Ramoji Rao Passed Away Updates: రామోజీ రావు కన్నుమూత.. అక్షర సూరీడికి ప్రముఖుల నివాళులు..

రామోజీ రావు తెలుగు జాతి సూరీడు.. డైరెక్టర్ తేజ..

రామోజీ రావు మరణం తెలుగు జాతికి తీరని నష్టం. పత్రిక, సినిమాలు, వ్యాపారం ఎందులోనైనా అత్యున్నత ప్రమాణాలు పాటించేవారు. నేను దర్శకుడు కావడానికి ఆయనే కారణం. చిత్రం సినిమాను 20 నిమిషాల్లో ఒకే చేశారు. ఆయన దగ్గర ప్రతి పని పద్దతి ప్రకారం జరుగుతుంది. నా జీవితంలో చూసిన అతి గొప్ప భారతీయుల్లో రామోజీ రావు ఒకరు అని అన్నారు డైరెక్టర్ తేజ.

రామోజీ రావు పార్థివదేహానికి బీజేపీ అధ్యక్షుడు కిషన్ రెడ్డి నివాళి..

రామోజీ రావు పార్థివదేహానికి బీజేపీ అధ్యక్షుడు కిషన్ రెడ్డి నివాళులర్పించారు. రామోజీ రావు కుటుంబసభ్యులను పరామర్శించి ఓదార్చారు.

రేపు ఫిల్మ్ సిటీలో రామోజీ రావు అంత్యక్రియలు..

ఆదివారం ఉదంయ 9 నుంచి 10 గంటల మధ్య రామోజీ రావు అంత్యక్రియలు నిర్వహించనున్నారు. తెలంగాణ ప్రభుత్వం అధికారిక లాంఛనాలతో జరపనున్నది. ఈ మేరకు అన్ని ఏర్పాట్లు చేస్తున్నారు. ఇప్పటికే ఇందుకు సంబంధించిన ఆదేశాలను సీఎస్ శాంతికుమారి జారీ చేశారు.

నీతి నిజాయితీలను జీవితాంతం వరకు కొనసాగించిన వ్యక్తి.. పరుచూరి

సమాజంలో మానవ ధర్మాలు, నీతినిజాయితీలు, ప్రజాస్వామ్య ధర్మాలు ఎలా ఉంటాయో అద్భుతంగా చూపించిన మహానుభావుడు రామోజీరావు.. తాను నమ్మిన నీతి నిజాయితీలను జీవితాంతం కొనసాగించారని అన్నారు పరుచూరు గోపాలకృష్ణ. అలాంటి మహానుభావుడితో కలిసి పనిచేయం తమ అదృష్టమని.. ఈనాడులో వార్త వచ్చిందంటే అది నిజమని నమ్మకం కలిగించిన గొప్ప వ్యక్తి.. ఆయన భౌతికకాయాన్ని చూస్తుంటే ఇంకా జీవించే ఉన్నారనిపించిందని అన్నారు.

రామోజీ అంత్యక్రియలకు ఏపీ నుంచి ముగ్గురు అధికారులు..

ఈనాడు గ్రూప్ సంస్థల అధినేత రామోజీరావు అంత్యక్రియలకు ఏపీ ప్రభుత్వం తరపున ముగ్గురు సీనియర్ అధికారులు. ఆదివారం నిర్వహించనున్న అంత్యక్రియల కార్యక్రమానికి రాష్ట్రప్రభుత్వ అధికార ప్రతినిధులుగా ఆర్పీ సిసోదియా, సాయి ప్రసాద్, రజత్ భార్గవ హాజరుకానున్నారు. ఆంధ్రప్రదేశ్ ప్రభుత్వం తరపున పార్థివదేహానికి నివాళి అర్పించనున్న అధికారులు.

రామోజీ రావు పార్థీవదేహానికి తెలంగాణ బీజేపీ అధ్యక్షుడు కిషన్ రెడ్డి..

• తెలుగు భాష గురించి ప్రపంచానికి చాటిచెప్పిన మహనీయుడు రామోజీరావు..
• మీడియా రంగంలో నూతన ఒరవడిని సృష్టించారు..
• ఆయన తీర్చిదిద్దిన అనేక మంది జర్నలిస్టులు తెలుగు రాష్ట్రాల్లో పనిచేస్తున్నారు.
• ఒక గొప్ప మహావ్యక్తిని కోల్పోయాం.
• రాజ్యసభలో చోటు కల్పిస్తామని చెప్పిన సున్నితంగా తిరస్కరించారు.
• ఆయన కుటుంబసభ్యులకు ప్రగాఢ సానుభూతిని తెలియజేస్తున్నాను..

రామోజీ రావును అభిమానించే వారిలో నేను ఒకడిని.. బాబూ మోహన్..

రామోజీ రావు తనను ఎంతో అభిమానించేవారని అన్నారు బాబూ మోహన్. ఫిల్మ్ సిటీకి వస్తే కచ్చితంగా కలిసి వెళ్లే వాడినని.. మంత్రి అయిన తర్వాత వెళ్లి కలిస్తే ఎంతో సంతోషించారని.. ఫిల్మ్ సిటీలో కాలానికి తగ్గట్లుగా సరికొత్త మార్పులు తీసుకొచ్చారని అన్నారు.

రామోజీ రావు మృతిపట్ల మహేష్ బాబు సంతాపం..

