టెక్‌ ప్రపంచంలో సంచలన నిర్ణయం..! గూగుల్‌ అసిస్టెంట్‌కి ఎండ్​ కార్డ్‌ పడినట్టేనా..?

గూగుల్ హఠాత్తుగా తీసుకున్న ఈ పెద్ద నిర్ణయంతో మన ఫోన్లలో భారీ మార్పులు రాబోతున్నాయి. ఊహకందని తెలివితేటలతో కూడిన జెమిని అసిస్టెంట్ మన ముందుకు వస్తోంది. సెప్టెంబర్ 4 నుంచి విడతలవారీగా ఈ సేవలు అందరి ఫోన్లకు అందనున్నాయి. ఈ సరికొత్త మార్పుతో మన దైనందిన పనులు ఎంత సులువుగా మారుతాయో, ఏయే పరికరాల్లో ఇది రానుందో పూర్తి వివరాలు తెలుసుకుందాం.

విడతలవారీగా మార్పులు

సెప్టెంబర్ 4 నుంచి ఈ సేవలు ఆగిపోతాయని ప్రకటించినప్పటికీ అందరి ఫోన్లలో ఒకేసారి మారవు. గూగుల్ దీనిని విడతలవారీగా అందుబాటులోకి తెస్తోంది. కాబట్టి మన ఫోన్ మోడల్, మనం ఉండే ప్రాంతాన్ని బట్టి ఈ మార్పు జరగడానికి కొన్ని వారాల సమయం పట్టవచ్చు. ఇప్పటికే జెమిని వాడుతున్న వారికి ఈ మార్పు పెద్దగా తేడా అనిపించకపోవచ్చు.

2016 నుంచి మనకు సేవలు అందిస్తున్న గూగుల్ అసిస్టెంట్ కంటే జెమిని చాలా తెలివైంది. మన స్క్రీన్ మీద ఏముందో చూసి దానికి తగినట్లుగా సమాధానాలు చెప్పగలదు. పెద్ద పెద్ద ప్రశ్నలను కూడా సులువుగా అర్థం చేసుకుని, సహజంగా సంభాషిస్తుంది. అలారాలు పెట్టడం, మెసేజ్‌లు పంపడం, పాటలు ప్లే చేయడం వంటి పనులన్నీ ఇది మరింత సులువుగా చేస్తుంది. టెక్నాలజీ పరంగా ఇది ఒక అద్భుతమైన ముందడుగు అని చెప్పవచ్చు.

హెడ్‌ఫోన్లలో హవా

ఈ మార్పు కేవలం స్మార్ట్‌ఫోన్లకే పరిమితం కాలేదు. మన ఆండ్రాయిడ్ స్మార్ట్‌వాచ్‌లు, హెడ్‌ఫోన్లు, ఆటో డ్రైవింగ్ సిస్టమ్‌లలోకి కూడా జెమిని రాబోతోంది. కార్లలో ప్రయాణించేటప్పుడు నావిగేషన్, కాల్స్, మ్యూజిక్ వంటి వాటిని జెమిని ద్వారా చాలా సులభంగా కంట్రోల్ చేయవచ్చు. గూగుల్ తమ స్మార్ట్ హోమ్ ఉత్పత్తులలోకి కూడా దీనిని తీసుకొస్తోంది. అయితే అన్ని పరికరాల్లోనూ ఇప్పుడే గూగుల్ అసిస్టెంట్ పోదు.

ఆండ్రాయిడ్ టీవీలు, సెట్‌టాప్ బాక్స్‌లు, కొన్ని ప్రత్యేక వాహనాల్లో ప్రస్తుతానికి ఇది కొనసాగుతుంది. అలాగే పాత మోడల్ ఫోన్లు, జెమిని సపోర్ట్ లేని ప్రాంతాలలో ఉన్న యూజర్లు కూడా మరికొంత కాలం పాత అసిస్టెంట్‌నే వాడుకోవచ్చు. మొత్తానికి మన దైనందిన పనులను మరింత వేగంగా, తేలికగా మార్చేందుకు గూగుల్ ఈ కొత్త అసిస్టెంట్‌ను మన ముందుకు తెస్తోంది. ఈ మార్పు డిజిటల్ అనుభూతినే పూర్తిగా మార్చివేయనుంది.