Viral Video: ఓ మై గాడ్.. అదృష్టం అంటే ఇతనిదే.. కొంచెం తేడా అయినా ప్రాణాలే పోయేవి..
Viral Video: ప్రమాదం ఎలా పొంచివస్తుందో ఎవరూ ఊహించలేరు. అదృష్టం బావుంటే బ్రతికి బయటపడతారు. లేదంటే టపా కట్టేస్తారు. తాజాగా ఓ భయానకమైన ఘటనకు..
Viral Video: ప్రమాదం ఎలా పొంచివస్తుందో ఎవరూ ఊహించలేరు. అదృష్టం బావుంటే బ్రతికి బయటపడతారు. లేదంటే టపా కట్టేస్తారు. తాజాగా ఓ భయానకమైన ఘటనకు సంబంధించిన వీడియో ఒకటి సోషల్ మీడియాలో వైరల్ అవుతోంది. ఆ వీడియో చూస్తే దేవుడా లక్ అంటే ఇతనిదే అని అనిపించక మానదు. ఇంతకీ ఏం జరిగిందో తెలుసుకుందాం. సాధారణంగా పారాగ్లైడింగ్ చేసే వారికి సాయంగా ఒకరిద్దరు ఉంటారు. మనం చూసే వీడియోలో కూడా సహాయకులు ఉన్నారు. పారాగ్లైడర్‌తో ఇద్దరు వ్యక్తులు ఎగిరేందుకు సిద్ధంగా ఉండగా.. మరో వ్యక్తి వారికి సాయంగా నిల్చున్నాడు. అయితే, పారాగ్లైడ్ ఎగిరే సమయంలో కింద సహాయంగా ఉన్న వ్యక్తి చేయి బెల్ట్‌లో ఇరుక్కుపోయింది. దాంతో అతను కొంత ఎత్తు వరకు ఎగరాల్సి వచ్చింది. ఆ తరవాత పారాగ్లైడర్ హ్యాండిల్ చేసే వ్యక్తి చాకచక్యంగా వ్యవహరించి, దానిని పట్టుకుని వేలాడుతున్న వ్యక్తిని సేఫ్‌గా కిందకు దించాడు.
వివరాల్లోకెళితే.. సెంట్రల్ చిలీలోని కార్డిల్లెరా ప్రావిన్స్‌ ప్యూంటో ఆల్టో లోని లాస్ విజ్‌కాచాస్ పర్వత ప్రాంతంలో పారాగ్లైడింగ్ జరుగుతోంది. పారాగ్లైడింగ్ కోసం పర్యాటకు ఎంతో ఆసక్తి కనబరిచారు. అయితే, ఓ పారాగ్లైడింగ్ రైడర్.. పర్యాటకులను తనతో పాటు ఎక్కించుకుని ఎగరడానికి సిద్ధంగా ఉన్నారు. కింద నుంచి ఓ వ్యక్తి వారికి సాయంగా ఉన్నాడు. ఇంతలో ఆ పారాగ్లైడ్ పైకి ఎగిరింది. అయితే, కింద సహాయంగా ఉన్న వ్యక్తి చేతులు పారాగ్లైడ్ బెల్ట్‌లో చిక్కుకుపోయాయి. విడిపించుకునేందుకు ఎంత ట్రై చేసినా ఫలితం లేకుండా పోయింది. మరోవైపు పారాగ్లైడ్ పైకి ఎగరడంతో అతను ఏమీ చేయలేకపోయాడు. ఒంటి చేత్తో ఆ బెల్ట్‌ను గట్టిగా పట్టుకుని బిక్కు బిక్కుమంటూ ఉండిపోయాడు. అయితే, పారాగ్లైడింగ్ ఎయిర్‌క్రాఫ్ట్‌ని హ్యాండిల్ చేస్తున్న వ్యక్తి ఎంతో చాకచక్యంగా వ్యవహరించాడు. పైగి ఎగసిన పారాగ్లైడ్‌ని నెమ్మదిగా కింది వరకు దింపాడు. భూమికి చేరువవ్వగానే ఆ వ్యక్తి కిందకు దూకేశాడు. దాంతో అతను సేఫ్ అయ్యాడు. ఆ వెంటనే పారాగ్లైడ్ కూడా ఆకాశంలోకి దూసుకెళ్లింది. అదృష్టవశాత్తు గ్రౌండ్ వర్కర్ క్షేమంగా బయటపడటంతో అందరూ ఊపిరిపీల్చుకున్నారు. ఇదే విషయాన్ని చిలీ ఎయిర్ ట్రావెల్ రెగ్యులేటర్ జనరల్ డైరెక్టరేట్ ఆఫ్ సివిల్ ఏరోనాటిక్స్(DGAC) వెల్లడించింది. దీనిపై దర్యాప్తు ప్రారంభించినట్లు తెలిపారు. ఈ షాకింగ్ వీడియోను మీరూ చూసేయండి.
Also read:
Andhra Pradesh: కనిగిరి బాలుడి ఆచూకీ లభ్యం.. ఆ విషయంలో దొరికిపోవద్దనే కిడ్నాప్ చేసిందట..!