• రామోజీ గ్రూప్ సంస్థల ఛైర్మన్ రామోజీ రావు అస్తమయం పట్ల సూపర్ స్టార్ మహేష్ బాబు సంతాపం.
• చిత్రపరిశ్రమపై ఆయనకున్న అభిరుచికి రామోజీ ఫిల్మ్ సిటీ నిదర్శనం..
• రామోజీ రావు కుటుంబసభ్యులకు నా ప్రగాఢ సానుభూతి..

రామోజీ రావు కీర్తి అజరామరం.. నాగబాబు..

పత్రికా రంగ లెజండ్, కీర్తిశేషులు రామోజీరావు గారు జర్నలిస్టు విలువలకు గొప్ప అర్థం చెప్పిన వ్యక్తి అని సినీ నటుడు నాగబాబు అన్నారు. ప్రధాని ఇందిరా గాంధీ ఎమర్జెన్సీ సమయంలో సామాన్యుడు తన భావ ప్రకటనా స్వేచ్ఛను వెల్లడించడానికి భయపడే తరుణంలోనూ నిజాలు నిర్భయంగా వెల్లడించిన ఏకైక పత్రికగా ఈనాడును చూశానని అన్నారు. ఆయన పేరుకున్న కీర్తి అజరామరమని.. పత్రికారంగాన్ని ఎంచుకున్న ఎంతో మందిలో స్పూర్తినింపారని.. ప్రభుత్వాలు ఇబ్బంది పెట్టినా ధైర్యంగా ముందడుగు వేశారని.. రిటర్మెంట్ అన్న పదాన్నే ఆయన ఒప్పుకోరని.. మనిషి బతికున్నంతకాలం పనిచేస్తూనే ఉన్నారని.. ఆయనను కోల్పోవడం యావత్ తెలుగు జాతికి పత్రికా ప్రపంచానికి తీరని లోటని అన్నారు.

రామోజీ రావు గొప్ప దార్శనికుడు.. నాగార్జున..

రామోజీ రావు గొప్ప దార్శనికుడు… ఎంచుకున్న ప్రతి రంగంలోనూ విజయాలను అందుకున్నారని.. ఆయన పవిత్ర ఆత్మకు శాంతి చేకూరాలని కోరుకుంటున్నానని అన్నారు టాలీవుడ్ హీరో నాగార్జున.

రామోజీ రావుకు నివాళిగా ఏపీలో రెండు రోజులు సంతాప దినాలు..

ఆదివారం ఈనాడు గ్రూపు సంస్థల ఛైర్మన్ రామోజీ రావు అంత్యక్రియలు నిర్వహించనున్నారు. ప్రభుత్వ అధికారిక లాంఛనాలతో అంత్యక్రియలు జరిపేందుకు ఏర్పాట్లు జరుగుతున్నాయి. రామోజీ మృతికి నివాళిగా ఏపీలో రెండు రోజులు (ఆదివారం, సోమవారం) సంతాప దినాలు.

రామోజీ రావు మరణం తెలుగువారికి పెద్ద విషాదం.. నిర్మలా సీతారామన్..

రామోజీ రావు మరణం తెలుగు వారికి పెద్ద విషాదమని అన్నారు నిర్మలా సీతారామన్. రామోజీ రావు మరణవార్త తెలిసి ఆయన కుటుంబసభ్యులకు సానుభూతి తెలపమని తనను ప్రధాని పంపించారని.. రామెజీ ఆరోగ్య పరిస్థితిపై రెండు రోజుల కిందట ప్రధాని కూడా ఆరా తీశారని అన్నారు. రామోజీ ప్రజలకు చేసిన సేవలేంటో ప్రధానికి తెలుసని అన్నారు.

రామోజీ రావు మృతి దిగ్ర్భాంతిని కలిగించింది..పవన్ కళ్యాణ్.

రామోజీ రావు మృతి దిగ్ర్భాంతిని కలిగించిందన్నారు పవర్ స్టార్ పవన్ కళ్యాణ్. ఎమ్మెల్యేగా ప్రమాణ స్వీకారం తర్వాత వచ్చి కలవాలనుకున్నానని.. అంతలోనే ఇలా జరగడం బాధాకరమని అన్నారు. తెలుగు మీడియాలో పనిచేస్తున్న వేలాది జర్నలిస్టులను ఈనాడు జర్నలిజం స్కూల్ నుంచి తయారు చేశారని.. ఫిల్మ్ సిటీ నిర్మించడం ద్వారా తెలుగు సినీ పరిశ్రమకు ఎంతో సేవ చేశారని.. ఆయన కుటుంబసభ్యులకు, ఈనాడు సంస్థల ఉద్యోగులకు సానుభూతి తెలియజేస్తున్న అని అన్నారు.

రామోజీ రావు పార్థివదేహానికి పవన్ కళ్యాణ్, త్రివిక్రమ్ నివాళులు..

రామోజీ రావు పార్థివదేహానికి జనసేన అధినేత, సినీ నటుడు పవన్ కళ్యాణ్ నివాళులు అర్పించారు. డైరెక్టర్ త్రివిక్రమ్‏తో కలిసి రామోజీ రావు పార్థివదేహానికి నివాళులు అర్పించారు. అనంతరం కొద్దిసేపు మౌనం పాటించి.. రామోజీ కుటుంబ సభ్యులకు ధైర్యం చెప్పారు.

ఆయన ఎంచుకున్న ప్రతి రంగంలోనూ విప్లవమే.. డైరెక్టర్ బోయపాటి శ్రీను..

