Watch Video: నకరాలు చేస్తూ నాగుపామును ముద్దు పెట్టుకున్నాడు.. అది నాలుకపై కాటేసింది.. చివరకు..!

Snake Bitten Man Tongue

సాధారణంగా సోషల్ మీడియాలో రకరకాల పాములకు సంబంధించిన వీడియోలు తెగ వైరల్ అవుతాయి. వీటి పట్ల చాలా వరకు నెటిజన్లు ఆకర్షితులవుతుంటారు. ఎక్కువగా పాములకు సంబంధించిన వీడియోలను చూసేందుకే ఆసక్తి చూపుతూ ఉంటారు. ఈ క్రమంలోనే పాముకు సంబంధించిన ఎలాంటి వీడియో పోస్ట్ చేసినా సోషల్ మీడియాలో వైరల్ అవుతూనే ఉంటాయి. తాజాగా సోషల్ మీడియాలో ఓ యువకుడు, పాముకు సంబంధించిన వీడియో తెగ చక్కర్లు కొడుతోంద. ఇంతకీ ఈ వీడియో ఇంతలా వైరల్ అవ్వడానికి గల కారణాలేంటి మనం ఇప్పుడు తెలుసుకుందాం.

గతంలో చూసిన పాముల వీడియోల కంటే ఇది చాలా ప్రత్యేకమైనది. ఎందుకంటే ఈ వీడియోలో యువకుడు ఏకంగా ప్రమాదకరమైన వైపర్ స్నేక్‌ను మెడలో వేసుకోవడమే కాదు, ఏకంగా దాన్ని ముద్దు పెట్టేసుకున్నాడు.సాధారణంగా చాలామంది పాములను పట్టుకోవడానికి భయపడుతూ ఉంటారు. అలాంటిది ఈ యువకుడు పాముని పట్టుకొని మరి ముద్దు పెట్టేసుకున్నాడు. అంతలోనే చిర్రెత్తుకొచ్చిన పాము నాలుకపై కాటు వేసింది.

ఉత్తరప్రదేశ్‌లోని అమ్రోహాలోని గజ్రౌలా పోలీస్ స్టేషన్ ప్రాంతంలోని హైవత్‌పూర్ గోసైన్ గ్రామంలో నాలుకపై నాగుపాము కాటు వేసింది. పాము కాటు కారణంగా ఆ వ్యక్తి పరిస్థితి విషమంగా మారింది. దీంతో అతన్ని స్థానికులు చికిత్స కోసం ఆసుపత్రికి తరలించారు. ప్రస్తుతం అతను ఐసియులో చికిత్స పొందుతున్నాడు. పాము పాత గోడ నుండి బయటకు వచ్చిందని చెబుతున్నారు. ఆ వ్యక్తి దానిని సరదాగా పట్టుకుని, మెడకు చుట్టుకుని దానితో ఆడుకోవడం ప్రారంభించాడు.

వీడియో చూడండి.. 

కొన్నిసార్లు ఆ వ్యక్తి పాము నోటిని పట్టుకుని తన నోటిలో పెట్టుకున్నాడు. కొన్నిసార్లు తన నాలుకతో పాము నోటిని తాకేవాడు. ఈ సమయంలో, పాము అతన్ని కరిచింది. ఈ మొత్తం సంఘటనకు సంబంధించిన వీడియో ప్రస్తుతం వైరల్ అవుతోంది. ఈ వీడియో చూసిన తర్వాత, ప్రజలు భయపడ్డారు. పాము కాటుకు గురైన వ్యక్తి పేరు జితేంద్ర అలియాస్ జీతు. అతను విద్యుత్ శాఖలో ప్రైవేట్ లైన్ మ్యాన్‌గా పనిచేస్తున్నాడ.

వైరల్ గా మారిన వీడియోలో, జితేంద్ర పామును పట్టుకుని, మెడలో వేసుకుని ఆడుకుంటున్నట్లు చూడవచ్చు. వీడియోలో, జితేంద్ర తన నాలుకతో పాము నోటిని చాలాసార్లు తాకడం చూడవచ్చు. ఈ సమయంలో, పాము అతని నాలుకపై కరిచింది. దీని జితేంద్ర వెంటనే పామును విడిపించి విసిరేశారు. ఆ తరువాత, అతను కొద్దిసేపు బాగానే ఉన్నాడు. అనంతరం అతని ఆరోగ్యం క్షీణించడం ప్రారంభమైంది. జితేంద్ర పరిస్థితి విషమంగా మారడంతో, అతన్ని గజ్రౌలాలోని ఒక ప్రైవేట్ ఆసుపత్రిలో చేర్చారు. ఇక్కడ ప్రాథమిక చికిత్స తర్వాత, జితేంద్రను ఉన్నత వైద్య కేంద్రానికి తరలించారు. అతన్ని ఐసియులో చేర్చారు. అతనికి చికిత్స అందిస్తున్నారు. అతను జీవన్మరణాల మధ్య పోరాడుతున్నాడు. పాము విషపూరితమైనది, అందుకే జితేంద్ర ఈ స్థితిలో ఉన్నాడని గ్రామస్తులు తెలిపారు. జితేంద్రకు భార్య, ముగ్గురు కుమారులు ఉన్నారు. కుమారులు కూలీలుగా పనిచేస్తున్నారు.

మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి..