Black Death: ఐదువేల ఏళ్ళనాటి పుర్రె చెప్పిన నిజం.. బ్లాక్ డెత్ కలుగచేసే బాక్టీరియా అప్పటినుంచే ఉంది!

Black Death

Black Death: ‘బ్లాక్ డెత్’ అనే అంటువ్యాధికి కారణమైన 5000 సంవత్సరాల పురాతన బాక్టీరియాను జర్మన్ శాస్త్రవేత్తలు కనుగొన్నారు. ఈ వ్యాధి 14 వ శతాబ్దంలో ప్రజలను బాగా ఇబ్బంది పెట్టింది. ఈ బ్యాక్టీరియా పేరు యెర్సినియా పెస్టిస్. ఇది ఒక పురాతన వేటగాడి పుర్రె నుండి కనిపెట్టారు. ఇప్పటి వరకు, ‘బ్లాక్ డెత్’ ప్లేగు బ్యాక్టీరియా వెయ్యి సంవత్సరాల నాటిదని శాస్త్రవేత్తలు భావిస్తూ వచ్చారు. కానీ, ఈ కొత్త పరిశోధన ప్రకారం దాని మూలాలు 7 వేల సంవత్సరాల నాటివని తేలింది. ఈ వాదనను జర్మనీలోని కీల్ విశ్వవిద్యాలయం తన ఇటీవలి పరిశోధనలో చేసింది. ఈ పరిశోధనలు చేసిన పుర్రె కలిగిన వేటగాడు మరణించేటప్పుడు 20 నుండి 30 సంవత్సరాల వయస్సు గలవాడై ఉండొచ్చని కీల్ విశ్వవిద్యాలయానికి చెందిన పరిశోధకుడు క్రాస్ కియోరా చెప్పారు.

ఈ పుర్రెకు RV2039 అని పేరు పెట్టారు. ఈ వేటగాడిని లాట్వియాలోని రినుకాల్న్స్ ప్రాంతంలో సుమారు 5000 సంవత్సరాల క్రితం ఖననం చేశారు. శాస్త్రవేత్తలు ఈ ప్రెడేటర్ యొక్క ఎముకలను 19 వ శతాబ్దంలో కనుగొన్నారు. 2011 లో, ఇలాంటి పుర్రెలను కనుగొన్న తరువాత, శోధన మళ్లీ ప్రారంభించారు.

జర్మన్ శాస్త్రవేత్తలు ఇప్పటివరకు ఇలాంటి నాలుగు పుర్రెలు మరియు అస్థిపంజరాలు కనుగొన్నారు. పరీక్షలో, వాటిలో పెద్ద సంఖ్యలో బ్యాక్టీరియా, వైరస్ల ఆనవాళ్ళు దొరికాయి. ఇక్కడే యెర్సినియా పెస్టిస్ బ్యాక్టీరియా కూడా కనబడింది. అయితే, ఈ బాక్టీరియా మానవులకు ఎలా సోకిందో శాస్త్రవేత్తలు గుర్తించలేకపోయారు.

ఈ పుర్రెగల వేటగాడు మరణించే సమయంలో రక్తంలో పెద్ద సంఖ్యలో బ్యాక్టీరియా ఉంది. పుర్రెలో ఉన్న దంతాల మూలాలను పరిశీలించారు. ఈ పరిశోధనలో ఒక విషయం తెరపైకి వచ్చింది. మరణించే సమయంలో, ఈ బ్యాక్టీరియా అతని రక్తంలో పెద్ద పరిమాణంలో ఉంది. బాక్టీరియా రక్తంలోకి చేరిపోవడం కారణంగా వేటగాడు మరణించాడని ఇది సూచిస్తుంది. శాస్త్రవేత్తలు, ఈ బ్యాక్టీరియా మానవులకు ఎంత ప్రమాదం కలిగిస్తుందో ప్రస్తుతం పరిశీలిస్తున్నారు. ఇప్పుడు మనుగాడలో ఉన్న యెర్సినియా పెస్టిస్ బాక్టీరియా తన పూర్వీకుడు అంత తీవ్రమైన అంటువ్యాధి, ప్రాణాంతకం కాదని బాక్టీరియల్ పరిశోధనలు రుజువు చేశాయి. నియోలిథిక్ కాలంలో, పశ్చిమ ఐరోపా నుండి వచ్చిన ఇటువంటి బ్యాక్టీరియా మానవ జనాభాలో భారీ మరణాలకు కారణమైంది.

Also Read: Radio: ప్రపంచ సమాచార వ్యవస్థ గతినే మార్చిన రేడియో.. ఈ ఆవిష్కరణ కోసం మార్కోనీ ఏం చేశాడో తెలుసా?

Pace Maker: బ్యాటరీ లేకుండా పనిచేసే తాత్కాలిక పేస్‌మేకర్‌ సృష్టించిన శాస్త్రవేత్తలు