Viral Video: నా మనవళ్లకు ఇలాంటి మంచి మనసుంటే చాలు.. ఆనంద్ మహీంద్ర ఇంట్రెస్టింగ్ పోస్ట్
వీడియో పాతదే అయినా తాజాగా ఆనంద్ మహీంద్ర కంటపడడంతో మరోసారి ట్వీట్ చేశారు. దీంతో ఈ ట్వీట్ కాస్త నెట్టింట తెగ వైరల్ అవుతోంది. ఇంతకీ ఈ వీడియోలో ఏముందనేగా మీ సందేహం. 2022లో అర్జెంటీని ప్రీమియర్ లీగ్ మ్యాచ్లో జరిగిన సంఘటనను ఆనంద్ మహీంద్ర షేర్ చేశారు. ఈ సందర్భంగా..
![Viral Video: నా మనవళ్లకు ఇలాంటి మంచి మనసుంటే చాలు.. ఆనంద్ మహీంద్ర ఇంట్రెస్టింగ్ పోస్ట్](https://images.tv9telugu.com/wp-content/uploads/2024/01/aanand-mahindra.jpg?w=1280)
సమాజంలో జరిగే అంశాలపై నిత్యం సోషల్ మీడియా వేదికగా స్పందించడంలో ముందుంటారు ప్రముఖ పారిశ్రామిక వేత్త ఆనంద్ మహీంద్ర. ముఖ్యంగా సోషల్ మీడియాలో అందరి దృష్టిని ఆకర్షించే వీడియోలను షేర్ చేస్తుంటారు. ఇలా నిత్యం ఇంట్రెస్టింగ్ అప్డేట్స్తో సోషల్ మీడియాలో యాక్టివ్గా ఉండే ఆనంద్ మహీంద్ర తాజాగా మరో ఇంట్రెస్టింగ్ వీడియోను పోస్ట్ చేశారు.
వీడియో పాతదే అయినా తాజాగా ఆనంద్ మహీంద్ర కంటపడడంతో మరోసారి ట్వీట్ చేశారు. దీంతో ఈ ట్వీట్ కాస్త నెట్టింట తెగ వైరల్ అవుతోంది. ఇంతకీ ఈ వీడియోలో ఏముందనేగా మీ సందేహం. 2022లో అర్జెంటీని ప్రీమియర్ లీగ్ మ్యాచ్లో జరిగిన సంఘటనను ఆనంద్ మహీంద్ర షేర్ చేశారు. ఈ సందర్భంగా.. బోకా జూనియర్స్తో ఓడిపోయిన తర్వాత డిఫెన్సా వై జస్టిసియా టీం గోల్ కీపర్ ఎజెక్వియెల్ అన్సైన్ ఓటమి తట్టుకోలేక తన రెండు చేతుల్ని మైదానానికి వేసి గుద్దుతున్నాడు.
ఇదంతా అక్కడే ఉన్న ఓ పదేళ్ల కుర్రాడు చూశాడు. ఓటమి బాధను తట్టుకోలోని గోల్ కీపర్ భావోగ్వాన్ని గురికావడంతో కుర్రాడు మనసు స్పందించింది. దీంతో అయ్యో పాపం అనుకుంటూ ఎజెక్వియెల్ అన్సైన్ను ఓదార్చాడు. గుండెలకు హత్తుకుని మరీ ఓదార్చాడు. దీంతో ఆ వీడియో వైరల్గా మారింది. తాజాగా ఈ వీడియోను ట్వీట్ చేసిన ఆనంద్ మహీంద్ర ఆసక్తికరమైన వ్యాఖ్యలు చేశారు.
ఆనంద్ మహీంద్ర ట్వీట్..
This little boy apparently ran on to the pitch after a match to console the losing goalkeeper.
My 2 young grandsons will soon be visiting us & I would wish for nothing more than for them to have hearts as empathetic & large as this kid’s.. pic.twitter.com/fQ3uLbHo97
— anand mahindra (@anandmahindra) February 11, 2024
ఈ వీడియోను పోస్ట్ చేస్తూ.. ‘నా ఇద్దరు మనవలూ నన్ను చూసేందుకు త్వరలో వస్తున్నారు. ఈ వీడియోలో కుర్రాడికి ఉన్నట్టే వాళ్లకి కూడా మంచి మనసు ఉంటే చాలు. అంతకుమించి ఇంకేమీ కోరుకోను’ అని కామెంట్ చేశారు. ఆనంద్ మహీంద్రా రీపోస్ట్ చేసిన ఈ వీడియో నెట్టింట్లో వైరల్గా మారింది. ఇదిలా ఉంటే ఆనంద్ మహీంద్ర తన కుటుంబ విషయాలను ఇంత వరకు పెద్దగా ఎప్పుడూ పంచుకోలేదు. అయితే తొలిసారి తనకు మనవళ్లు ఉన్న విషయాన్ని తెలిపారు.
మరిన్ని ట్రెండింగ్ వార్తల కోసం క్లిక్ చేయండి..