• తెలుగు రాష్ట్రానికి గొప్ప పేరు ప్రఖ్యాతలు తీసుకువచ్చారు..
• ఒక లెజెండ్ మన మధ్య నుంచి వెళ్లిపోయారు.
• ఆయన ఎంచుకున్న ప్రతి రంగంలోనూ విప్లవమే.
• ప్రతి వ్యాపారంలో అద్భుతాలు చేసి తెలుగు వారికి పేరు తెచ్చారు..
• అలాగే లక్షల మందికి ఉపాధి కల్పించారు.

రామోజీ రావు పార్థివదేహానికి చిరంజీవి నివాళులు..

రామోజీ రావు పార్థివదేహానికి నివాళులర్పించారు మెగాస్టార్ చిరంజీవి. అనంతరం మీడియాతో మాట్లాడుతూ… సమాజానికి ఏం చేయాలో నిత్యం అక్షరరూపంలో రాసేవారు. రామోజీ కలలను, ఆశయాలను కుటుంబ సభ్యులు ముందుకు తీసుకెళ్లాలి. అందరూ ఆయనలో గంభీరాన్ని చూస్తే.. నేను చిన్న పిల్లాడిని చూశాను. ప్రజారాజ్యం స్థాపించే సమయంలో ఆయన సలహాలు, సూచనల కోసం కలిసేవాడిని. ఆ సమయంలో ఒక పెన్ను ఇస్తే ఎంతో సంతోషంగా తీసుకున్నారు. అంతేకాదు ఆయన దాచుకున్న పెన్నులను కూడా చూపించారు. రామోజీరావు మరణం తెలుగు రాష్ట్రాలకు తీరని లోటు. తెలుగు జాతి ఒక పెద్దను కోల్పోయింది అంటూ ఎమోషనల్ అయ్యారు.

రామోజీరావు మృతి బాధకారం.. కేఏ పాల్..

ఈనాడు గ్రూప్ ఛైర్మన్ రామోజీ రావు కన్నుమూయం బాధాకరమన్నాకు కేఏ పాల్. తొలిసారి ఈటీవీ ద్వారానే శాంతి సందేశంతో నేను మీ ముందుకు వచ్చాను. శాంతి సందేశాలు మతపరమైనవి కావని దృఢ నిశ్చయంతో రామోజీరావు గుర్తించారు. ఆయన మరణం తెలుగు రాష్ట్రాలకు ఏర్పడిన భారీ నష్టమన్నారు.

రామోజీ వారు మరణవార్త విని బాధపడ్డాను.. కమల్ హాసన్..

ఈనాడు గ్రూప్ ఛైర్మన్ రామోజీ రావు మరణవార్త విని బాధపడ్డాను.. రామోజీ ఫిల్మ్ సిటీ ఓ అద్భుతం.. అది షూటింగ్ లొకేషన్ మాత్రమే కాదు.. ప్రముఖ పర్యాటక కేంద్రం కూడా. అంత దూరదృష్టి, వినూత్న ఆలోచనాపరుడు మరణించడం భారతీయ సినీ పరిశ్రమకు తీరని లోటు. వారి కుటుంబానికి నా ప్రగాఢ సానుభూతి తెలుపుతున్నాను అని అన్నారు కమల్ హాసన్..

రామోజీ రావు పార్థివదేహానికి నివాళులర్పించిన చంద్రబాబు..

రామోజీ రావు పార్థివదేహానికి టీడీపీ అధినేత చంద్రబాబు దంపతులు నివాళులు అర్పించారు. ఉదయం ఢిల్లీ నుంచి హైదరాబాద్ చేరుకున్న తెదేపా అధినేత.. రామెడీ రావు పార్థివదేహానిక నివాళులు అర్పించారు. అనంతరం కొద్దిసేపు మౌనం పాటించి.. రామోజీ కుటుంబ సభ్యులకు ధైర్యం చెప్పారు.

రామోజీ రావు ఒక స్పూర్తి ప్రధాత.. అల్లు అర్జున్..

” నేను ఎక్కువగా గౌరవించే ఒక మార్గదర్శకుడు, స్ఫూర్తి ప్రధాత రామోజీరావు గారు మరణవార్త విని ఎంతో దిగ్ర్భాంతికి లోనయ్యాను. ఆయన ఒక స్పూర్తి ప్రధాత. మీడియా, సినిమా, పరిశ్రమలు ఇలా అన్నిట్లో అగ్రగామిగా నిలిచారు. మీడియా, సినిమా, అనేక ఇతర పరిశ్రమలకు ఆయన చేసిన అసమానమైన సేవలు ఎన్నటికీ మరువలేనివి. ఆయన కుటుంబ సభ్యులకు , ప్రియమైన వారికి నా ప్రగాఢ సానుభూతి తెలియజేస్తున్నాను. ఆయన ఆత్మకు శాంతి చేకూరాలని కోరుకుంటున్నాను” అంటూ బన్నీ ట్వీట్ చేశాడు.

