Watch: వామ్మో.. డ్రాగన్ కంట్రీ కంత్రీ ప్లాన్‌.. దోమ సైజులో డ్రోన్‌ల తయారీ.. చూస్తే అవాక్కే..!

Drone In Mosquito Size

చైనాకు చెందిన నేషనల్ యూనివర్సిటీ ఆఫ్ డిఫెన్స్ టెక్నాలజీ (NUDT) దోమ సైజులో ఉండే డ్రోను తయారు చేసింది. ఇది గూఢచర్యం, సున్నితమైన వాతావరణాల్లో నిఘా పెట్టేందుకు సహాయపడనుంది. దీనికి వెంట్రుకల సైజులో కాళ్లు, చిన్న రెక్కలు ఉంటాయి. వీటిని శత్రువులు గుర్తించడం అసాధ్యమని NUDT తెలిపింది. అలాగే డ్రోన్ పవర్ సిస్టమ్స్, కంట్రోల్ ఎలక్ట్రానిక్స్ అండ్ సెన్సార్లు ఉంటాయి.

చైనాలోని నేషనల్‌ యూనివర్సిటీ ఆఫ్‌ డిఫెన్స్‌ టెక్నాలజీ (NUDT)కు చెందిన ఓ రోబోటిక్స్‌ ప్రయోగశాల దోమ పరిమాణంలో ఉన్న ఓ బుల్లి డ్రోన్‌ను తయారుచేసింది. హ్యుమనాయిడ్‌ మిషన్ల నుంచి కంటికి కనిపించని పరిమాణంలో ఉండే సూక్ష్మ డ్రోన్ల వరకు ప్రయోగశాలలో తయారుచేసిన రోబోలను ఎన్‌యుడిటి పరిశోధకులు చైనా సెంట్రల్‌ టెలివిజన్‌కు చెందిన సైనిక చానల్‌లో ఇటీవల ప్రదర్శించారు. ఈ కార్యక్రమంలో దోమంత సైజులో ఉన్న ఓ సూక్ష్మ డ్రోన్‌ కూడా ప్రదర్శించారు.

దోమల పరిమాణంలో ఉన్న ఆ డ్రోన్ రెండు వైపులా ఆకులాంటి నిర్మాణాలతో రెండు చిన్న రెక్కలను కలిగి ఉంది. దీనికి మూడు వెంట్రుకల మాదిరిగా సన్నని కాళ్ళు కూడా ఉన్నాయి. దీనిని స్మార్ట్‌ఫోన్‌తో నియంత్రించారు. దాదాపు దోమకు సమానంగా సుమారు 1.3 సెంటీమీటర్ల పొడవుతో దీనిని తయారు. ఇటువంటి సూక్ష్మ డ్రోన్లు రహస్య సైనిక కార్యకలాపాలకు కీలకం అని నిరూపించబడతాయి.. ఎందుకంటే వాటిని సులభంగా గుర్తించకుండానే నిఘా లేదా నిఘా కార్యకలాపాలకు ఉపయోగించవచ్చు.

వీడియో ఇక్కడ చూడండి..

అత్యవసర పరిస్థితుల్లో ప్రాణాలతో బయటపడిన వారిని గుర్తించడానికి, ఇలాంటి డ్రోన్లు శిథిలాల గుండా కూడా ప్రయాణించగలవని చెప్పాడు. గాలి నాణ్యత లేదా నీటి నాణ్యత వంటి పర్యావరణ పరిస్థితులను పర్యవేక్షించడానికి మైక్రోడ్రోన్‌లను సెన్సార్లతో అమర్చవచ్చునని చెప్పాడు.

మరిన్ని ట్రెండింగ్ న్యూస్ కోసం క్లిక్ చేయండి..