Funny Video: ‘నాతోనే ఆటలా..?’ యూట్యూబర్‌నే ఆటపట్టించిన ఆంటీ.. వైరల్ అవుతున్న వీడియో..

Instant Prank By Aunty

ఈ మధ్యకాలంలో సోషల్ మీడియాలో ఫేమస్ కావాలనే కోరికతో చాలా మంది నానా ప్రయత్నాలు చేస్తున్నారు. ఈ క్రమంలోనే కొందరు యూట్యూబర్లుగా మారి ప్రాంక్ వీడియోలు చేస్తున్నారు. ఈ ప్రాంక్ వీడియోలు దాదాపుగా స్క్రిప్టెడ్ వీడియోలే అయినప్పటికీ మనల్ని నవ్వించేవిగా ఉంటాయి. తాజాగా సోషల్ మీడియాలో ఇదే తరహా వీడియో ఒకటి తెగ వైరల్ అవుతుంది. ఈ వీడియోలో ఎదురుగా వస్తున్న యువతిని ప్రాంక్ చేస్తాడు ఓ యువకుడు. అయితే అతను ఊహించని విధంగా ఆ యువతి వెనుకనే వచ్చిన వేరే మహిళ అతన్ని అదే తరహాలో ప్రాంక్ చేసింది. ఇక దీనికి సంబంధించిన వీడియో నెట్టింట ప్రత్యక్షం కావడంతో నెటిజన్లు ఆదరణను పొందుతోంది.

mana.telugu.hub.guru అనే ఇన్‌స్టాగ్రామ్ ఖాతా నుంచి 5 రోజుల క్రితం నెట్టింట షేర్ అయిన ఈ వీడియోలో ఒక యువతి కాళ్లు పట్టుకునేలా ఓ యువకుడు దగ్గరకు పోయి పక్కకు మళ్లుతాడు. దీంతో ఆ యువతి ఏమి తెలియనట్టుగా ఉలిక్కిపడిన మాదిరిగా పక్కకు వస్తుంది. అనంతరం ఆ యువకుడు ఆశీర్వాదం ఇస్తున్నట్లు చేతులు పైకి ఎత్తి ఉంటాడు. అంతలోనే ఆ యువతి వెనుక ఉన్న ఆంటీ ఒకరు అచ్చం ఆ యువకుడిలాగానే ప్రాంక్ చేస్తుంది. ఫలితంగా ఆ యువకుడు కూడా ఎగిరి పక్కకు పోతాడు. ఇక దీనికి సంబంధించిన వీడియో ప్రస్తుతం వైరల్‌గా మారింది. 

ఇక ఈ వీడియోకు ఇప్పటి వరకు దాదాపు 93 వేల వీక్షణలు, 7 లక్షల 50 వేల లైకులు వచ్చాయి. అలాగే సుమారు 2 వేల మంది లైక్ చేశారు. ఈ క్రమంలోనే పలువురు నెటిజన్లు ‘ఆంటీ: నా కూతురితోనే ఆటలా.. ఇప్పుడు చూడు..’ అని కామెంట్ చేస్తున్నారు. మరి కొందరు ‘ఆంటీ రాక్స్, బాయ్ షాక్స్’ అని రాసుకొస్తున్నారు. ఇలా వీడియోను చూసిన నెటిజన్లు వారివారి స్పందనలను కామెంట్ల రూపంలో వ్యక్తంచేస్తున్నారు.

మరిన్ని ట్రెండింగ్ న్యూస్ కోసం..