రామోజీరావుకు జీవితాంతం రుణపడి ఉంటాను: నటుడు తరుణ్‌

• రామోజీరావు మరణం అస్సలు ఊహించలేదు : నటుడు తరుణ్‌
• ఆయన గొప్ప విజనరీ : నటుడు తరుణ్‌
• బాలనటుడిగా, కథానాయకుడిగా ఆయన మార్గదర్శకత్వంలో పరిచయం కావడం నా అదృష్టం : నటుడు తరుణ్‌
• ఆయనకు జీవితాంతం రుణపడి ఉంటాను : నటుడు తరుణ్‌
• రామోజీ మరణం తీరనిలోటు లెజెండ్‌లకు మరణం ఉండదు. మన హృదయాల్లో నిలిచి ఉంటారు : నటుడు తరుణ్‌

తెలుగు ప్రజల జీవితాల్లో రామోజీ మమేకం: జస్టిస్‌ ఎన్వీ రమణ

ప్రజాస్వామ్య పరిరక్షణలో భాగంగా ప్రజల కోసం అలుపెరగని పోరాటం చేసిన యోధుడు రామోజీరావు అని పేర్కొన్నారు జస్టిస్‌ ఎన్వీ రమణ. రామోజీరావు మరణం పట్ల ఆయన కుటుంబ సభ్యులకు ప్రగాఢ సానుభూతి తెలియజేశారు. ఉదయం నుంచి రాత్రి నిద్రపోయే వరకూ తెలుగు ప్రజల జీవితాల్లో రామోజీ మమేకమై ఉన్నారని పేర్కొన్నారు.

రామోజీరావు మృతిపై రాహుల్ సంతాపం

రామోజీరావు అస్తమయం పట్ల కేరళ సీఎం పినరయి విజయన్‌ సంతాపం

• మీడియా, సినీ రంగాల్లో రామోజీరావు సేవలు మరువలేనివి: కేరళ సీఎం
• కేరళ కష్టాల్లో ఉన్నప్పుడు రామోజీరావు ఆదుకున్నారు: కేరళ సీఎం
• వరద బాధితుల కోసం రామోజీ ఫౌండేషన్‌ ఇళ్లు నిర్మించింది: కేరళ సీఎం
• రామోజీరావు మరణం దేశానికి తీరని లోటు: కేరళ సీఎం పినరయి విజయన్‌

రామోజీరావు మరణంపై మైహోం గ్రూప్‌ చైర్మన్‌ జూపల్లి రామేశ్వరరావు సంతాపం

రామోజీరావు మరణంపై మైహోం గ్రూప్‌ చైర్మన్‌ జూపల్లి రామేశ్వరరావు సంతాపాన్ని ప్రకటించారు. జర్నలిజంలో ఒక ట్రెండ్‌ సెట్‌ చేసి నూతన ఒరవడులతో.. నిత్య నూతనంగా మీడియా రంగంలో వెలుగొందిన రామోజీరావు జీవితం ధన్యం అన్నారు జూపల్లి రామేశ్వరరావు. పారిశ్రామికవేత్తగా లక్షలాది మందికి.. ప్రత్యక్షంగా, పరోక్షంగా ఉపాధి కల్పించిన.. రామోజీరావు సేవలు చిరస్మరణీయమన్నారు.

రామోజీరావు మరణానికి సంతాపంగా ఆదివారం చిత్ర పరిశ్రమ బంద్

రామోజీరావు మరణవార్త టాలీవుడ్‌ను తీవ్రంగా కలచివేసింది. పలువురు సినీ ప్రముఖులు రామోజీ పార్థివదేహానికి నివాళులర్పించి.. ఆయనతో ఉన్న అనుబంధాన్ని గుర్తు చేసుకుంటున్నారు. ఆయన మరణానికి సంతాపం తెలియజేస్తూ ఆదివారం చిత్ర పరిశ్రమ బంద్‌కు పిలుపునిచ్చినట్లు చలనచిత్ర నిర్మాతల మండలి ప్రకటించింది.

రామోజీరావు కుటుంబసభ్యులకు నా ప్రగాఢ సానుభూతి: మమతాబెనర్జీ

• తెలుగుజాతికి రామోజీరావు మార్గదర్శి: మమతాబెనర్జీ
• రామోజీరావు నన్ను ఒకసారి ఫిల్మ్‌సిటీకి ఆహ్వానించారు: మమతాబెనర్జీ
• ఫిల్మ్‌సిటీ సందర్శన మధురానుభూతి నాకు ఇంకా గుర్తుంది: మమతాబెనర్జీ
• రామోజీరావు కుటుంబసభ్యులకు నా ప్రగాఢ సానుభూతి: మమతాబెనర్జీ

రాజకీయాల్లో రామోజీరావు కింగ్‌ మేకర్‌: రజనీకాంత్‌

ఈనాడు గ్రూప్‌ చైర్మన్‌ రామోజీ రావు మృతిపట్ల కోలీవుడ్ న‌టుడు సూపర్ స్టార్ రజినీకాంత్ సంతాపం తెలిపారు. నా గురువు, శ్రేయోభిలాషి అయిన రామోజీ రావు గారి మరణవార్త విని నేను చాలా బాధపడ్డాను. జర్నలిజం, సినిమా, రాజకీయాల్లో గొప్ప కింగ్‌మేకర్‌గా చరిత్ర సృష్టించిన వ్యక్తి. అతను నా జీవితంలో నాకు మార్గదర్శకుడు ప్రేరణ క‌లిగించిన వ్య‌క్తి. అతని ఆత్మకు శాంతి కలుగుగాక అంటూ రజినీకాంత్ రాసుకోచ్చాడు.

