Viral Video: అమ్మాయి ముందు పవర్ సేవ్ మోడ్.. అబ్బాయి ముందు టర్బో మోడ్.. వీడియో చూస్తే నవ్వు ఆపుకోలేరు!

సోషల్ మీడియాలో ప్రతి రోజూ వేలాది వీడియోలు వైరల్ అవుతుంటాయి. వాటిలో కొన్ని వినోదాన్ని పంచితే, మరికొన్ని తమలోని చిన్న ట్విస్ట్‌తో నెటిజన్లను ఆకట్టుకుంటాయి. ప్రస్తుతం అలాంటి ఓ సరదా వీడియో ఎక్స్ సహా ఇతర సోషల్ మీడియా వేదికల్లో వైరల్ అవుతోంది. ఒక కిక్‌ బాక్సింగ్ ట్రైనింగ్ సెంటర్‌లో జరిగిన ఈ సంఘటన నెటిజన్లను విపరీతంగా నవ్విస్తోంది. ముఖ్యంగా వీడియో చివర్లో కనిపించిన ట్విస్ట్‌పై సోషల్ మీడియాలో ఫన్నీ కామెంట్లు వెల్లువెత్తుతున్నాయి.

వైరల్ వీడియోలో ఓ యువకుడు కిక్‌బాక్సింగ్ ప్రాక్టీస్ చేస్తున్నాడు. అతడికి కోచ్ కిక్స్ ఎలా వేయాలో నేర్పిస్తున్నాడు. ప్రాక్టీస్‌లో భాగంగా పంచ్ బ్యాగ్‌ను పట్టుకునే బాధ్యతను ఓ యువతికి అప్పగించారు. అయితే యువకుడు ఆమె చేతిలో ఉన్న పంచ్ బ్యాగ్‌ను చాలా మెల్లగా, బలం లేకుండా తన్నుతుంటాడు. దీంతో కోచ్ పదేపదే గట్టిగా తన్నాలని సూచించినా, అతడు మాత్రం తన కిక్స్‌లో శక్తిని చూపించలేడు.

కొద్ది సేపటికి కోచ్‌కు అసలు విషయం అర్థమైనట్లు కనిపించింది. వెంటనే ఆ పంచ్ బ్యాగ్‌ను యువతి చేతిలో నుంచి తీసి మరో యువకుడికి ఇచ్చాడు. అంతే… అప్పటివరకు నెమ్మదిగా కిక్‌లు వేసిన యువకుడు ఒక్కసారిగా తన పూర్తి శక్తిని ప్రదర్శించాడు. బలంగా తన్నడంతో పంచ్ బ్యాగ్ పట్టుకున్న వ్యక్తి వెనక్కి ఎగిరిపడిపోయాడు. ఆ దృశ్యం చూసి అక్కడున్న వారంతా నవ్వుల్లో మునిగిపోతారు. ఈ సరదా ట్విస్ట్ కారణంగానే వీడియో సోషల్ మీడియాలో వైరల్‌గా మారింది.

ఈ వీడియోపై నెటిజన్లు కూడా తమదైన శైలిలో స్పందిస్తున్నారు. “అమ్మాయి ఎదుట బలంగా తన్నలేకపోయాడు.. అందుకే కిక్‌లో పవర్ కనిపించలేదు” అని ఒకరు వ్యాఖ్యానించగా, “ఆమెకు గాయం అవుతుందేమోనని జాగ్రత్తపడ్డాడు” అని మరొకరు రాశారు. ఇంకొందరు “అబ్బాయిల మనస్తత్వం ఇలానే ఉంటుంది” అంటూ సరదా కామెంట్లు చేస్తున్నారు. మహిళా నెటిజన్లు కూడా స్పందిస్తూ, “ఆకట్టుకోవాలని చూశాడు.. కానీ అవకాశం దొరకగానే అసలు బలం చూపించాడు” అంటూ నవ్వులు పూయిస్తున్నారు.

ఈ వీడియో నిజంగా సరదాగా చిత్రీకరించిన ప్రాక్టీస్ సన్నివేశమా, లేక వినోదం కోసం రూపొందించిన స్కిట్‌ అన్నది స్పష్టంగా తెలియకపోయినా, ఇందులోని హాస్యభరితమైన ట్విస్ట్ నెటిజన్లను బాగా ఆకట్టుకుంటోంది. అందుకే ఈ వీడియో ప్రస్తుతం సోషల్ మీడియాలో వేగంగా వైరల్ అవుతోంది. వైరల్ వీడియో ఇక్కడ చూడండి..

Men will be men 😂😂 pic.twitter.com/LylZSLnfCh

— God (@Indic_God) July 16, 2026

మరిన్ని ట్రెండింగ్ వార్తల కోసం ఇక్కడ క్లిక్ చేయండి..