Viral: కారు బంపర్లో ఇరుక్కున్న కుక్క.. చూసుకోకుండా 70 కిలోమీటర్ల ప్రయాణం.. ఆపై
పుత్తూరులోని కబాకకు చెందిన దంపతులు సుబ్రహ్మణ్య క్షేత్రాన్ని దర్శించుకుని ఇంటికి తిరిగి వస్తుండగా బల్ప వద్ద వారి కారు కుక్కను ఢీకొట్టింది. వారు వెంటనే కారును ఆపారు కానీ చుట్టుపక్కల కుక్క కనిపించలేదు.
కర్ణాటకలోని దక్షిణ కన్నడ జిల్లాలో ఓ ఆసక్తికర ఇన్సిడెంట్ వెలుగుచూసింది. రోడ్డుపై ప్రయాణిస్తూ ఉండగా పుత్తూరు రోడ్డులోని బల్ప వద్ద కారు ప్రమాదవశాత్తూ ఓ కుక్కను ఢీకొట్టింది. ఆ సమయంలో కుక్క కారు బంపర్లో ఇరుక్కుపోయింది. వెంటనే కారు దిగిన ఓనర్.. చుట్టూ వెతగ్గా అతడికి ఏమీ కనిపించలేదు. కుక్క అక్కడి నుంచి వెళ్లిపోయి ఉంటుందని భావించి.. కారులో 70 కిలోమీటర్లు ప్రయాణించి తన ఊరికి వెళ్లాడు. ఇంటి వద్ద కార్ పార్క్ చేస్తుండగా బంపర్లో కుక్క కనిపించడంతో అతను కంగుతిన్నాడు.
వెంటనే మెకానిక్‌ని పిలిపించి.. బంపర్ విప్పించి కుక్కను బయటకు తీశాడు. కుక్కకు చిన్న గాయం కూడా కాకపోవడంతో అందరూ ఆశ్చర్యపోయారు. పుత్తూరు తాలూక కబాకకు చెందిన సుబ్రమణ్యం అనే వ్యక్తి.. గురువారం తన కుటుంబంతో కలిసి టెంపుల్‌కి వెళ్లి తిరిగి వస్తుండగా ఈ ఇన్సిడెంట్ జరిగింది.
మరిన్ని జాతీయ వార్తల కోసం..