Indian Railways: రైల్వే స్టేషన్, రైళ్లలో అపరిశుభ్రత, దుర్వాసనతో ఇబ్బంది పడుతున్నారా? కొత్త టెక్నాలజీతో సమస్యకు చెక్‌
Indian Railways: భారతీయ రైల్వేలు ప్రయాణికులకు అనేక రకాల సౌకర్యాలు కల్పిస్తున్నాయి. రైల్వేలు రోజురోజుకూ హైటెక్‌గా మారుతున్నాయి. అత్యాధునిక సాంకేతికతను మరింత వినియోగిస్తున్నారు. రైళ్లు, స్టేషన్లు, అనేక ఇతర ప్రదేశాలలో రైల్వే ముఖ్యమైన మార్పులు చేసింది. ఇప్పటికీ, రైలు ప్రయాణంలో ప్రజలు కొన్నిసార్లు అనేక ఇబ్బందులు ఎదుర్కొంటారు. ప్రధానంగా రైల్వే స్టేషన్, రైళ్లలో దుర్వాసన, అపరిశుభ్రతతో కూడిన..
Indian Railways: భారతీయ రైల్వేలు ప్రయాణికులకు అనేక రకాల సౌకర్యాలు కల్పిస్తున్నాయి. రైల్వేలు రోజురోజుకూ హైటెక్‌గా మారుతున్నాయి. అత్యాధునిక సాంకేతికతను మరింత వినియోగిస్తున్నారు. రైళ్లు, స్టేషన్లు, అనేక ఇతర ప్రదేశాలలో రైల్వే ముఖ్యమైన మార్పులు చేసింది. ఇప్పటికీ, రైలు ప్రయాణంలో ప్రజలు కొన్నిసార్లు అనేక ఇబ్బందులు ఎదుర్కొంటారు. ప్రధానంగా రైల్వే స్టేషన్, రైళ్లలో దుర్వాసన, అపరిశుభ్రతతో కూడిన మరుగుదొడ్లను ప్రజలు వినియోగించుకోవాల్సి పరిస్థితి వస్తుంటుంది. దీని వల్ల ప్రయాణికులు ఇబ్బందులు పడుతుంటారు. రైల్వే అధికారుల అలసత్వం కారణంగా ప్రయాణికులకు ఇబ్బందిగా మారుతుంది. స్టేషన్‌లలో, రైళ్లలో అపరిశుభ్రంగా ఉండటం, పైగా దుర్వాసన రావడం వంటి వాటిపై ప్రయాణికుల నుంచి ఎన్నో ఫిర్యాదులు అందుతున్న నేపథ్యంలో రైల్వే శాఖ కీలక నిర్ణయం తీసుకుంది. పరిశుభ్రతపై దృష్టి సారించేందుకు చర్యలు చేపడుతోంది. ఇలాంటి అపరిశుభ్రత, దుర్వాసన సమస్యకు చెక్‌ పెట్టేందుకు రైల్వే ఇప్పుడు కొత్త టెక్నాలజీని తీసుకువచ్చేందుకు సిద్ధమవుతోంది.
అయితే రైళ్లలో మరుగుదొడ్లు అపరిశుభ్రంగా ఉన్నాయని ఫిర్యాదులు రావడం సర్వసాధారణమైపోయింది. ప్రయాణ సమయంలో ప్రతి ప్రయాణీకుడు ఈ సమస్యను ఎదుర్కోవలసి ఉంటుంది. ఇప్పుడు రైలు, స్టేషన్ ఆవరణల నుండి వచ్చే దుర్వాసన నుంచి ప్రజలు విముక్తి పొందే సమయం వచ్చేస్తోంది.
ఈ టెక్నాలజీ ద్వారా దుర్వాసనకు చెక్‌:
మీడియా నివేదికల ప్రకారం, రైల్వే బోర్డు IoT ఆధారిత సాంకేతికతను పరీక్షించడానికి సిద్ధం చేసింది. ఈ సాంకేతికత వల్ల దుర్వాసన, అపరిశుభ్రత ఎక్కడుందో వెంటనే తెలుసుకునే వెసులుబాటు ఉంటుంది. డిటెక్టర్ల ద్వారా వాసన పసిగట్టే పనిని ఈ టెక్నాలజీ చేస్తుంది. ఏది ఏమైనప్పటికీ, రైలు, స్టేషన్ ఆవరణలో దుర్వాసన వస్తుందని రైల్ మదద్ యాప్‌లో అనేక ఫిర్యాదులు అందుతున్నాయి. ఇలాంటి ఫిర్యాదులను స్వీకరిస్తున్న రైల్వే ఈ కొత్త టెక్నాలజీని అందుబాటులోకి తీసుకువచ్చేందుకు సిద్ధమవుతోంది. ఇందు కోసం ఈ టెక్నాలజీ బోర్డు ముంబైకి చెందిన స్టార్టప్ విల్లిసో టెక్నాలజీస్‌ను ఎంపిక చేసిందని నివేదిక పేర్కొంది. ప్రస్తుతం దీని కోసం పరీక్షలు జరుగుతున్నాయి. ఈ టెక్నాలజీని కొన్ని కోచ్‌లలో ఉపయోగించనున్నారు. దీని ట్రయల్ విజయవంతమైన తర్వాత ఈ సాంకేతికత ఇతర రైళ్లలో ఉపయోగించనున్నారు.
ఈ టెక్నాలజీ ఎలా పనిచేస్తుంది?
మరుగుదొడ్డి నుంచి వచ్చే దుర్వాసనను గుర్తించేందుకు సెన్సార్లను వినియోగిస్తామని చెబుతున్నారు. సెన్సార్ గాలిలో ఉన్న అస్థిర సమ్మేళనాలు, అణువులను గుర్తిస్తుంది. దీని తర్వాత ఈ డేటా సెంట్రల్ హబ్‌కు చేరుతుంది. హబ్ ఈ డేటాను విశ్లేషించి వెంటనే ప్రతిస్పందిస్తుంది. ఇది దుర్వాసన గురించి సిబ్బందిని అలర్ట్ చేసి శుభ్రపరిచే సిబ్బందిని కూడా హెచ్చరిస్తుంది. ఇక్కడ శుభ్రం చేయాల్సిన అవసరం ఉందని అలర్ట్ చేస్తుంది. ఈ టెక్నాలజీ ద్వారా స్టేషన్‌లలో, రైళ్లలో ఎప్పటికప్పడు శుభ్రత ఉండే అవకాశం ఉంది.
మరుగుదొడ్డి నుంచి వచ్చే దుర్వాసనను గుర్తించేందుకు సెన్సార్లను వినియోగిస్తామని చెబుతున్నారు. సెన్సార్ గాలిలో ఉన్న అస్థిర సమ్మేళనాలు మరియు అణువులను గుర్తిస్తుంది. దీని తర్వాత ఈ డేటా సెంట్రల్ హబ్‌కు పంపబడుతుంది. హబ్ ఈ డేటాను విశ్లేషిస్తుంది మరియు వెంటనే ప్రతిస్పందిస్తుంది. ఇది వాసనల గురించి శుభ్రపరిచే సిబ్బందిని కూడా హెచ్చరిస్తుంది. ఇక్కడ శుభ్రం చేయాల్సిన అవసరం ఉందని అతనికి చెప్పవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి