UPI Lite వినియోగదారులకు గుడ్‌న్యూస్.. కీలక నిర్ణయం తీసుకున్న ఆర్బీఐ..!
కొత్త ఆటో-టాప్-అప్ ఫీచర్‌తో, నేషనల్ పేమెంట్స్ కార్పొరేషన్ ఆఫ్ ఇండియా (NPCI) మాన్యువల్ రీఛార్జ్ అవసరాన్ని తొలగిస్తూ ప్రక్రియను క్రమబద్ధీకరించాలని లక్ష్యంగా పెట్టుకుంది.
UPI Lite వినియోగదారులకు శుభవార్త. ఎందుకంటే నేటి నుండి అంటే నవంబర్ 1 నుండి, UPI Lite ప్లాట్‌ఫారమ్‌లో రెండు పెద్ద మార్పులు జరగబోతున్నాయి. నవంబర్ 1 నుండి, UPI లైట్ వినియోగదారులు మరిన్ని చెల్లింపులు చేయగలుగుతారు. రిజర్వ్ బ్యాంక్ ఆఫ్ ఇండియా (RBI) ఇటీవల UPI లైట్ లావాదేవీల పరిమితిని పెంచింది. అలాగే, నవంబర్ 1 తర్వాత, మీ UPI లైట్ బ్యాలెన్స్ నిర్దిష్ట పరిమితి కంటే తక్కువగా ఉంటే, కొత్త ఆటో టాప్-అప్ ఫీచర్ ద్వారా మళ్లీ UPI లైట్‌కి డబ్బు జమ అవుతాయి. ఇది మాన్యువల్ టాప్-అప్ అవసరాన్ని తొలగిస్తుంది. దీని కారణంగా యూనిఫైడ్ పేమెంట్స్ ఇంటర్‌ఫేస్ (UPI) లైట్ సహాయంతో చెల్లింపులను సులువుగా చేయవచ్చు.
UPI లైట్ ఆటో-టాప్-అప్ ఫీచర్ నవంబర్ 1, 2024 నుండి మొదలవుతున్నాయి. UPI లైట్ అనేది UPI పిన్‌ని ఉపయోగించకుండా చిన్న లావాదేవీలు చేయడానికి వినియోగదారులను అనుమతించే ఒక వాలెట్. ప్రస్తుతం, UPI లైట్ వినియోగదారులు చెల్లింపులను కొనసాగించడానికి వారి బ్యాంక్ ఖాతా నుండి వారి వాలెట్ బ్యాలెన్స్‌ని మాన్యువల్‌గా రీఛార్జ్ చేసుకోవాలి. అయితే, కొత్త ఆటో-టాప్-అప్ ఫీచర్‌తో, నేషనల్ పేమెంట్స్ కార్పొరేషన్ ఆఫ్ ఇండియా (NPCI) మాన్యువల్ రీఛార్జ్ అవసరాన్ని తొలగిస్తూ ప్రక్రియను క్రమబద్ధీకరించాలని లక్ష్యంగా పెట్టుకుంది. ఆగస్టు 27, 2024 నాటి NPCI నోటిఫికేషన్‌లో UPI లైట్ ఆటో-పే బ్యాలెన్స్ ఫీచర్ ప్రకటించింది.
త్వరలో UPI లైట్‌లో కనీస బ్యాలెన్స్‌ని సెట్ చేయగలుగుతారు. మీ బ్యాలెన్స్ ఈ పరిమితి కంటే తగ్గినప్పుడల్లా, మీ UPI లైట్ వాలెట్ మీ లింక్ చేసిన బ్యాంక్ ఖాతా నుండి నిర్ణీత మొత్తంతో ఆటోమేటిక్‌గా భర్తీ అవుతంది. రీఛార్జ్ మొత్తాన్ని కూడా మీరు సెట్ చేసుకోవచ్చు. అయితే, ఈ వాలెట్ పరిమితి రూ. 2,000 మించకూడదు. UPI లైట్ ఖాతాలో ఒక రోజులో గరిష్టంగా ఐదు టాప్-అప్‌లు అనుమతించడం జరుగుతుంది. కాగా, NPCI ప్రకారం, UPI లైట్ వినియోగదారులు అక్టోబర్ 31, 2024 నాటికి ఆటో-పే బ్యాలెన్స్ సదుపాయాన్ని ప్రారంభించవలసి ఉంటుంది. దీని తర్వాత, మీరు నవంబర్ 1, 2024 నుండి UPI లైట్‌లో ఆటో టాప్-అప్ ఫీచర్‌ని ఉపయోగించగలరు.
UPI లైట్ ప్రతి వినియోగదారుడు రూ. 500 వరకు లావాదేవీలు చేయడానికి అనుమతిస్తుంది. దీనితో, UPI లైట్ వాలెట్‌లో గరిష్టంగా రూ. 2000 బ్యాలెన్స్ ఉంచవచ్చు. UPI లైట్ వాలెట్ యొక్క రోజువారీ ఖర్చు పరిమితి రూ. 4000. UPI లైట్ గరిష్ట లావాదేవీల పరిమితిని రూ.500 నుంచి రూ.1,000కి పెంచాలని భారతీయ రిజర్వ్ బ్యాంక్ (RBI) ప్రతిపాదించింది. అదనంగా, UPI లైట్ వాలెట్ పరిమితి కూడా రూ. 2,000 నుండి రూ. 5,000కి పెంచింది ఆర్బీఐ.
మరిన్ని బిజినెస్ వార్తల కోసం ఇక్కడ క్లిక్ చేయండి..
