వేటగాడికి షాకిచ్చిన ఎండ్రకాయ..! పాము తలని ఏం చేసిందంటే.. ఒళ్లు గగుర్పొడిచే వీడియో చూశారా?
ప్రకృతి ఎప్పుడూ మనల్ని ఆశ్చర్యపరుస్తూనే ఉంటుంది. అడవిలో లేదా నీటి అడుగున ఏ ప్రాణి ఎప్పుడు ఎవరికి ఆహారం అవుతుందో చెప్పడం కష్టం. సాధారణంగా పాము కంట పడితే ఏ చిన్న జీవి అయినా ప్రాణాలు కోల్పోవాల్సిందే. కానీ సోషల్ మీడియాలో వైరల్ అవుతున్న ఒక తాజా వీడియో ఇందుకు భిన్నంగా ఉంది.
Updated on: Apr 27, 2026 | 6:13 PM
ఈ వీడియోలో ఒక నీటి పాము, ఎండ్రకాయ ఎదురుపడ్డాయి. పాము తన వేగంతో ఎండ్రకాయను అదుపులోకి తీసుకోవాలని చూసింది. కానీ, ఎండ్రకాయ తన ఆత్మరక్షణ కవచం లాంటి బలమైన కాళ్లతో పాముపై ఎదురుదాడికి దిగింది. పాము తలను తన కొమ్ములతో ఇరకాటంలో పెట్టి, దానిని కదలనివ్వకుండా చేసింది. మరో ఆశ్చర్యకరమైన విషయం ఏమిటంటే, అది ఒక పామును కొరికి తింటోంది. పాము తన శరీరాన్ని విదిలిస్తూ పట్టు నుండి తప్పించుకోవడానికి తీవ్రంగా ప్రయత్నించింది. కానీ ఎండ్రకాయ పట్టు ఎంత గట్టిగా ఉందంటే, పాము నోరు కూడా తెరవలేకపోయింది. అంతటితో ఆగకుండా, ఆ ఎండ్రకాయ తన పదునైన అవయవాలతో పాము తలని కొరుకుతూ తినడం మొదలుపెట్టింది. ఈ దృశ్యం చూస్తుంటే ప్రకృతిలో ఎవరూ శాశ్వత వేటగాళ్లు కారని అర్థమవుతుంది.
వీడియోలో, పీత బలమైన పంజాలలో పాము తల చిక్కుకుని ఉండటం మీరు చూడవచ్చు. కెమెరా కోణం మారేసరికి, పాము మిగిలిన భాగం అవతలి వైపు పడి ఉండటం కనిపిస్తుంది. ఒళ్ళు గగుర్పొడిచే ఈ వీడియో అందరినీ దిగ్భ్రాంతికి గురిచేసి, ఆహార గొలుసు మొత్తం సమీకరణాన్ని మార్చేసింది. ఒక పీత పామును తినడం సాధారణం కాదు. అయితే, పీతలు పాములను తినగలవు. ముఖ్యంగా నీటి పీతలు, కొన్ని మడ అడవుల పీతలు అవకాశవాద వేటగాళ్ళు, ఇవి చిన్న లేదా చనిపోయిన పాములను వేటాడతాయి. అయితే, ఇది చాలా అరుదు.
వీడియోలో అత్యంత భయంకరమైన దృశ్యం. కెమెరా పాము తలపై దృష్టి సారించినప్పుడు చోటుచేసుకుంది. పాము నోరు తెరిచి ఉంది. దాని కళ్ళు స్పష్టంగా కనిపించాయి. ఆ పాము చనిపోయే ముందు బాధతో విలవిలలాడుతూ కదలడం కనిపించింది. పీత మాత్రం దీనికి ఏమాత్రం చలించకుండా, ఆ పామును దోసకాయలా కొరకడం కొనసాగించింది.
ఈ భయంకరమైన వీడియోను @natureismetal అనే పేజీ ఇన్స్టాగ్రామ్లో షేర్ చేసింది. ఈ వీడియో సోషల్ మీడియాలో కనిపించిన వెంటనే ప్రజలు దిగ్భ్రాంతికి గురయ్యారు. ఆ పోస్ట్ క్యాప్షన్లో పీతను జాన్ విక్ అని వర్ణించారు. నిపుణుల అభిప్రాయం ప్రకారం, ఈ పీతలు సాధారణంగా ఆకులు, పండ్లు, కుళ్ళిన మాంసాన్ని తింటాయి. అయితే, ఈ అవకాశవాద జీవులు మాంసం కోసం ఎంతకైనా తెగిస్తాయి. వీడియోలో పీత స్వయంగా పామును చంపిందా లేదా అది అప్పటికే చనిపోయిందా అనేది స్పష్టంగా లేదు.
వీడియో ఇక్కడ చూడండి..
View this post on Instagram
ఈ వీడియో సోషల్ మీడియాలో కనిపించిన వెంటనే వైరల్ అయ్యింది. వీడియోపై కామెంట్లు వెల్లువెత్తాయి. ఒక యూజర్ దీనిని క్రేజీ ఫుటేజ్ అని పిలవగా, మరొకరు, ఒక పీత ఇలాంటి పని చేయగలదని నేను నమ్మలేకపోతున్నాను అని అన్నారు.