I am deeply saddened on hearing the demise of my mentor and well wisher Shri Ramoji Rao Garu. The man who created history in Journalism, Cinema and a great kingmaker in Politics. He was my guide and inspiration in my life. May his soul rest in peace. @Ramoji_FilmCity

— Rajinikanth (@rajinikanth) June 8, 2024

“రామోజీ రావు గారికి నివాళులు”: వంగీపురం శ్రీనాథాచారి

“మా జీవితాలలో చెరగని ముద్ర వేసిన రామోజీ రావు గారు మరణించారనే బాధాకరమైన వార్త విని హృదయం బరువెక్కింది. ఆయన ముందుచూపు, అంకితభావం, పనిలో నిబద్ధత ఎంతోమందికి అనుసరనీయమైంది.  ప్రతి రంగంలోనూ కమిట్‌మెంట్‌తో ముందుకు సాగి 100 శాతం విజయాల్ని అందుకున్నారు. తన దూరదృష్టితో ఎన్నో విజయాలు సాధించి సమాజంలో చెరగని ముద్ర వేశారు.  ఆయన జీవితం మొత్తం చేసిన కృషి రాబోయే రోజుల్లో మనకు స్ఫూర్తినిస్తుంది. మార్గనిర్దేశం చేస్తుంది. ఈ తీరని దుఃఖ సమయంలో, మేము రామోజీరావు గారి కుటుంబ సభ్యులకు, స్నేహితులకు మా ప్రగాఢ సానుభూతిని తెలియజేస్తున్నాము. ఆయన ఆత్మకు శాశ్వత శాంతి కలగాలని కోరుకుంటున్నాను” అని ప్రముఖ పుస్తక రచయిత శ్రీనాథాచారి పేర్కొన్నారు.

మీడియా, వినోద రంగం ఓ టైటాన్‌ను కోల్పోయింది: రాష్ట్రపతి ముర్ము

‘రామోజీరావు మరణంతో మీడియా, వినోద రంగం ఓ లెజెండ్‌ను కోల్పోయింది. ఈనాడు వార్తా పత్రిక, ఈటీవీ న్యూస్‌ నెట్‌వర్క్‌, రామోజీ ఫిల్మ్‌ సిటీ సహా అనేక సంస్థలను స్థాపించి ఎంతో మందికి మార్గదర్శకులుగా నిలిచిన సృజనాత్మక వ్యాపారవేత్త ఆయన. తన దూరదృష్టితో ఎన్నో విజయాలు సాధించి సమాజంలో చెరగని ముద్ర వేశారు. పద్మవిభూషణ్‌ సత్కారం అందుకున్నారు. మీడియా, సినీ పరిశ్రమలకు ఆయన అందించిన సేవలు చిరస్మరణీయం. ఆయన కుటుంబసభ్యులు, శ్రేయోభిలాషులకు నా ప్రగాఢ సానుభూతి’’ అని  రాష్ట్రపతి ముర్ము పేర్కొన్నారు.

నేను గౌరవించే స్ఫూర్తిదాయక వ్యక్తుల్లో ఆయన ఒకరు : అల్లు అర్జున్‌

• నేను గౌరవించే స్ఫూర్తిదాయక వ్యక్తుల్లో ఆయన ఒకరు : అల్లు అర్జున్‌
• మీడియా, సినిమా, ఇతర రంగాలకు ఆయన చేసిన సేవలు మరువలేనివి : అల్లు అర్జున్‌
• ఆయన కుటుంబ సభ్యులకు నా ప్రగాఢ సానుభూతి తెలియజేస్తున్నా : అల్లు అర్జున్‌
• రామోజీరావు ఆత్మకు శాంతి చేకూరాలని ప్రార్థిస్తున్నా : అల్లు అర్జున్‌

రామోజీరావు ఆత్మకు శాంతి చేకూరాలి: హీరో రవితేజ

• రామోజీరావు మరణం తీరని లోటు: హీరో రవితేజ
• ఆయన కుటుంబ సభ్యులకు నా ప్రగాఢ సానుభతిని తెలుపుతున్నా : హీరో రవితేజ
• రామోజీరావు ఆత్మకు శాంతి చేకూరాలి : హీరో రవితేజ

రామోజీరావు మరణం పట్ల పలువురు సినీ ప్రముఖులు సంతాపం

రామోజీరావు మరణం పట్ల పలువురు సినీ ప్రముఖులు సంతాపం తెలిపారు. మెగాస్టార్ చిరంజీవి తీవ్ర దిగ్భ్రాంతి వ్యక్తం చేశారు. ‘ఎవరికీ తలవంచని మేరు పర్వతం దివికేగింది. ఓం శాంతి’ అంటూ సంతాపం తెలిపారు చిరంజీవి. రామోజీరావు నిజమైన దార్శనికుడిగా ఉన్నారన్నారు హీరో వెంకటేశ్‌. భారతీయ మీడియాలో ఆయన విప్లవాత్మక కృషి చేశారన్నారు. జర్నలిజం, సినీ రంగంలో ఆయన చేసిన కృషి ఎంతోమందికి స్ఫూర్తి. ఆయన ఆత్మకు శాంతి కలగాలన్నారు సినీ నటుడు వెంకటేశ్‌

అన్ని రంగాల్లో తన మార్క్ చూపించారు: మంత్రి పొంగులేటి

రామోజీరావు మృతి చాలా బాధాకరమన్నారు మంత్రి పొంగులేటి శ్రీనివాసరెడ్డి. ఫిలింసిటీలో ఆయన భౌతిక కాయానికి నివాళి అర్పించారు. రామోజీ కుటుంబాన్ని ఓదార్చారు. మీడియా, సినిమా రంగాల్లో ఆయన కృషి మరువలేనిదన్నారు. రైతులు, మహిళలకు అండగా నిలిచారని చెప్పారు. అన్ని రంగాల్లో తన మార్క్ చూపించారని గుర్తు చేసుకున్నారు. రామోజీ మృతి తెలుగు ప్రజలకు తీరని లోటన్నారు పొంగులేటి.

