పాతబస్తీలో మహిళలను జుగుప్సాకరంగా తాకుతూ వికృత చేష్టలు.. నిందితుడిని వెంటాడిన స్థానికులు
హైదరాబాద్ పాతబస్తీ ఓ కామాంధుడు రెచ్చిపోయాడు. మహిళలను అసభ్యంగా తాకుతూ ఓ వ్యక్తి పారిపోతున్నాడు. మొఘల్‌పురా పోలీస్ స్టేషన్ పరిధిలోని సుల్తాన్‌ షాహి ప్రాంతంలో ఈ ఘటన జరిగింది.
హైదరాబాద్ పాతబస్తీ ఓ కామాంధుడు రెచ్చిపోయాడు. మహిళలను అసభ్యంగా తాకుతూ ఓ వ్యక్తి పారిపోతున్నాడు. మొఘల్‌పురా పోలీస్ స్టేషన్ పరిధిలోని సుల్తాన్‌ షాహి ప్రాంతంలో ఈ ఘటన జరిగింది. జూలై 25న ఓ మహిళ తన ఇంటి వరండాలోనే బట్టలు ఆరేసుకుంటుండగా.. ఓ కామాంధుడు ఇంట్లోకి ప్రవేశించాడు. ఆమెను అసభ్యంగా తాకాడు. దీంతో ఆ మహిళ గట్టిగా కేకలు వేయడంతో.. అక్కడి నుంచి బైక్‌పై పారిపోయాడు నిందితుడు. అయితే ఇంట్లోనే ఉన్న ఆమె భర్త.. ఆ నిందితుడిని పట్టుకునేందుకు ప్రయత్నించాడు. స్థానికులు కూడా అతడి వెంట పరిగెత్తారు. కాని బైక్‌పై స్పీడ్‌గా వెళ్లిపోయాడు ఆ కామాంధుడు.
దీంతో బాధిత మహిళ పోలీసులను ఆశ్రయించింది. కేసు నమోదు చేసిన పోలీసులు.. సీసీటీవీ ఫుటేజీని సేకరించారు. అయితే ఈ వీడియోలు వాట్సాప్‌లలో వైరల్‌ అయ్యాయి. చిన్నపిల్లల్ని ఎత్తుకెళ్లే గ్యాంగ్‌ హైదరాబాద్‌లోకి ప్రవేశించిందంటూ పుకారు షికారు చేసింది. కానీ పోలీసులు క్లారిటీ ఇస్తూ.. దీని వెనుక ఘటనను వెలుగులోకి తెచ్చారు. సౌత్‌జోన్‌ డీసీపీ స్నేహ మెహరా.. ఈ ఇష్యూని సీరియస్‌గా తీసుకున్నారు. త్వరలోనే నిందితుడిని పట్టుకుంటామన్నారు మొఘల్‌పురా సీఐ దుర్గాప్రసాద్‌.
వీడియో చూడండి…
మరిన్ని క్రైమ్ వార్తల కోసం ఇక్కడ క్లిక్ చేయండి..