ఆనంద్‌ మహీంద్రాకు ఎంతమంది పిల్లలు.. వారు ఏం చేస్తు్ంటారో తెలుసా..?

Anand Mahindra

ఆనంద్ మహీంద్రా దేశంలోని ప్రసిద్ధ పారిశ్రామికవేత్త. సోషల్ మీడియాలో చాలా చురుకుగా ఉంటాడు. ఎప్పటికప్పుడు సృజనాత్మక వీడియోలను పంచుకుంటూ ఉంటాడు. ఆనంద్ మహీంద్రా సోషల్ మీడియాలో చాలా యాక్టివ్‌గా ఉంటారు. కానీ, తన కుటుంబ సమాచారాన్ని గోప్యంగా ఉంచుతారు. ఆనంద్ మహీంద్రా ఎవరిని పెళ్లి చేసుకున్నాడో చాలా తక్కువ మందికి మాత్రమే తెలుసు? వారికి ఎంత మంది పిల్లలు అనేది కూడా ఎవరికీ తెలియదు.

ఆనంద్ మహీంద్రా జర్నలిస్ట్ అనురాధ మహీంద్రాను వివాహం చేసుకున్నారు. అనురాధ మహీంద్రా, ఆనంద్ మహీంద్రా ఇద్దరూ చదువుకునే సమయంలో ఒకరికొకరు దగ్గరయ్యారు. ఆపై వారిద్దరూ వివాహం చేసుకున్నారు. ఆనంద్ మహీంద్రా భార్య అనురాధ లైఫ్ స్టైల్ మ్యాగజైన్ అయిన మ్యాన్స్ వరల్డ్ అనే ప్రసిద్ధ మ్యాగజైన్ వ్యవస్థాపకురాలు కూడా.

ఆనంద్ మహీంద్రాకు దివ్య, అలిక అనే ఇద్దరు కుమార్తెలు ఉన్నారు. దివ్య మహీంద్రా 2009లో న్యూయార్క్‌లోని ‘ది న్యూ స్కూల్’ నుండి డిజైన్, విజువల్ కమ్యూనికేషన్‌లో పట్టా పొందారు. 2016 లో ఆమె వెర్వ్ మ్యాగజైన్‌కు ఆర్ట్ డైరెక్టర్‌గా మారింది. అంతకుముందు ఆమె ఫ్రీలాన్స్‌గా పనిచేస్తూ తన వృత్తిని ప్రారంభించింది. దివ్య న్యూయార్క్‌కు చెందిన ఆర్కిటెక్ట్ జార్జ్ జపాటాను వివాహం చేసుకుంది.

ఆనంద్ మహీంద్రా చిన్న కూతురు అలికా మహీంద్రా ఫ్రెంచ్ పౌరసత్వం ఉన్న వ్యక్తిని వివాహం చేసుకుంది. సమాచారం ప్రకారం, అలికా ప్రస్తుతం న్యూయార్క్‌లో నివసిస్తున్నారు. కుటుంబ వ్యాపారంలో చురుకుగా పాల్గొనలేదు. ఇద్దరు సోదరీమణులు ప్రజల దృష్టికి, వివాదాలకు, ప్రముఖులకు దూరంగా ఉంటారు. ఆనంద్ మహీంద్రా మే 1, 1955న జన్మించారు. 2012లో మహీంద్రా గ్రూప్‌కు ఛైర్మన్‌గా మారారు. మహీంద్రా గ్రూప్ అనేది ఆటోమోటివ్, ఏరోస్పేస్, అగ్రిబిజినెస్, ఐటితో సహా విభిన్న రంగాలలో పనిచేస్తున్న ఒక సమ్మేళనం. ఆనంద్ మహీంద్రా సంస్థ సహ వ్యవస్థాపకుల్లో ఒకరైన జగదీష్ చంద్ర మహీంద్రా మనవడు.

మరిన్ని ట్రెండింగ్ న్యూస్ కోసం క్లిక్ చేయండి..