రామోజీ మరణం తెలుగువారికి తీరని లోటు: పుల్లెల గోపీచంద్‌

• ఆయన జీవితాన్ని మించిన స్ఫూర్తి పాఠం మరొకటి లేదు : పుల్లెల గోపీచంద్‌
• ఎంతో మంది క్రీడాకారులకు గుప్త సాయం చేసిన గొప్ప వ్యక్తి : పుల్లెల గోపీచంద్‌
• ఆయన కుటుంబానికి ప్రగాఢ సానుభూతి తెలియజేస్తున్నా: పుల్లెల గోపీచంద్‌

నివాళులు అర్పించిన ప్రముఖులు

• రామోజీరావు పార్థివదేహానికి నివాళులర్పించిన తెలంగాణ మంత్రి పొంగులేటి
• రామోజీరావు పార్థివదేహానికి నివాళులర్పించిన రాజమౌళి, కీరవాణి
• రామోజీరావు పార్థివదేహానికి నివాళులర్పించిన సినీనటుడు రాజేంద్రప్రసాద్
• రామోజీరావు పార్థివదేహానికి నివాళులర్పించిన మల్లెమాల శ్యామ్‌ప్రసాద్ రెడ్డి
• రామోజీరావు పార్థివదేహానికి నివాళులర్పించిన పుల్లెల గోపీచంద్‌

ఆదివారం రామోజీరావు అంత్యక్రియలు

• ఆదివారం రామోజీరావు అంత్యక్రియలు
• అమెరికాలో ఉన్న రామోజీరావు మనవడు
• అమెరికా నుంచి మనవడు వచ్చాక రామోజీరావు అంత్యక్రియలు
• రామోజీ ఫిల్మ్‌సిటీ వెనుక ఉన్న ప్రాంతంలో రామోజీ అంత్యక్రియలు
• తెలంగాణ ప్రభుత్వ అధికార లాంఛనాలతో రామోజీరావుకు అంత్యక్రియలు

రామోజీరావు స్వగ్రామం పెదపారుపూడిలో విషాదఛాయలు

— రామోజీరావు స్వగ్రామం కృష్ణాజిల్లా పెదపారుపూడిలో విషాదఛాయలు నెలకొన్నాయ్‌. రామోజీరావు జ్ఞాపకాలను తలుచుకుని కన్నీళ్లు పెట్టుకుంటున్నారు గ్రామస్తులు. రామోజీ ఫౌండేషన్‌ ద్వారా గ్రామంలో చేపట్టిన అనేక అభివృద్ధి పనులను గుర్తుచేసుకుంటున్నారు.

— రామోజీ ఫౌండేషన్‌ ద్వారా పెదపారుపూడి గ్రామంలో పలు అభివృద్ధి పనులు చేశారు రామోజీరావు. జెడ్పీ స్కూల్‌, ఓవర్‌హెడ్‌ వాటర్‌ ట్యాంక్‌, పశువైద్యశాల, వ్యవసాయ కేంద్రం… ఇలా అనేక భవనాలను నిర్మించి ఇచ్చారు. సుమారు 20కోట్ల రూపాయల వ్యయంతో అభివృద్ధి పనులు చేపట్టారు.

లక్షల మందికి ఆయన ఉపాధిని కల్పించారు – రాజమౌళి

–రామోజీరావుకు నివాళులు అర్పించారు ప్రముఖ దర్శకులు రాజమౌళి. ఆయనతో పాటు సంగీత దర్శకులు కీరవాణి కూడా రామోజీరావుకు నివాళి అర్పించారు. రామోజీది మరణం కాదు నిర్యాణం అన్నారు. ఎన్నో రంగాల్లో విశేష సేవలు అందించిన రామోజీకి భారతరత్న ఇవ్వాలని కేంద్ర ప్రభుత్వానికి విజ్ఞప్తి చేశారు రాజమౌళి.

‘గేమ్‌ ఛేంజర్‌’ సెట్‌ నుంచి రామ్‌ చరణ్‌ నివాళి

పత్రికా రంగంలో చెరగని ముద్ర వేసిన ఈనాడు సంస్థల అధినేత రామోజీరావు గారి మరణం అత్యంత బాధాకరమన్నారు మెగా హీరో రామ్ చరణ్. రాజమండ్రిలో ‘గేమ్‌ ఛేంజర్‌’ చిత్రీకరణలో ఉన్న రామ్‌ చరణ్‌ అక్కడి నుంచే రామోజీకి నివాళులు అర్పించారు. ఆయనతో పాటు దర్శకులు శంకర్‌, ఇతర మూవీ యూనిట్ 2 నిమిషాలు మౌనం పాటించారు. రామోజీ రావు మరణం తెలుగు ప్రజలకు తీరని లోటు అన్నారు.

రామోజీ మరణం దిగ్భ్రాంతికి గురిచేసింది: జగన్‌

‘‘రామోజీరావుగారి మరణం దిగ్భ్రాంతికి గురిచేసింది. తెలుగు పత్రికారంగానికి దశాబ్దాలుగా ఆయన ఎనలేని సేవలందించారు. ఆయన ఆత్మకు శాంతి చేకూరాలని భగవంతుడ్ని ప్రార్థిస్తున్నా. ఆయన ఫ్యామిలీకి నా ప్రగాఢ సానుభూతి తెలియజేస్తున్నా’’ అని వైఎస్‌ జగన్‌ పేర్కొన్నారు

రామోజీ మృతి తీవ్ర దిగ్బ్రాంతికి గురి చేసింది: పవన్ కల్యాణ్

అక్షర యోధుడు రామోజీ మృతి తీవ్ర దిగ్బ్రాంతికి గురి చేసిందన్నారు జనసేన అధినేత పవన్ కల్యాణ్. బహుముఖ ప్రజ్ఞాశాలి, అక్షరానికి కూడా సామాజిక బాధ్యత ఉందని రామోజీరావు నిరూపించారన్నారు. ప్రజాపక్షం వహిస్తూ.. జనచైతన్యాన్ని కలిగించారని తెలిపారు. రామోజీరావు ఆత్మకు శాంతి చేకూరాలని ప్రార్థిస్తూ.., ఆయన కుటుంబ సభ్యులకు ప్రగాఢ సానుభూతి ప్రకటించారు పవన్.

