Viral Video: అంద‌రూ హ్యాపీగా బాల్కానీలో జబర్దస్త్ పార్టీ… ఇంత‌లో ఒక్క‌సారిగా షాక్.. కెమేరాకు చిక్కిన ఘటన

Balcony Collepse

బాల్కానీలో కూర్చొని ధూమ్‌ధామ్‌గా పార్టీలు చేసుకుంటున్నారా? ఇద్దరు కంటే ఎక్కువ మందితో కలిసి అక్కడ తీన్‌మార్‌ డ్యాన్సులు చేస్తున్నారా? అయితే, మీ కోసమే ఈ వార్త. మీకు కూడా ఇలాంటి పరిస్థితే ఎదురయ్యే ప్రమాదం ఉంది. అసలేం జరిగిందంటే సముద్ర తీరంలో ఉన్న ఓ ఇంట్లో బీచ్ అందాలను చూస్తూ పార్టీలో మునిగితేలుతున్న కొంతమంది ఊహించని ప్రమాదంలో చిక్కుకున్నారు. ఒకేసారి 15 మంది బాల్కానీలో నిలుచుకోవడంతో ఈ ప్రమాదం చోటుచేసుకుంది. వారు నిలుచున్న ఇంటి బాల్కానీ ఒక్కసారిగా కుప్పకూలడంతో వారంతా కింద ఉన్న రాళ్లపై పడిపోయారు. ఈ ఘటన కాలిఫోర్నియాలోని మాలీబులో చోటుచేసుకుంది.

మే 8న ఓ ఇంట్లో సుమారు 30 మంది పార్టీ చేసుకున్నారు. వీరిలో సుమారు 15 మంది బాల్కానీలో కూర్చొని సముద్ర అందాలను చూస్తూ ఎంజాయ్‌ చేశారు. సామర్థ్యం కంటే ఎక్కువ మంది నిలుచువడం వల్ల బాల్కానీ ఒక్కసారిగా కుప్పకూలిపోయింది. దీంతో అందులో ఉన్న వారంతా సుమారు 15 అడుగుల ఎత్తు నుంచి తీరంలో ఉన్న రాళ్ల పై పడ్డారు. ఆ బాల్కనీ మరింత ఎత్తులో ఉంటే పరిస్థితి దారుణంగా ఉండేదని పలువురు భావిస్తున్నారు.

ఈ ఘటన పక్క భవనంలోని సీసీటీవీలో రికార్డైంది. పోలీసులు ఈ వీడియోను సేకరించి కేసు విచారిస్తున్నారు. కరోనా వైరస్ సమయంలో అంతమంది ఒకే ఇంట్లో గుమిగూడి పార్టీ చేసుకోవడంపై పోలీసులు కేసు నమోదు చేశారు. అగ్నిమాపక అధికారులు ఆ ఇంటిని శిథిల నివాసంగా గుర్తిస్తూ యజమానికి నోటీసులు జారీ చేశారు. కాగా, ఈ ఘటనపై యజమాని స్పందిస్తూ.. వీకెండ్ పార్టీ కోసం ఓ వ్యక్తి తన గెస్ట్ హౌస్ అద్దెకు తీసుకున్నారని, ఆరుగురు మాత్రమే ఉంటామని చెప్పినట్లు తెలిపింది.

ఘ‌ట‌న‌కు సంబంధించిన వీడియో..

Also Read: మీ బ్యాంక్ అకౌంట్‏కు ఆధార్ లింక్ చేసుకున్నారా ? లేకపోతే.. మీరు రూ. 2 లక్షలు రానట్లే.. ఎలాగో తెలుసా..

ఈ ప్రమాదకరమైన చేపలు సుమద్రంలో వేల అడుగుల లోతులో ఉంటాయి.. కానీ