో విల్ స్మిత్(జీనీ పాత్రధారి)కు వెంకటేశ్, మీనా మసౌద్(అల్లాద్దీన్ పాత్రధారి)కు వరుణ్ తేజ్ డబ్బింగ్ చెప్పారు. దానికి సంబంధించిన ట్రైలర్ కూడా తాజాగా విడుదలైంది. మరి ఈ కోబ్రాస్ కలయిక ‘అల్లాద్దీన్’కు ఏ మేరకు కాసులు కురిపిస్తుందో చూడాలంటే కొద్ది రోజులు ఆగాల్సిందే.
