Youngest survivor from Corona: కరోనా బారినుంచి బయటపడ్డ అత్యంత పిన్న వయస్కుడు కిమ్స్ ఆసుపత్రి నుంచి డిశ్చార్జ్!
Youngest survivor from Corona: పుట్టిన కొన్ని రోజులకే కరోనా పాజిటివ్ గా నిర్ధారణ అయిన చిన్నారి..ఇప్పుడు పూర్తి ఆరోగ్యంతో ఆసుపత్రి నుంచి డిశ్చార్జ్ అవుతున్నాడు.
Youngest survivor from Corona: పుట్టిన కొన్ని రోజులకే కరోనా పాజిటివ్ గా నిర్ధారణ అయిన చిన్నారి..ఇప్పుడు పూర్తి ఆరోగ్యంతో ఆసుపత్రి నుంచి డిశ్చార్జ్ అవుతున్నాడు. ఈ విషయాన్ని కిమ్స్ ఆసుపత్రి వర్గాలు వెల్లడించాయి. ఏప్రిల్ 17వ తేదీన కరోనాతో కిమ్స్ ఆసుపత్రిలో చేరి వెంటిలేటర్ పై చికిత్స పొందుతున్న ఒక మహిళకు 28 వారం గర్భంతోనే కాన్పు జరిగింది. అప్పుడు పుట్టిన బిడ్డ కేవలం వెయ్యిగ్రాముల బరువు ఉన్నాడు. అయితే, పుట్టే సమయానికే ఆ చిన్నారి నెలలు నిండకుండా పుట్టడం(ప్రీ మెచ్యూర్డ్) వలన శ్వాసకోస సంబంధ బాధలతో పుట్టాడు. ఆ సమయంలో చిన్నారికి కరోనా నెగెటివ్ వచ్చింది. తరువాత ఎనిమిదో రోజున ఆ శిశువు ఆక్సిజన్ లెవెల్స్ పడిపోవడంతో వెంటిలేటర్ పై చికిత్స అందిస్తూ కోవిడ్ పరీక్ష చేశారు. అందులో కోవిడ్ పాజిటివ్ వచ్చింది. అప్పుడు శిశువు బరువు 920 గ్రాములు. కిమ్స్ కడిల్స్ లోని వైద్య బృందం శిశువును కోవిడ్ ఐసోలేషన్ ఐసీయూకు తరలించింది.
అక్కడ కిమ్స్ కడిల్స్, నియోనాటాలజీ మరియు సీనియర్ కన్సల్టెంట్ నియోనాటాలజీ అండ్ పీడియాట్రిక్స్ క్లినికల్ డైరెక్టర్ డాక్టర్ సి అపర్ణ ఆధ్వర్యంలో ఆ శిశువుకు వైద్యం అందించారు. వెంటిలేటరీ సపోర్ట్, ఇంట్రావీనస్ యాంటీబయాటిక్స్ మరియు పోషణ. నియోనేట్ రక్తపోటు, ఆక్సిజన్ సంతృప్తత వంటి వాటిని నిరంతరం పర్యవేక్షిస్తూ చికిత్స చేశారు.
ఈ సమయంలో కుకట్ పల్లికి చెందిన తల్లి బ్లా మౌనికా, తండ్రి రాహుల్ సహా కుటుంబ సభ్యులు అందరికీ వీడియో కాల్స్ ఉపయోగించి నవజాత శిశువు పరిస్థితిని ఎప్పటికపుడు తెలియపరిచేవారు. తల్లిపాలను పంపడానికి ఏర్పాట్లు చేశారు. నియోనేట్ కోవిడ్ నుండి కోలుకున్న తర్వాత ఐసోలేషన్ గదికి శిశువును మార్చారు. శిశువుకు ప్రకాశవంతమైన వెచ్చని గదిలో నర్సింగ్ చేశారు. తల్లి పాలు, సూక్ష్మపోషక భర్తీ అలాగే వేడి కలిగించేందుకు ఉపయోగించే అభివృద్ధి సహాయక సంరక్షణ ఇవ్వబడింది. శిశువు రోజుకు దాదాపు 15-20 గ్రాముల బరువు పెరుగుతూ వచ్చింది. క్రమంగా ఆహరం ట్యూబ్ ఫీడ్ల నుండి నోటి ద్వారా అందించడం మొదలు పెట్టారు. ఆసుపత్రిలో దాదాపు 30 రోజుల ఖచ్చితమైన వైద్య సదుపాయాల తరువాత, మే 17, 2021 న శిశువుకు 1500 గ్రాముల బరువుకు చేరుకుంది. ఆతరువాత తల్లి పాలివ్వడంతో మంచి ఆరోగ్యంగా ఉంది.
డాక్టర్ అపర్ణ ఈ విషయాలు వెల్లడించారు. ఇంకా ఆమె మాట్లాడుతూ ”మా బృందం, కిమ్స్ కడిల్స్ వద్ద, అధిక ప్రమాదం ఉన్న తల్లులు, అధిక ప్రమాదానికి గురైన నవజాత శిశువుల కోసం కోవిడ్ తో బాధపడుతున్న వారితో సహా ప్రపంచ స్థాయి సేవలను అందించడానికి అవిశ్రాంతంగా పనిచేస్తోంది” అని చెప్పారు.
ఈ సందర్భంగా శిశువు తండ్రి రాహుల్ మాట్లాడుతూ, “మా బిడ్డ కోవిడ్ పాజిటివ్ అని తెలుసుకున్నప్పుడు మేము నిజంగా భయపడ్డాము. మా బిడ్డను సురక్షితంగా ఇస్తానని డాక్టర్ అపర్ణ మాకు హామీ ఇచ్చారు. వీడియో కాల్స్ ద్వారా నవజాత శిశువు యొక్క క్లినికల్ పరిస్థితి గురించి మేము నిరంతరం తెలుసుకున్నాము. కిమ్స్ కడ్లెస్ బృందం శిశువు పుట్టిన ఒక నెల తర్వాత మా బిడ్డను సురక్షితంగా ఇంటికి పంపించడం ద్వారా మా కలలను నిజం చేసింది. హైదరాబాద్‌లో ప్రాణాలతో బయటపడిన అతి పిన్న వయస్కుల్లో మా బిడ్డ ఒకరు అని తెలుసుకోవడం మాకు సంతోషంగా ఉంది.” అన్నారు.