LPG Gas Price Hike: సామాన్యుడికి గ్యాస్‌ ధరల షాక్..! ఒక్కో సిలిండర్ పై పెంపు ఇలా

ప్రతి సిలిండర్ టారే బరువు ఇనుప కడ్డీపై రాసి ఉంటుంది. మీరు ఈ బరువును మొత్తం బరువు నుంచి తీసివేస్తే మీకు ఖచ్చితమైన గ్యాస్ మొత్తం తెలుస్తుంది. గ్యాస్‌ సిలిండర్‌ సీల్ మూసివేయబడినప్పటికీ గ్యాస్ దొంగిలించే అవకాశం ఉంది. కాబట్టి సీల్‌ను చూడటంతోనే సంతృప్తి చెందకుండా దాని బరువును చెక్‌ చేసుకోవడం మంచిది. బరువుతో పాటు తడి చేతులతో లేదా సబ్బు నీటితో వాల్వ్ దగ్గర లీకేజీ ఉందో లేదో తెలుసుకోవాలి.

మధ్యప్రాచ్యంలో పెరుగుతున్న ఉద్రిక్తతల మధ్య, ద్రవ్యోల్బణం సాధారణ ప్రజలను దెబ్బతీసింది. గృహోపకరణాల వంట గ్యాస్ సిలిండర్ల ధర గణనీయంగా పెరిగింది. ఇండియన్ ఆయిల్ కార్పొరేషన్ దేశీయ LPG సిలిండర్ల ధరపై ఏకంగా రూ.60లు పెరిగింది. వాణిజ్య సిలిండర్ల ధరను రూ.115 పెంచింది. కొత్త రేట్లు ఈరోజు నుండి అమలులోకి వచ్చాయి. వెంటనే అమలులోకి వచ్చే కొత్త ధరలు వంటగది బడ్జెట్‌లతో పాటు హోటళ్ళు, రెస్టారెంట్లు, చిన్న వాణిజ్య సంస్థలపై పడబోతోంది. పెరిగిన గ్యాస్ సిలెండర్ ధరలు ఇవాళ్టి నుంచే అమల్లోకి వస్తున్నాయి.

ఢిల్లీలో 14.2 కిలోల గృహోపకరణాల ఎల్పీజీ సిలిండర్ ధర రూ.853 నుండి రూ.913 కు పెరిగింది. ముంబైలో కొత్త రేటు ఇప్పుడు రూ.852.50గా ఉంది. కోల్‌కతాలో ధర రూ.879 నుండి రూ.030 కు పెరిగింది. చెన్నైలో ఇది రూ.868.50 నుండి రూ.928.50 కు పెరిగింది. LPG గ్యాస్ ధర పెరగడంతో హైదరాబాద్‌లో 14 KG సిలిండర్‌ ధర రూ.965 కు చేరుకుంటే, కమర్షియల్ గ్యాస్ ధర రూ.2076 కు చేరుకుంది . ఇరాన్‌పై అమెరికా, ఇజ్రాయెల్ దాడుల నేపథ్యంలో భారతదేశ ఇంధన సరఫరా, ఇంధన లభ్యతపై పెరుగుతున్న ఆందోళనల నేపథ్యంలో ఈ పెంపు అమల్లో వచ్చిది.

ఇదిలా ఉంటే, దేశంలో ఇంధన సరఫరా, ఇంధన కొరత లేదని, సరఫరా అంతరాయాల గురించి వినియోగదారులు ఆందోళన చెందాల్సిన అవసరం లేదని కేంద్ర పెట్రోలియం, సహజ వాయువు మంత్రి హర్దీప్ సింగ్ పూరి గతంలో హామీ ఇచ్చారు. దేశ ప్రజలకు సరసమైన, స్థిరమైన ఇంధనాన్ని అందించడం తమ ప్రాధాన్యతగా చెప్పారు. భారతదేశంలో ఇంధన కొరత లేదని చెప్పారు. ఇంధన వినియోగదారులు ఆందోళన చెందాల్సిన అవసరం లేదని సోషల్ మీడియా X పై ఒక పోస్ట్‌లో మంత్రి అన్నారు.

ఇదిలా ఉండగా దేశంలో పెట్రోల్, డీజిల్ కొరత ఉందని సోషల్ మీడియాలో వ్యాపించిన వార్తలను ఇండియన్ ఆయిల్ కార్పొరేషన్ కూడా తోసిపుచ్చింది. అటువంటి వాదనలు నిరాధారమైనవని IOC పేర్కొంది. శుక్రవారం తెల్లవారుజామున హార్ముజ్ జలసంధి ద్వారా అంతరాయాలు సంభవిస్తాయనే ఆందోళనలు ఉన్నప్పటికీ, ముడి చమురు, పెట్రోలియం ఉత్పత్తులు, LPG సరఫరాలకు సంబంధించి భారతదేశం చాలా సౌకర్యవంతమైన స్థితిలో ఉందని ప్రభుత్వ వర్గాలు తెలిపాయి. హార్ముజ్ జలసంధి ద్వారా ప్రభావితమయ్యే దానికంటే ప్రస్తుతం దేశంలో వివిధ వనరుల నుండి ఎక్కువ ఇంధన సరఫరాలు ఉన్నాయని సంబంధిత వర్గాలు చెబుతున్నాయి.

మరిన్ని బిజినెస్ వార్తల కోసం ఇక్కడ క్లిక్ చేయండి..