Watch Video: ఈ ఆవు క్రమశిక్షణ చూస్తే అవాక్కే..! కూరగాయల వ్యాపారిని ఎలా బుజ్జగిస్తుందో చూస్తే.. ఫిదా అవ్వాల్సిందే..

Cow Cuddling Seller

ఇటీవలి కాలంలో పెంపుడు జంతువుల పట్ల ప్రజల్లో ఆసక్తి పెరుగుతోంది. పిల్లులు, కుక్కలు, తాబేళ్లు వంటి జంతువులను చాలా మంది ఎంతో ఇష్టంగా తమ ఇళ్లల్లో పెంచుకుంటున్నారు. కానీ, కొందరు రోడ్లపై విచ్చలవిడిగా తిరగే జంతువులను కూడా ఇంట్లోని సభ్యులుగా చూసుకుంటారు. అలాగే, జంతువులకు ప్రేమ, స్పర్శ భాష తెలుసు. అలా మనిషికి, జంతువులకు మధ్య ప్రేమపూర్వక సంబంధం ఏర్పడుతుంది. ఈరోజు అలాంటి వీడియో ఒకటి సోషల్ మీడియాలో వైరల్ అవుతోంది. వీడియోలో, ఒక ఆవు కూరగాయల వ్యాపారిని ఎలా బుజ్జగిస్తుందో చూస్తే ఆశ్చర్యపోతారు.

వైరల్ వీడియో ఒక కూరగాయలు అమ్ముకునే వ్యక్తికి సంబంధించినదని తెలుస్తుంది. ఒక కూరగాయల అమ్మకందారుడు తన వద్దకు వచ్చిన కస్టమర్‌కి కూరగాయలు అమ్ముతున్నాడు. అంతలోనే ఆ వ్యక్తి దగ్గరికి ఒక ఆవు వచ్చి నిలబడింది. ఆహారం కోసం వెతుకుతున్న ఆ ఆవు కూరగాయల వ్యాపారి వద్ద నిలబడి అతనితో మారాం చేస్తూ కనిపిస్తుంది. వ్యాపారం మెడపై ఆవు తన ముఖం పెట్టి గారాలు పోతూ ఏదో బ్రతిమాలుకుంటున్నట్టుగా ప్రవర్తించింది. అలా.. ఆ వ్యాపారి కస్టమర్‌కు కూరగాయలు అందించిన తర్వాత, ఆవుకు టమోటాలు తినిపించాడు. హృదయాన్ని హత్తుకునే ఈ వీడియోను ఒక్కసారి చూడండి.

అది ఒక కూరగాయల మార్కెట్.. ఎటు చూసిన కావాల్సినన్ని కూరగాయలు కనిపిస్తున్నాయి. అయినప్పటికీ ఆహారం కోసం వెతుక్కుంటూ ఆ ఆవు వ్యాపారిని బతిమాలుకుంటున్న తీరు అందరినీ ఆలోచనలో పడేస్తుంది. తన చుట్టూ కావాల్సినంత ఆహారం ఉన్నప్పటికీ.. యజమాని పెట్టకుండా ఆ ఆవు ఎలాంటి ఆహారం తినలేదు.. ఆశ్చర్యకరంగా, అమ్మకందారుడు వాటిని అందిస్తే తప్ప ఆవు తినదు. అందుకే విధేయత కలిగిన ఆవు చేసిన పనిని పలువురు వీడియోలు తీశారు. వాటిని సోషల్ మీడియాలో పోస్ట్ చేయగా వైరల్‌గా మారింది. ఈ వీడియో X (Twitter) ఖాతా @drvikas1111 నుండి సోషల్ మీడియాలో షేర్‌ చేశారు. వీడియోపై నెటిజన్లు తమదైన శైలిలో ఆవును ప్రశంసిస్తూ కామెంట్లు చేశారు.

మరిన్ని ట్రెండింగ్ న్యూస్ కోసం క్లిక్ చేయండి..