రామోజీరావు జీవితం అందరికీ స్ఫూర్తిదాయకం: కేటీఆర్‌

అధికారిక లాంఛనాలతో రామోజీరావు అంత్యక్రియలు

అధికారిక లాంఛనాలతో రామోజీరావు అంత్యక్రియలు నిర్వహించాలని తెలంగాణ ప్రభుత్వం నిర్ణయించింది. ఈ మేరకు సీఎం రేవంత్ నుంచి సీఎస్‌కు ఆదేశాలు అందాయి.  అందుకు సంబంధించిన ఏర్పాట్లు పర్యవేక్షించాలని రంగారెడ్డి జిల్లా కలెక్టర్, సైబరాబాద్‌ సీపీకి సీఎం రేవంత్ రెడ్డి సూచించారు.

రామోజీరావు అస్తమయంపై మిజోరాం గవర్నర్‌ హరిబాబు దిగ్భ్రాంతి

• దేశాభివృద్ధికి రామోజీరావు ఎంతో కృషి చేశారు: కంభంపాటి హరిబాబు
• తెలుగు భాష, సంస్కృతి సంప్రదాయాలను పరిరక్షించేందుకు కృషి: హరిబాబు
• సమిష్ఠి శక్తికి నిదర్శనం రామోజీరావు : కంభంపాటి హరిబాబు

రామోజీరావు మరణంపై ప్రధాని మోదీ సంతాపం

• రామోజీ మరణం బాధాకరం- మోదీ
• భారత మీడియాలో విప్లవాత్మక మార్పులు తెచ్చిన విజనరీ- మోదీ
• జర్నలిజానికి, సినిమాలకు రామోజీ అద్భుత సేవలందించారు- మోదీ
• మీడియాలోనూ, వినోద రంగంలోనూ సృజనాత్మకతకు పెద్దపీట వేశారు- మోదీ
• భారత అభివృద్ధి కోసం రామోజీరావు పరితపించారు- మోదీ
• ఆయన్ను పలుమార్లు కలుసుకునే సందర్భం వచ్చింది- మోదీ
• రామోజీ కుటుంబ సభ్యులకు, మిత్రులకు, అభిమానులకు నా సంతాపం- మోదీ

The passing away of Shri Ramoji Rao Garu is extremely saddening. He was a visionary who revolutionized Indian media. His rich contributions have left an indelible mark on journalism and the world of films. Through his noteworthy efforts, he set new standards for innovation and… pic.twitter.com/siC7aSHUxK

— Narendra Modi (@narendramodi) June 8, 2024

రామోజీరావు మరణం తీవ్ర దిగ్భ్రాంతి కలిగించింది: సీఎం రేవంత్‌రెడ్డి

• రామోజీరావు మరణం తీవ్ర దిగ్భ్రాంతి కలిగించింది: సీఎం రేవంత్‌రెడ్డి
• తెలుగు పాత్రికేయానికి రామోజీరావు విశ్వసనీయత జోడించారు: రేవంత్‌రెడ్డి
• తెలుగు పారిశ్రామికరంగానికి రామోజీ విలువలు జోడించారు: రేవంత్‌రెడ్డి
• మీడియా రంగంలో రామోజీరావు లేని లోటు పూడ్చలేనిది: రేవంత్‌రెడ్డి
• రామోజీరావు ఆత్మకు శాంతి చేకూరాలని దేవుడిని ప్రార్థిస్తున్నా: రేవంత్‌రెడ్డి
• రామోజీరావు కుటుంబసభ్యులకు నా ప్రగాఢ సానుభూతి: రేవంత్‌రెడ్డి

ఈనాడు అధినేత, ప్రముఖ పారిశ్రామికవేత్త, పద్మవిభూషణ్ పురస్కార గ్రహీత చెరుకూరి రామోజీరావు గారి మరణం తీవ్ర దిగ్భ్రాంతి కలిగించింది.

తెలుగు జర్నలిజానికి విశ్వసనీయత, తెలుగు పారిశ్రామిక రంగానికి విలువలు జోడించిన ఘనత ఆయనకే దక్కుతుంది.

తెలుగు పత్రికా, మీడియా రంగానికి రామోజీరావు గారు… pic.twitter.com/QEfjfOuN2E

— Revanth Reddy (@revanth_anumula) June 8, 2024

ఢిల్లీ నుంచి హైదరాబాద్‌కు చంద్రబాబు

ఢిల్లీ నుంచి నేరుగా హైదరాబాద్ వెళ్లనున్నారు చంద్రబాబు.  మధ్యాహ్నం 12.30కి ఫిల్మ్ సిటీలో రామోజీరావు భౌతిక కాయానికి నివాళి అర్పించనున్నారు.

