లిప్స్టిక్ పెదాలతో తిప్పుకుంటూ, నడిచే ఈ వింత చేపను చూశారా..? శాస్త్రవేత్తలే షాక్‌!
ప్రపంచంలోనే అత్యంత విచిత్రమైన చేప ఇది.. దాని వింత రూపం, విలక్షణమైన నడక, ఆకర్షణీయమైన పెదవుల కారణంగా, ప్రపంచవ్యాప్తంగా ప్రకృతి ప్రేమికులకు, శాస్త్రవేత్తలకు ఒక ఆసక్తికరమైన అంశంగా మారింది. విశాలమైన సముద్రంలో అనేక వింతైన, రహస్యమైన జీవులు కనిపిస్తాయి. అయితే, ఈత కొట్టడానికి బదులుగా సముద్రపు అడుగున నడుస్తూ, పెదవులకు ప్రకాశవంతమైన ఎర్రటి లిప్స్టిక్ రాసుకున్నట్లు కనిపించే ఒక అత్యంత ప్రత్యేకమైన చేప ఇటీవల వెలుగులోకి వచ్చింది. సముద్ర గర్భంలో ప్రకృతి సృష్టించిన అనేక వింతల్లో రెడ్-లిప్డ్ బ్యాట్‌ఫిష్ అత్యంత ఆశ్చర్యకరమైనది.
మహాసముద్రాల అగాధాల్లో అనేక విచిత్ర జీవులు నివసిస్తుంటాయి. అయితే, ఎక్వాడార్ సమీపంలోని గాలాపాగోస్ దీవులలో లభించే రెడ్-లిప్డ్ బ్యాట్‌ఫిష్ (శాస్త్రీయ నామం: Ogcocephalus darwini) మాత్రం ప్రపంచంలోనే అత్యంత వినూత్నమైన చేపగా గుర్తింపు పొందింది. ఈ చేప రూపం, నడిచే తీరు చూసిన ఎవరైనా ఆశ్చర్యపోవాల్సిందే.
లిప్స్టిక్ పెదవులు.. నడిచే ఈత రెక్కలు!:
ఈ చేపకు ప్రధాన ఆకర్షణ దాని పెదవులే. ముదురు ఎరుపు రంగులో, ఎవరైనా ఎర్రటి లిప్స్టిక్ అద్దినట్లుగా ప్రకాశవంతంగా కనిపించే ఈ పెదవులు దానికి ఈ పేరును తెచ్చిపెట్టాయి. ఈ రంగు ఆడ, మగ చేపలను ఆకర్షించడానికి, ఒకదానినొకటి గుర్తుపట్టడానికి ఉపయోగపడుతుందని శాస్త్రవేత్తలు భావిస్తున్నారు.
అన్ని చేపల వలె ఇది సముద్రంలో వేగంగా ఈత కొట్టలేదు. పరిణామ క్రమంలో దీని రొమ్ము, పొత్తికడుపు ఈతరెక్కలు కాళ్ల వలె రూపాంతరం చెందాయి. దీంతో ఈ చేప సముద్రపు అడుగుభాగంలో ఉండే ఇసుక, రాళ్లపై హాయిగా నడుస్తూ కదులుతుంది.
వేట కోసం తలపై లైట్!:
బ్యాట్‌ఫిష్ ఆహార వేట పద్ధతి కూడా ప్రత్యేకమైనదే. ఇది యాంగ్లర్‌ఫిష్ రకానికి చెందినది కావడంతో, దీని తలపై ఇల్లిషియం అనే ప్రత్యేక అవయవం ఉంటుంది. ఒక గాలం వలె పనిచేసే ఈ నిర్మాణంతో రసాయనాలు, తిని విడుదల చేసి చిన్న పీతలు, రొయ్యలు, నత్తలు, రుగులను తనవైపు ఆకర్షించి చటుక్కున వేటాడుతుంది.
సముద్రపు అడుగున అద్భుతం:
సాధారణంగా సముద్రంలో 10 నుండి 250 అడుగుల లోతులో నివసించే ఈ చేప గరిష్టంగా 8 అంగుళాల పొడవు పెరుగుతుంది. దీని శరీరం త్రిభుజాకారంలో చదునుగా ఉండి సముద్రపు ఇసుకలో త్వరగా కలిసిపోతుంది. ప్రకృతి ఒడిలో ఉద్భవించిన ఈ అరుదైన రెడ్-లిప్డ్ బ్యాట్‌ఫిష్ సముద్ర జీవవైవిధ్యానికి, పరిణామ విచిత్రాలకు ప్రత్యక్ష నిదర్శనంగా నిలుస్తోంది.
మరిన్ని ట్రెండింగ్ న్యూస్ కోసం క్లిక్ చేయండి..