Nokia T20 Tablet: నోకియా టీ 20 ట్యాబ్లెట్ విడుదల.. అద్భుతమైన ఫీచర్స్‌.. అధిక బ్యాటరీ సామర్థ్యం..!
Nokia T20 Tablet: ప్రముఖ స్మార్ట్‌ఫోన్‌ బ్రాండ్‌ నోకియాకు చెందిన హెచ్‌ఎండీ గ్లోబల్‌ తన మొట్టమొదటి ట్యాబ్లెట్‌ను విడుదల చేసింది. నోకియా టి 20 టాబ్లెట్..
Nokia T20 Tablet: ప్రముఖ స్మార్ట్‌ఫోన్‌ బ్రాండ్‌ నోకియాకు చెందిన హెచ్‌ఎండీ గ్లోబల్‌ తన మొట్టమొదటి ట్యాబ్లెట్‌ను విడుదల చేసింది. నోకియా టి 20 టాబ్లెట్ పేరుతో బుధవారం దీనిని మార్కెట్లో విడుదల చేసింది. అత్యాధునిక ఫీచర్స్‌ను జోడించిన ఈ ట్యాబ్లెట్ ధర రూ.20వేల వరకు ఉండనుంది. ఒకప్పుడు వెలుగు వెలిగిన నోకియా.. కస్టమర్లను దృష్టిలో ఉంచుకుని బడ్జెట్‌ ల్యాబ్లెట్‌ను విడుదల చేసింది. తక్కువ ధరల్లో ఎక్కువ ఫీచర్స్‌ ఉండేలా దీనిని రూపొందించింది.
నోకియా టి 20 ధర, లభ్యత:
నోకియా టి 20 ట్యాబ్లెట్ వైఫై, వైఫై ప్లస్ 4జీ అనే రెండు వేరియంట్లలో మార్కెట్లో విడుదలైంది. దీని వై-ఫై వేరియంట్ సుమారు రూ. 17,200, వైఫై + 4జీ వేరియంట్ సుమారు రూ. 20,600 ధర వద్ద ప్రారంభమవుతుంది. వైఫై వేరియంట్ 3జీబీ ర్యామ్+ 32జీబీ స్టోరేజ్, 4జీబీ ర్యామ్+ 64 జీబీ స్టోరేజీలో ఉంది. అయితే, వైఫై ప్లస్ 4G మోడల్ మాత్రం సింగిల్ 4 జీబీ + 64 జీబీ కాన్ఫిగరేషన్లో లభిస్తుంది. ఈ వేరియంట్లు అక్టోబర్ 6 నుంచి అమ్మకాలు ప్రారంభం అయ్యాయి. టి 20 ట్యాబ్లెట్తో పాటు ఉచిత స్పాటిపై సబ్స్క్రిప్షన్ లభిస్తుంది. ఇందులో 70 మిలియన్లకు పైగా పాటలు, 2.9 మిలియన్ పాడ్‌కాస్ట్‌లను యాక్సెస్ చేసుకోవచ్చు.
నోకియా టి 20 ఫీచర్స్‌..
నోకియా టి 20 ట్యాబ్లెట్ సైజు 10.4 అంగుళాల 2K ఇన్-సెల్ డిస్‌ప్లేతో వస్తుంది. ఇది ఆక్టా-కోర్ యూనిసాక్ T610 SoC ప్రాసెసర్తో రన్‌ అవుతుంది. ఇది 3 జీబీ, 4 జీబీ ర్యామ్, 32 జీబీ, 64 జీబీ ఆన్‌బోర్డ్ స్టోరేజ్ ఆప్షన్‌లను అందుబాటులోకి తీసుకువచ్చింది. ఫోటోలు, వీడియోల కోసం, నోకియా టి 20 ముందు భాగంలో 5 మెగాపిక్సెల్ సెల్ఫీ సెన్సార్ కెమెరా, వెనుకవైపు 8 మెగాపిక్సెల్ కెమెరా సెన్సార్‌లను అందించింది. దీని వెనుకవైపు ఎల్ఈడీ ఫ్లాష్‌ కెమెరాను కూడా చేర్చింది. కనెక్టివిటి విషయానికొస్తే 4 జి ఎల్‌టిఈ, వై-ఫై, బ్లూటూత్ v5.0, యూఎస్బీ టైప్-సి, 3.5 మిమీ హెడ్‌ఫోన్ జాక్ వంటివి అందించింది. 8,200mAh బ్యాటరీ ఉంది. ఇందులో 15W ఛార్జర్ ద్వారా ఫాస్ట్ ఛార్జింగ్కు సపోర్టు చేస్తుంది.