మీడియా రంగానికి రామోజీరావు చేసిన సేవలు అమూల్యమైనవి: కిషన్‌రెడ్డి

రామోజీరావు లేని లోటు ఎప్పటికీ పూడ్చలేనిది: జూ.ఎన్టీఆర్‌

రామోజీరావు మరణంపై ఈటల సంతాపం

“అతి సామాన్య వ్యక్తిగా జీవితం ప్రారంభించి అనేక రంగాల్లో అత్యున్నత స్థాయికి చేరిన రామోజీరావు గారి మరణం తీరని లోటు. వామపక్ష భావజాలం కలిగిన రామోజీరావు గారు తన జీవితాంతం అత్యంత నిబద్ధత, క్రమశిక్షణ, పట్టుదలతో బతికిన వ్యక్తి. తలపెట్టిన ఏ పనిలో అయినా సరే అత్యున్నత నాణ్యత ప్రమాణాలు, నైతిక విలువలు పాటిస్తూ అందరికీ ఆదర్శంగా నిలిచిన మహనీయుడు. పత్రిక, సినిమా, టీవీ తదితర రంగాల్లో రామోజీరావు గారు సాధించిన విజయాలు ఆయనకు మాత్రమే కాకుండా యావత్ తెలుగు జాతికి గర్వకారణంగా నిలుస్తాయి. తెలుగు వాడి సత్తాను యావత్ ప్రపంచానికి చాటి చెప్పిన రామోజీరావు చిరస్మరణీయులు. రామోజీరావు గారి కుటుంబానికి, రామోజీ సంస్థల ఉద్యోగులకు నా ప్రగాఢ సంతాపం తెలియజేస్తున్నాను” అని ఈటల పేర్కొన్నారు.

రామోజీ రావు మరణంపై కేసీఆర్ సంతాపం

ఈనాడు గ్రూపు సంస్థల చైర్మన్ రామోజీ రావు మరణం పట్ల బీఆర్ఎస్ అధినేత కేసీఆర్ సంతాపం ప్రకటించారు. పలు రంగాల్లో వ్యాపారవేత్తగా, మీడియా సంస్థల వ్యస్థాపకుడిగా వారందించిన సేవలను కేసీఆర్ స్మరించుకున్నారు. శోక తప్తులైన వారి కుటుంబ సభ్యులకు కేసీఆర్ తన ప్రగాఢ సానుభూతిని తెలిపారు.

రామోజీరావు అస్తమయంపై టీడీపీ అధినేత చంద్రబాబు దిగ్భ్రాంతి

• రామోజీరావు తెలుగు వెలుగు.. ఆయన మృతి తీరని లోటు: చంద్రబాబు
• సామాన్య కుటుంబంలో పుట్టి అసామాన్య విజయాలు సాధించారు: చంద్రబాబు
• రామోజీరావు మరణం తీవ్ర ఆవేదనకు గురిచేసింది: చంద్రబాబు
• అక్షర యోధుడుగా పేరున్న రామోజీరావు సేవలు ఎనలేనివి: చంద్రబాబు
• రామోజీరావు మరణం రాష్ట్రానికే కాదు.. దేశానికీ తీరని లోటు: చంద్రబాబు
• రామోజీరావు.. సమాజ హితం కోసం అనుక్షణం పనిచేశారు: చంద్రబాబు
• రామోజీరావు లేరనే విషయాన్ని జీర్ణించుకోలేకపోతున్నా: చంద్రబాబు
• రామోజీరావు ఆత్మకు శాంతి చేకూరాలి: చంద్రబాబు
• రామోజీ కుటుంబసభ్యులు, ఈనాడు సంస్థల సిబ్బందికి ప్రగాఢ సానుభూతి: చంద్రబాబు

రామోజీరావు అస్తమయంపై వెంకయ్యనాయుడు సంతాపం

• రామోజీరావు అస్తమయంపై వెంకయ్యనాయుడు సంతాపం
• రామోజీరావు ఆత్మకు శాంతి కలగాలని ప్రార్థించిన వెంకయ్యనాయుడు
• రామోజీరావు కుటుంబసభ్యులకు ప్రగాఢ సానుభూతి: వెంకయ్య
• రామోజీరావు అంటే క్రమశిక్షణ, సమయపాలన, నిబద్ధత: వెంకయ్య
• అడుగుపెట్టిన ప్రతి రంగంలో సరికొత్త ఒరవడి సృష్టించారు: వెంకయ్య
• తెలుగు భాష-సంస్కృతులకు రామోజీ చేసిన సేవలు చిరస్మరణీయం: వెంకయ్య
• రామోజీ ఫిల్మ్‌సిటీ ద్వారా ప్రపంచానికి తెలుగు ఘనత చాటారు: వెంకయ్య
• రామోజీరావు వ్యక్తిగా మొదలై వ్యవస్థగా ఎదిగారు: వెంకయ్యనాయుడు
• తెలుగు వారందరికీ గర్వకారణం.. రామోజీరావు: వెంకయ్యనాయుడు

ఈనాడు వ్యవస్థాపకులు, ఆత్మీయులు శ్రీ రామోజీరావు గారు పరమపదించారని తెలిసి విచారించాను. క్రమశిక్షణ, సమయపాలన, నిబద్ధతలతో అడుగుపెట్టిన ప్రతి రంగంలో వారు సృష్టించిన నూతన ఒరవడి ఆదర్శనీయమైనది. తెలుగు భాష-సంస్కృతులకు వారు చేసిన సేవ చిరస్మరణీయమైనది. తెలుగు వారి వెలుగు, మార్గదర్శి అయినా… pic.twitter.com/NQIQjSfDZZ

— M Venkaiah Naidu (@MVenkaiahNaidu) June 8, 2024